KALAPPASSANG 30:33 - KITTA' MATANGKASA'

³³ Tau appareka minynya' kamma anjo, yareka napakei untu' tau teai imang, tenamo nalanibilang anggota ummakKu.”

KALAPPASSANG 30:33 Referans Kwoze

KALAPPASSANG 30:38

Inai-nai appare' bau'-baukang kammaya anjo, tenamo nanibilang anggota ummakKu.”

PA'JARIANG 17:14

Sikamma bura'-bura'ne tenaya nisunnaki tenamo nalanibilang anggota ummakKu, lanri tenana nanna'gala' mae ri anjo parjanjianga.”

KALAPPASSANG 12:15

Nakana Batara, “Tuju allo sallona takkulleako angnganre roti ammake pa'gambang. Ri allo makase'rea sikontu pa'gambanga musti nipasuluki battu ri balla'nu, nasaba' punna lalanna anjo tuju alloa nia' sitau angnganre roti ammake pa'gambang, tenamo nakkulle nikana anggota ummakKu.

PAMMILANGNGANG 9:13

Kabalekanna tau tenaya nara'masa' siagang tenaya todong nalalang pa'jappang, mingka tanajampangiai ampakalompoi allo Paskaya, tenamo naKubilangi ummakKu, lanri tenana nassare koro'bang mae ri Nakke ri allo le'baka nipattantu. Anjo taua musti natanggongi kale'bakkang kodina anjo dosana.

KAIMANGNGANG 23:29

Inai-nai angnganre apa-apa anjo alloa, tenamo nanibilangi umma'Na Allata'ala.

KAIMANGNGANG 19:8

Inai-nai angkanrei anjo dagenga salami lanri tena najampangi apa nisa'laka untu' iNakke. Anjo tau kammaya tenamo nanibilangi anggota ummakKu.

KAIMANGNGANG 17:9

mae ri Batara, musti napassareangi ri dallekang pakke'bu' KemaNa Batara. Punna anjorengi ri tampa' maraenga napassareang, takkulleami nibilang anggota umma'Na Allata'ala.

KALAPPASSANG 29:33

Musti nakanrei ke'nanga kanre nikoro'bangkanga lalang ri upacara pammopporang dosa ri wattunna palantikang. Imangaji bawang akkulle angkanrei kanre le'baka nisa'la' untu' iNakke.

KALAPPASSANG 30:34

Nakana Batara ri Musa, “Angngalleko a'rupa-rupa rampa ia sangkammaya jaina, iamintu gatta damara', bi'bi' lokan, gatta rasamala siagang kamanynyang tenaya campuranna.

KALAPPASSANG 31:14

Musti nupakalompoi anjo Allo Pammari-marianga a'jari allo matangkasa'. Kusareko annang allo untu' anjama, mingka allo makatujua iami allo lompo nisa'laka untu' iNakke. Inai-nai tena napakalompoi, mingka anjamai ri anjo alloa, musti nihukkung matei.

KAIMANGNGANG 17:10

Punna nia' tu Israel yareka bansa maraeng ammantang tulia ri alla'na tu Israel angnganre cera', lanihukkungi ri Batara siagang takkulleami nibilang anggota umma'Na Batara.

KAIMANGNGANG 17:14

Nyawana sikamma apa attallasaka niaki lalang ri cera'na. Lanri kammana minjo Napappisangkangi Batara mae ri bansa Israelka angnganre cera'. Sikamma tau anggaukangai anjo apa Nipappisangkanga, tenamo nanibilangi anggota umma'Na Allata'ala.

KAIMANGNGANG 18:29

Nuassengi angkanaya inai-nai anggaukangi panggaukang ra'masa' kammaya anjo tenamo nanibilangi anggota umma'Na Allata'ala.

KAIMANGNGANG 20:3

Inai-nai angkoro'bangkangi ana'na mae ri Rewata Molokh, nara'massi KemaKu siagang nahinai areng matangkasakKu. LaKuhukkungi siagang tenamo nalaKubilangi anggota ummakKu.

KAIMANGNGANG 20:17

Punna nia' tu bura'ne a'gau' bawang siagang sari'battang bainena yareka sari'battang julu mangge namaraeng amma'na, yareka sari'battang julu amma' namaraeng mangge, tenamo nanibilangi ke'nanga anggota ummakKu. Ampanggaukang tasilolongammi ke'nanga siagang musti natanggongi kodina kale'bakkanna.

KAIMANGNGANG 20:18

Punna nia' tu bura'ne assikatinroang siagang baine sitabanga battu bulanna, tenamo nanibilangi ke'nanga anggota ummakKu.

KAIMANGNGANG 22:3

Punna nia' jari-jarinu ia ra'masaka anreppesi sikamma passare matangkasa' le'baka nasa'la' bansa Israel untu' iNakke, takkulleami a'jari palayang ri tampa' pakkoro'bangnganga. Anjo paratoranga tappakei sa'genna satunggu-tungguna. INakke Batara.

PAMMILANGNGANG 15:30

Mingka punna nia' tu Israel yareka bansa maraeng nakunjungi anggaukangi anjo dosaya, nabawang-bawangngangi Batara. Anjo tau kammaya musti nihukkung matei,

PAMMILANGNGANG 15:31

lanri naewai Batara siagang nakunjungi andakkai parentaNa Batara. Anjo tau kammaya matei lanri kasalanna tonji.

PAMMILANGNGANG 19:13

Tau naseroa maya' siagang tenaya natangkasi kalenna anjari ra'masaki, lanri tenanapa nanitiriki siagang je'ne' upacara. Nara'massi KemaNa Batara siagang lanri kammana anjo tenamo nanibilangi anggota umma'Na Allata'ala.

PAMMILANGNGANG 19:20

Tau a'jari ra'masaka siagang tena nagaukangi upacara pannangkasia ri kalenna, tuli ra'masa'na lanri tenapa nanitiriki siagang je'ne' upacara. Nara'massi KemaNa Batara, siagang tenamo nanibilangi anggota umma'Na Allata'ala.