KALAPPASSANG 3:1 - KITTA' MATANGKASA'

¹ Anjo wattua nakalawaki Musa sikamma gimbala'na siagang bembena Yitro, iamintu matoanna, imanga ri butta Midian. Ri wattunna naemba anjo olo'-olo' piaraya anta'leang ri parang lompoa, battumi mange ri Moncong Sinai, iamintu moncong matangkasaka.

KALAPPASSANG 3:1 Referans Kwoze

1 KARAENG-KARAENG 19:8

Ambangummi Elia, nampa angnganre siagang angnginung. A'jari gassimmi nasa'ring, siagang akkullemi a'jappa patampulo allo sallona mange ri Moncong Sinai, tampa'na le'ba' ampa'nyatai KalenNa Allata'ala.

KALAPPASSANG 17:6

LammentengA' ri dallekannu irate ri se'reang batu lompo ri Moncong Sinai. Tunrungi anjo batua, nampa lassulu' je'neka battu ri anjo batua sollanna akkulle anjo taua angnginung.” Nagaukammi Musa anjo kammaya nisa'bi ri sikamma pamimpinna tu Israel.

PAMMILANGNGANG 10:29

Nakanamo Musa mae ri ipara'na, iamintu Hobab ana'na Rehuel tu Midian, “La'lampai ikambe mange ri tampa' nakanaya laNapassareangi Batara mae ri kambe. Le'ba'mi Napa'janjiang Batara apa bajika mae ri tu Israel. Jari amminawang mako, tena tanigau' baji'nu ri kambe.”

MALEAKHI 4:4

U'rangi sikamma pangngajaranna atangKu Musa, u'rangi sikamma hukkung siagang parenta-parenta Kupassareanga ri ia ri Moncong Sinai untu' nituruki ri sikontu umma' Israel.

HAKING-HAKING 4:11

Anjo wattua nia' se're tau nikana Heber tu Keni, nasa'la'mi kalenna battu ri bansana (anjo bansa Keni turungang battu ri Hobab, ipara'na Musa). A'lampami Heber appaenteng siapa are jaina kema rampi'na poko'-poko' niarenga poko' terpentin ri Zaanaim, tena nabella battu ri Kedes.

KALAPPASSANG 19:11

Ammembara' musti sadia ngasemmi ke'nanga. Ri anjo alloa lanaungA' ri coppo'na Moncong Sinai, tampa' akkullea nacini' ngasengA' taua.

LUKAS 2:8

Anjo bangngia nia' siapa are pakalawaki sitabang anjagai sapinna ri paranga ri anjo daeraya. Anjo wattua lantammi bangngia.

PAMMUJI 106:19

Ri Moncong Sinai appareki ke'nanga patung ana' sapi bulaeng, nampa nasomba anjo patung napareka ke'nanga.

PAOLE 4:10

ri passala'na anjo alloa, ri wattu ammentennu ri dallekanNa Karaeng Allata'alanu ri Moncong Sinai. Anjo wattua Nakana Batara ri nakke, ‘Passe'rei anjo bansaya, sollanna appilajara' ke'nanga mannuruki mae ri Nakke lalang sikontu tallasa'na, kammayatompa sollanna naajara' ana'-ana'na ke'nanga mannuruki mae ri Nakke.’

PAOLE 1:6

“Ri wattunta nia' ri Moncong Sinai, Nakana Karaeng Allata'alata, ‘Sallo-sallo mako ammantang ri anne monconga.

KALAPPASSANG 24:13

Nampa sadiamo Musa siagang pambantuna iamintu Yosua untu' nai' ri anjo moncong pammantanganNa Batara.

KALAPPASSANG 19:3

siagang nai'mi Musa ri anjo monconga untu' assibuntulu' siagang Allata'ala. A'bicarami Batara mae ri Musa battu ri anjo monconga siagang Nasuromi ampa'la'bangi napau mae ri tu Israel, jari-jarina Yakub, angkana,

KALAPPASSANG 3:5

Nakanamo Allata'ala, “Teako a'reppesi. Sungkei pa'lapa' bangkennu, lanri niakko ammenteng ri butta matangkasaka.

