KALAPPASSANG 3:15 - KITTA' MATANGKASA'

¹⁵ Kabarrang tongi angkanaya iNakke, Batara, Allata'alana boe-boena ke'nanga, Allata'alana Abraham, Ishak siagang Yakub, ansuroko mae ri ke'nanga. INakke Batara, iaminjo arengKu sa'genna satunggu-tungguna. Iaminjo nisa'bukanga' ri sikontu bansaya sa'genna sikontu bija-bijanna.

KALAPPASSANG 3:15 Referans Kwoze

IBRANI 13:8

Tuli kammana Isa Almasi, baji' na riolo, kamma-kamma anne, siagang sa'genna satunggu-tungguna.

MALEAKHI 3:6

“INakkemi Batara, siagang tale'baKa' amminra. Lanri kammana, ikau ngaseng jari-jarina Yakub, tena nipanrakiko.

HOSEA 12:5

A'lagai siagang sitau malaeka', nammeta. Nampa angngarru' appala' nibarakkaki. Nampa ri Betel, battui Allata'ala mae ri Yakub, iamintu boe-boeta anjo, a'bicara siagang ia.

MIKHA 4:5

Tunggala' bansaya ri tompo'na buttaya massing anynyombai siagang mannuruki ri massing rewata kalenna. Mingka ikatte lamannurukiki' mae ri Karaeng Allata'alata siagang anynyomba ri Ia untu' satunggu-tungguna.

KALAPPASSANG 3:6

INakke minne Allata'alana boe-boenu, Allata'alana Abraham, Ishak, siagang Yakub.” Jari natongko'mi rupanna Musa, lanri malla'na anciniki Allata'ala.

YESAYA 9:6

Ammarentai salaku turunganna Daud, kakoasanNa tamaka lompona. Tuli laamangi na salewangang pa'rasanganNa; pamarentahanNa ta'dongkoki rate ri hukkung siagang kaadelang anne kamma siagang satunggu-tungguna. Batara Kaminang Makoasaya, mattantu laNarupaina.

PAMMUJI 102:12

Allaloi tallasakku sanrapang bayang-bayang ri wattu karueng; a'jari kalumenga' sanrapang ruku'.

PAMMUJI 135:13

O, Batara, iKatte tuli lanikabarrang, siagang arenTa niu'rangi ri sikontu turungang,

LAMPA-LAMPANA 7:32

‘INakke minne Allata'alana boe-boenu; iNakkemi Allata'alana Abraham, Ishak, siagang Yakub.’ Annekkere'mi Musa napakamma malla'. Tenamo nabarani pole accini' mae anjoreng ri rompoka.

PAOLE 1:11

Dasi-dasi na Batara, Allata'alana boe-boenu tulusu' antambai jainu sa'genna a'lappi sisa'bu, kammayatompa Napa'jariko bansa akkalumanynyang sangkamma le'baka Napa'janjiang.

KALAPPASSANG 4:5

Nakana Batara, “Gaukammi anjo kammaya sollanna tappa' tu Israel angkanaya iNakke, Batara, Allata'alana boe-boena ke'nanga, Allata'alana Abraham, Ishak siagang Yakub, le'ba' ampappicinikangi KalenNa mae ri kau.”

YESAYA 63:12

Kemae Batara le'baka anrurungangi Musa siagang limanNa makassaka, ambage ruayai je'neka ri dallekanna ke'nanga sollanna masahoro' arenNa satunggu-tungguna?

PAMMUJI 72:19

Nipujimi areng malompoNa satunggu-tungguna; poro rassi sikontu linoa siagang kala'biranNa! Poro kajariang lalo kammaya, Aming!

PAMMUJI 72:17

Poro tuli niu'ranginna arenna karaenga satunggu-tungguna, napila' masahoro' lalang nia'na mataalloa. Poro napalaki bansa-bansaya nanibarakkaki sangkamma ia, na sikontu tau antappuai arenna lamate'nei.

2 PATTOTTORANG 28:9

Nia' sitau na'biNa Batara niarenga Oded ammantang ri kota Samaria. Ri se'reang wattu ammotereki tantara Israel angngerang tunitahang battu ri Yehuda. Battumi Oded anruppai ke'nanga ri wattunna lantama' ke'nanga ri kotaya. Nakanamo ri ke'nanga, “Le'ba'mi nubeta tu Yehuda lanri larroi Karaeng Allata'alana boe-boenu mae ri ke'nanga. Mingka Nalangngereki Batara antekamma palla'nu ambunoi anjo tantara Yehuda.

MATIUS 22:32

‘INakkemi Allata'alana Abraham, Allata'alana Ishak, siagang Allata'alana Yakub.’ Anjo Allata'ala, teai Allata'alana tau matea; mingka Allata'alana tau attallasaka!”

PAOLE 4:1

Nampa nakana Musa mae ri anjo bansaya, “Turuki sikontu hukkung kupangngajarranga mae ri kau ngaseng, sollannu attallasa' sa'genna nupammantangngi anjo butta laNapassareanga Batara, Allata'alana boe-boenu, mae ri kau.

