KALAPPASSANG 30:26 - KITTA' MATANGKASA'

²⁶ Pakei anjo campuranga untu' amminynyaki KemaKu, Patti Parjanjianga,

KALAPPASSANG 30:26 Referans Kwoze

PAMMILANGNGANG 7:1

Ri wattunna le'ba' nabangung Musa KemaNa Batara, nitangkasimi anjo Kemaya siagang sikontu pakkakasa'na, iamintu nisapui ngasengi siagang minynya' upacara. Kamma tomminjo nagaukanga mae ri tampa' pakkoro'bangnganga siagang sikontu pakkakasa'na.

1 YOHANES 2:27

Mingka ri passala'na kalennu ngaseng, le'ba'mi Napaturung Almasi RohNa mae ri kau ngaseng. Na lalang nia'na RohNa ri kau ngaseng, tenamo naparallu nia' tau angngajarakko. Nasaba' iaminjo RohNa angngajarakko untu' sikontu passalaka; na anjo apa Napangngajarranga kontutojengi, teai balle-balle. Lanri kammana, paralluko mannuruki ngaseng mae ri anjo apa Napangngajarranga; siagang paralluko tuli asse're siagang Almasi lalang ri katallassannu.

1 YOHANES 2:20

Mingka nutarimami RohNa Allata'ala, le'baka Napaturung Isa Almasi. Iaminjo saba'na nanuassemmo pangngajarang tojenga.

LAMPA-LAMPANA 10:38

Nuassemmi angkanaya le'ba'mi Napile Allata'ala anjo Isa tu Nazaretka, naNapassareang RohNa Allata'ala siagang koasaNa mae ri Ia. Nuasseng tommi angkanaya le'ba'mi a'lampa mange-mange Isa anggaukangi kabajikanga; Naballeimi sa'genna a'jari baji' sikamma tau nasosoka setang, lanri niaki Allata'ala anrurungangi.

YESAYA 61:1

KoasaNa Batara Kaminang Tinggia niaki ri nakke; Napilea' siagang Nasuroa' untu' angngerang kabara' baji' mae ri tau kasi-asia siagang ampammollei tau ancuruka pa'mai'na; untu' ampa'la'bangi mae ri tau nitahanga angkanaya tasalloami nanilappassang ke'nanga, siagang mae ri sikamma tau nitarungkua angkanaya lanipasulu'mi ke'nanga.

PAMMILANGNGANG 7:10

Sikamma pamimpinga angngerang passare untu' ampakalompoi upacara pannangkasi tampa' pakkoro'bangnganga. Ri wattunna sadiamo ke'nanga untu' angngerangi passarena ke'nanga mange ri dallekanna tampa' pakkoro'bangnganga,

KALAPPASSANG 30:27

mejanga siagang sikamma pakkakasa'na, bangkeng lampua siagang pakkakasa'na, tampa' pattunuang dupaya,

YEHEZKIEL 28:14

Malaeka' appakamallaka laKuboliki anjoreng untu' anjagaiko. Ammantangko irate ri bulu' matangkasakKu siagang a'jappako ri tangnga-tangngana batu paramata accilla'-cillaka.

PAMMILANGNGANG 17:2

“Suroi tu Israel assareko sampulo anrua takkang, tasse'rei takkang untu' tasse'rei suku, ia mustia napassareang pamimping sukua. Tulisiki arenna tunggala' pamimpinna sukua ri anjo takkanga,