AMOS 1:1

Anjo lapung Amos, iamintu sitau pakalawaki gimbala' battu ri kota Tekoa. Nikioki a'jari na'bi ri wattu niparentana pa'rasangang Yehuda ri Karaeng Uzia, siagang Israel niparentai ri Karaeng Yerobeam, ana'na Yoahas. Ruan taung ri tenanapa nakajariang ta'ge'goso'na buttaya, Napa'nyatai Allata'ala mae ri Amos ri passala'na tu Israel.

KALAPPASSANG 4:27

Lalanna anjo wattua Nakanamo Batara ri Harun, “A'lampako mange ri parang lompoa untu' ambuntuli Musa.” A'lampami Harun, nampa sibuntulu'mo siagang andi'na ri moncong matangkasaka, siagang nabaumi anjo andi'na.

KALAPPASSANG 2:21

Ero'mi Musa ammantang anjoreng. Nampa napa'bunting Yitro ana'na niarenga Zipora siagang Musa.

KALAPPASSANG 2:18

Wattunna ammotere' ke'nanga, akkuta'nammi manggena ke'nanga angkana, “Angngapa nulinta' kamma ngaseng ammotere' anne alloa?”

LAMPA-LAMPANA 7:30

Patampulo taung ribokoanganna, nia'mo sitau malaeka' battu mae ri Musa, ri wattunna nia' ri parang kassika, ri ampi'na Bulu' Sinai. Battui anjo malaekaka lalang ri pepe' rompo' a'rinraya.

KALAPPASSANG 3:12

Appialimi Allata'ala angkana, “INakke lantulungko. Napunna nuerammo assulu' anjo bansaya battu ri Mesir, lanugaukang ngasemmi ibadaya mae ri Nakke ri anne monconga. Iaminjo a'jari butti angkana iNakke assuroko.”

KALAPPASSANG 4:18

Le'baki anjo ammotere'mi Musa mange ri balla'na Yitro, iamintu matoang bura'nena. Nampa nakana ri ia, “Kisarea' ising untu' a'lampa mange antoaki sikamma sari'battangku, kaerokka' anciniki angkanaya maka attallasa' iji ke'nanga?” Nakanamo Yitro ri Musa, “A'lampamako siagang salama'.”

KALAPPASSANG 18:12

Nampa angngerang Yitro siapa are koro'bang nitunu siagang koro'bang nipolong, a'jari passare mae ri Allata'ala. Battumi Harun siagang sikontu pamimpinna bansa Israel na sipangnganreang siagang Yitro lalang kahaderanNa Allata'ala.

PAOLE 1:2

Punna battu ri Moncong Sinai sa'genna mange ri Kades-Barnea ammalo ri daera monconna Edom, sampulo asse're allonna nijappai.)

PAMMILANGNGANG 10:33

Le'ba'namo nabokoi bansa Israel Moncong Sinai, iamintu moncong pammantangnganNa Batara, a'jappami ke'nanga tallungallo. Patti ParjanjianNa Batara tuli nierangi ri dallekanna ke'nanga untu' a'boya tampa' pakkemaanna ke'nanga.

1 SAMUEL 16:11

Nampa akkuta'nang Samuel ri ia angkana, “Ia ngasenji anne bawang ana'nu bura'nea?” Appialimi Isai angkana, “Nia' ija sitaupi, iamintu bungkoa, mingka sitabangi a'lampa akkalawaki gimbala'.” Nakanamo Samuel, “Suro kioki, nasaba' tena kilangnganre punna tenapa nabattu.”

1 KARAENG-KARAENG 19:19

Jari a'lampami Elia na nagappa Elisa sitabang anjama appa'jeko. Nia' sampulo anrua ayoka sapi ri dallekanna, na Elisa kale-kalenna appa'jeko ri ayoka ri boko dudua. Ammalona Elia ri ampi'na Elisa, nasungkemi jubana Elia nampa napataba ri salangganna Elisa.