KALAPPASSANG 30:16 - KITTA' MATANGKASA'

¹⁶ Pa'rappungi anjo doeka battu ri bansa Israel, siagang pakei untu' kaparalluang ibadaya lalang ri KemaKu. Yangasenna anjo doeka a'jari pappasulu' untu' kalenna ke'nanga, siagang latuli Kuu'rangi untu' anjagai ke'nanga.”

KALAPPASSANG 30:16 Referans Kwoze

PAMMILANGNGANG 16:40

Iaminjo a'jari pappiu'rangi mae ri bansa Israel angkanaya pantaranganna jari-jarina Harun, tena manna sitau akkulle battu mae ri tampa' pakkoro'bangnganga untu' attunu dupa mae ri Batara. Inai tau andakkai anjo paratoranga lanipanraki sangkamma Korah siagang sikontu tumminawanna. Yangasenna anjo kammaya nigaukangi situru' apa Naparentakanga Batara mae ri Eleazar tete ri Musa.

KALAPPASSANG 12:14

Anjo alloa musti nuu'rangi na nupakalompo a'jari allo lompo mae ri Batara. Untu' situlusu'na anjo alloa musti nupakalompoi tunggala' taung.”

LUKAS 22:19

Le'baki anjo angngallemi roti Isa. Na le'ba'na appala' sukkuru', Napue-puemi anjo rotia siagang limanNa, nampa Napassareang mae ri ke'nanga, na Nakana, “Iaminne batangkalengKu [nipassareanga untu' ikau ngaseng. Gaukammi anne kammaya, untu' a'jari pangngu'rangi mae ri Nakke.”

KALAPPASSANG 30:15

Tau kalumanynyanga takkulleai a'bayara' la'bi siagang tau kasi-asia takkulleai a'bayara' kurang ri wattunna nabayara' ke'nanga anjo doe' pappasuluka untu' kalenna.

KALAPPASSANG 30:17

Nakana Batara ri Musa,

PAMMILANGNGANG 31:54

Nampa naerammo Musa siagang Imang Eleazar anjo bulaenga mange ri KemaNa Batara sollanna Nala'langngi Batara bansa Israel.

2 PATTOTTORANG 24:6

Lanri kammana anjo nakio'mi Imang Yoyada pamimpinna ke'nanga, nampa akkuta'nang Yoas angkana, “Sai anjo Musa atanNa Batara le'ba' nasuroi ra'yaka a'bayara' sima untu' angngongkosi KemaNa Batara? Kamma-kamma anne apa saba'na natena kipakkaro-karoi tu Lewia untu' ampasse'rei sima battua ri ra'ya' Yehuda siagang Yerusalem?” (