KALAPPASSANG 30:30 - KITTA' MATANGKASA'

³⁰ Minynyaki tongi Harun siagang ana'-ana'na sollanna nilanti' ke'nanga a'jari imang untu' allayaniA'.

KALAPPASSANG 30:30 Referans Kwoze

KAIMANGNGANG 8:12

Le'baki anjo nalanti'mi Musa anjo Harun; natiriki sike'de' minynya' upacara irate ri tompo' ulunna.

KAIMANGNGANG 8:30

Le'baki anjo naallemi Musa sipa'gang minynya' upacaraya siagang sipa'gang cera' niaka rate ri tampa' pakkoro'bangnganga, nampa naparacci' mae ri Harun siagang sikamma ana'na kammayatompa mae ri pakeanna ke'nanga. Kammaminjo carana Musa nanasa'la'mo ke'nanga siagang pakeanna ke'nanga untu' Batara.

KALAPPASSANG 28:3

Kioki sikontu tukang manjaika ia le'baka Kusare kacara'dekang. Suroi ke'nanga ampareki pakeanna Harun sollanna akkulle nisa'la' untu' allayaniA' salaku imang.

PAMMILANGNGANG 3:3

Nilantiki ke'nanga a'jari imang siagang upacara iamintu nitiriki minynya' tompo' ulunna ke'nanga.

KALAPPASSANG 40:15

Nampa minynyaki ke'nanga sangkamma batenu amminynyaki manggena ke'nanga, sollanna akkulle todong ke'nanga allayaniA' salaku imang. Lanri anjo upacara minynyaka, iami ke'nanga siagang jari-jarina anta'galaki jama-jamang kaimangnganga.”

KALAPPASSANG 28:41

Pipakei sari'battannu Harun anjo pakeanga siagang ana'-ana'na. Minynyaki ke'nanga siagang minynya' zaitun; kammaminjo nanilanti'mo ke'nanga siagang nisa'la'mo ke'nanga untu' allayaniA' salaku imang.

KALAPPASSANG 30:29

Kammaminjo carana musti nusa'la' sikamma anjo barang-baranga untu' iNakke, sollanna a'jari matangkasa' kabusu'. Apa-apa mamo anseroi anjo tampa' pakkoro'bangnganga musti nipassareangi mae ri Batara; siagang inai-nai anseroi anjo tampa' pakkoro'bangnganga lanitujui ri bala lanri kagassingang matangkasa'na.

KALAPPASSANG 30:31

Paui mae ri bansa Israel angkanaya sa'genna satunggu-tungguna anjo minynya' upacaraya nisa'laki untu' iNakke bawang.

KAIMANGNGANG 10:3

Jari nakanamo Musa mae ri Harun, “Iaminjo natabaya kananNa Batara ri wattunna angkana, ‘Sikontu allayania mae ri Nakke musti napakala'biriki katangkasangKu. Kupa'nyatai kalompoangKu mae ri sikontu bansaKu.’ ” Mingka tena nakkana-kana Harun.

PAMMUJI 133:2

Anjo sanrapangi minynya' wangi ka'jalaka ballinna nipatirika naung ri ulunna Harun, nampa naung ri kallong bajunna.