KALAPPASSANG 30:15 - KITTA' MATANGKASA'

¹⁵ Tau kalumanynyanga takkulleai a'bayara' la'bi siagang tau kasi-asia takkulleai a'bayara' kurang ri wattunna nabayara' ke'nanga anjo doe' pappasuluka untu' kalenna.

KALAPPASSANG 30:15 Referans Kwoze

PAMMILANGNGANG 31:50

Lanri kammana anjo angngerammi ikambe belo-belo bulaeng, kammayami: ponto lima, ponto bangkeng, cincing, anting-anting, siagang rante massing naallea ikambe. Yangasenna anne napassareang ngasengi ikambe mae ri Batara a'jari passarena ikambe, sollanna natuli Nala'langi ikambe.”

EFESUS 6:9

Ikau a'jari pinggawaya! Paralluko assipa' kamma todong anjo mae ri pajama-jamanu. Tea' mako pakei sipa'-sipa' a'garattaka siagang appakamallaka. U'rangi angkanaya ikau siagang anjo pajama-jamanu, nia' se're pinggawa nupa'jului, iamintu Batara ri suruga. Anjo Batara tena nammile tau.

AYUB 34:19

Tena Nangngalle mae ri sikamma karaenga, yareka Naparioloangngang tau kalumanynyanga na tu kasi-asia. Lanri yangasenna para bate pare'Naji.

KAIMANGNGANG 17:11

Nyawana sikamma apa attallasaka niaki lalang ri cera'na. Lanri kammana anjo Naparentakangi Batara sollanna sikontu ceraka nipatiriki irate ri tampa' pakkoro'bangnganga sollanna nitangkasi dosa-dosana ummaka. Ceraka iamintu nyawaya, antangkasi dosaya.

KALAPPASSANG 30:12

“Ri wattunna nibilang bansa Israel, tunggala' tu bura'nea musti a'bayaraki mae ri Nakke, iamintu doe' pappasulu' untu' kalenna sollanna tena natujui bala ri wattunna nibilang ke'nanga.

KOLOSE 3:25

Na manna pole inai punna salai, lanatanggongi anjo sikamma kasalanna; nasaba' tena Nammile tau Batara.

PANGNGEBARANG 22:2

Tau kalumanynyanga siagang tu kasi-asia nia' sangkammanna: Batara ngaseng ampa'jari ke'nanga.

2 SAMUEL 21:3

na nakuta'nang ke'nanga angkana, “Apa akkulle siratang kugaukang mae ri kau ngaseng? Erokka' ampakabajiki kasalang le'baka nigaukang mae ri kau ngaseng, sollanna nubarakkaki umma'Na Batara.”

KALAPPASSANG 30:14

Sikamma tau nibilanga lalang anjo pammilangnganga, iamintu sikamma bura'ne narapikamo umuru'na ruampulo taung yareka la'bi, musti assarei anjo sumbangang nisa'laka.

KALAPPASSANG 30:16

Pa'rappungi anjo doeka battu ri bansa Israel, siagang pakei untu' kaparalluang ibadaya lalang ri KemaKu. Yangasenna anjo doeka a'jari pappasulu' untu' kalenna ke'nanga, siagang latuli Kuu'rangi untu' anjagai ke'nanga.”

KALAPPASSANG 38:26

Anjo jaina sangkammai jaina siagang apa nabayaraka sikontu tau le'baka nitulisi' arenna ri wattunna nigaukang anjo pammilangnganga. Tunggala' taua a'bayaraki situru' anggarang le'baka nipattantu, nitimbanga situru' timbangang niaka nipake anjo wattua. Ri wattunna nibilang taua nia' 603.550 jaina tu bura'ne umuru' ruampulo taunga na rateanna.

YEHEZKIEL 45:16

Sikontu pandudu'na pa'rasanganga musti naerangi anjo sikamma passarea mae ri patugasa' ammarentaya ri Israel.