PAOLE 1:35

‘Tena manna sitau battu ri anne tau ja'dala' kammaya lakkulle antama' ri pa'rasangang coppong Kupa'janjianga mae ri boe-boenu.

LAMPA-LAMPANA 3:13

Allata'ala nasombaya Abraham, Ishak, Yakub, Allata'alana boeta, Iaminjo Allata'ala ampakalompoai Ana'Na, iamintu Isa. Iaminjo Isa le'baka nupassareang ri pamarentaya, siagang numusua ri dallekanna Pilatus, ri wattunna ero' nilappassang ri Pilatus.

IBRANI 11:16

Mingka ma'nassami angkanaya nakkuki ke'nanga ri se'reang pa'rasangang la'bi bajika, iamintu pa'rasangang niaka ri suruga. Lanri kammana minjo natena nasiri'-siri' Allata'ala nikio' Allata'ala ri ke'nanga. Nasaba' le'ba'mi Napasadiang Allata'ala ke'nanga se're kota untu' ke'nanga.

PA'JARIANG 24:12

Appala' doammi anjo suroa angkana, “O, Batara, Allata'alana karaengku Abraham, Kitulunga' sollanna akkulle kupa'jari baji' tugasakku anne alloa; baji' pa'mai' laloKi' mae ri karaengku Abraham.

KALAPPASSANG 3:13

Appialimi Musa angkana, “Mingka punna mangea' ri tu Israel siagang kukana ri ke'nanga: ‘Allata'alana boe-boenu assuroa' battu anne mae ri kau ngaseng,’ tantu lakkuta'nangi ke'nanga angkana, ‘Inai arenNa?’ Jari apa musti kupappialiang mae ri ke'nanga?”

KALAPPASSANG 4:1

Nampa appialimo Musa ri Batara angkana, “Mingka antekamma ebara' angkana taerokai tu Israelka tappa' siagang taerokai anjampangi kana-kanangku? Apa musti kugaukang ebara' angkana nakana ke'nanga tena nale'ba' Napappicinikang KalenNa Batara mae ri nakke?”

KALAPPASSANG 6:2

Kupappicinikangi KalengKu mae ri Abraham, Ishak siagang Yakub, salaku Allata'ala Kaminang Koasaya, mingka tena Kupappiassengangi KalengKu mae ri ke'nanga lalang areng ‘Batara’.

KALAPPASSANG 15:2

Batara angngalleia', Ia makkassa'; Iami ampasalamakka'. Ia Allata'alaku, erokka' mammuji mae ri Ia, Allata'alana boe-boeku, kupakkelongangi kala'biranNa.

KALAPPASSANG 15:3

Batara tubarani makassaka, Batara, iaminjo arenNa.

PAMMUJI 30:4

Kilappassanga' battu ri lino kamateanga, Kipattallasakka' battu ri alla'na sikamma tau matea.

PANGNGEBARANG 18:10

Anjo Batara sanrapangi menara kassaka; Iami namangei tau lambusuka nanggappa tampa' amang.

YESAYA 26:8

Mannuruki ikambe ri kaputusanTa, o Batara, siagang mattayang-tayang ri Katte; iKattemi napuji siagang nakanakkukang atinna ikambe.

YESAYA 42:8

INakke Batara, iaminjo arengKu; taKupassareangngai kala'birangKu manna ri nai; masahorokKu taKupassareangngai mae ri patunga.

YEREMIA 33:2

ampa'jariai buttaya siagang amparekai kammayatompa ampadongkokai ri tampa'na. Nakana,

DANIEL 2:23

O, Allata'ala napakalompoa boe-boeku, iKattemi kupuji siagang kupakala'biri'. Nasaba' Kisarea' kacara'dekang siagang kagassingang. Kiturukianga' pappalakku. Siagang Kipicinikiamma' pappialia mae ri karaenga.”

1 PATTOTTORANG 16:16

Appareki parjanjiang siagang Abraham nampa pole siagang Ishak,

1 PATTOTTORANG 29:18

O Karaeng Allata'ala, Ia nasombaya Abraham, Ishak, siagang Yakub, boe-boena ikambe, poro Kijagai sollanna tuli mangngai ummatTa mae ri Katte sangkamma ri kamma-kammaya anne, siagang Kikutulungi sollanna tena le'bakai mamminra mae ri Katte.

PAMMUJI 30:5

Kelongangi lagu pammuji-mujia mae ri Batara, he, umma'Na tamamminraya, siagang appala' sukkurukko mae ri Kaminang Matangkasaka.

PAMMUJI 68:5

Makkelongko mae ri Allata'ala, pujimi arenNa, pasadiai agang lompoa labattua a'dongko' rammang. ArenNa Batara, assannang-sannang mako ri dallekanNa!

PAMMUJI 102:13

Mingka iKatte, o, Batara, Karaeng satunggu-tunggua, tuli niu'rangiKi' ri sikontu turungang.

HOSEA 12:6

Anjo Allata'ala iamintu Batara Kaminang Makoasaya. ArenNa iamintu Batara. Lalang iaminjo arenNa naNakellai taua anynyomba mae ri Ia.