KALAPPASSANG 29:45 - KITTA' MATANGKASA'

⁴⁵ LammantangA' ri tangnga-tangngana bansa Israel, siagang iNakke a'jari Allata'alana ke'nanga.

KALAPPASSANG 29:45 Referans Kwoze

KAIMANGNGANG 26:12

INakke larrurungangko; iNakke la'jari Allata'alanu, na ikau la'jari ummakKu.

2 KORINTUS 6:16

Apa passisambunganna Balla'Na Batara siagang balla'na barhalaya? Ikattemi anne sanrapang Balla'Na Batara, iamintu Allata'ala attallasaka. KalenNa Allata'ala angkana, “LammantangA' ri tangnga-tangngana ke'nanga, na Kusikatallassang siagang ke'nanga. La'jariMa' Allata'ala mae ri ke'nanga, na la'jarimo ke'nanga ummakKu.

KALAPPASSANG 25:8

Suroi anjo bansaya appare' se're kema untu' iNakke, sollangKu akkulle ammantang ri tangnga-tangngana ke'nanga.

PAPPICINI' 21:3

Nampa nia'mo kulangngere' sa'ra lompo akkio' battu ri anjo empoang kala'biranga angkana, “Kamma-kamma anne nia'mi pammantanganNa Allata'ala ri tangnga-tangngana pammantanganna rupataua! Lattallasa'mi siagang ke'nanga, siagang la'jarimi ke'nanga umma'Na. KalenNa Allata'ala lania' ri tangnga-tangngana ke'nanga siagang la'jari Allata'ala mae ri ke'nanga.

ZAKHARIA 2:10

Nakana Batara, “Akkelongko ma'rannu-rannu he ikau pandudu'na Yerusalem! INakke lammantang ri tangnga-tangnganu!”

YOHANES 14:17

Iami RohNa Allata'ala, lampa'nyatayai katojenganNa Allata'ala. Talanitarimayai ri linoa, lanri tanicinikai siagang taniassengai. Mingka ikau ngaseng nuassengi, lanri niaki ammantang ri kau ngaseng, siagang lasse'rei ri kalennu ngaseng.

YOHANES 14:23

Appialimi Isa Nakana, “Inai-nai angkamaseangA', lanaturuki ajarangKu. Lanikamaseangi ri ManggeKu. LaniakKa' siagang Manggea battu mae ri ia, ammantang anrurungangi.

PAMMUJI 68:18

Appulo sa'bu kareta kassa' Napake ammumba Allata'ala siagang sanna' mala'biri'Na ri alla'na ke'nanga.

KALAPPASSANG 15:17

Nampa Kiantara' tu Israel mange ri tampa' Kipilea untu' pammantanganTa. Ammantang tulimi ke'nanga ri bulu' matangkasatTa, ri Balla' Kibangunga KalenTa.

EFESUS 2:22

Lanri asse'remi katallassannu lalang ri Almasi, kamma-kamma anne nipasibangung tommako siagang tau maraenga, a'jari se're balla' untu' Allata'ala; anjoremmi ammantang Allata'ala siagang RohNa.

YOHANES 14:20

Punna narapi'mo wattunna anjo alloa, lanuassemmi angkanaya iNakke asse'reA' siagang Manggea, ikau ngaseng asse'reko siagang iNakke, na Kuasse're siagang ikau ngaseng.

PA'JARIANG 17:8

LaKupassareangi mae ri kau siagang mae ri turungannu, anne butta nupammantangia kamma-kamma anne salaku tubattu-battu. Sikontu butta Kanaan lanapatangi ana' cucunna sa'genna satunggu-tungguna, siagang iNakke la'jari Allata'alana ke'nanga.”

KALAPPASSANG 6:7

LaKuerangko mange ri pa'rasangang Kupa'janjianga ammake sumpa mae ri Abraham, Ishak siagang Yakub; Kupassareangi anjo buttaya mae ri kau a'jari ikau ampatangi. INakkemi Batara.”

KALAPPASSANG 29:44

LaKupa'jari matangkasaki anjo kemaya siagang tampa' pakkoro'bangnganga. Harun siagang ana'-ana'na laKusa'laki battu ri tau maraengannaya sollanna nalayaniA' ke'nanga salaku imang.

KAIMANGNGANG 26:11

NiakKa' lammantang ri alla'nu lalang ri KemaKu, siagang tena nalaKutollakko.

PAMMILANGNGANG 5:3

Musti nisuroi ke'nanga a'lampa sollanna tena nara'massi pakkemaanga, iamintu tampa' Kupammantangia siagang ummakKu.”

PAOLE 7:21

Jari teako mallakki mae ri anjo bansa-bansaya. Karaeng Allata'alanu lanjagaiko. Iami Allata'ala malompo siagang sannaka heba'na.

PAOLE 12:11

Nampa lammile Karaeng Allata'alanu se're tampa' untu' lanupake anynyomba mae ri Ia. Anjoreng mako musti a'lampa angngerangi sikontu apa kuparentakanga, iamintu koro'bang nitunua siagang sikamma koro'bang maraengannaya, koro'bang bage sampulona panggappannu siagang koro'bang nupa'janjianga mae ri Batara.

1 KARAENG-KARAENG 6:13

LammantangA' lalang anrinni ri balla' nubangunga ri tangnga-tangngana ummakKu Israel. Tena nalaKubokoi ke'nanga.”

PAMMUJI 114:2

Napa'jari Batara anjo Yehuda tampa' matangkasa'Na, Israel Napa'jari daera kakoasanNa.

YEREMIA 14:9

Angngapa Kisangkamma tau lingu; rapang tubarani tenaya nakkulle annulung? Mingka, mattantu niakKi' ri tangnga-tangngana ikambe, o Batara! Ikambe ummatTa, teaKi' bokoi!’ ”

DANIEL 2:11

Sukkara' dudui apa kikaerokia karaeng. Tena manna sitau akkulle anggaukangi pantaranganna sikamma rewataya, mingka tenai ke'nanga ammantang ri alla'na rupataua.”

HAGAI 2:5

Ri wattunnu assulu' battu ri Mesir, le'ba'Ma' a'janji tuli lanjagaiko. Na kamma-kamma anne pole tuli Kujagainu ngaseng. Jari tena nuparallu lussa' ri pa'mai'nu.

PAMMILANGNGANG 16:3

A'lampa ngasemmi siagang ke'nanga mange andallekang ri Musa siagang Harun nampa angkana, “Angganna'mi anjo sikammaya Musa! Sikontu umma' Israel nisa'laki untu' Batara. Nampa niaki Batara ri tangnga-tangngata ngaseng. Mingka angngapa nanukana kalennu la'bi tinggiangangko na umma'Na Batara?”

PAMMILANGNGANG 35:34

Teako ra'massi butta nupammantangngia, lanri iNakkemi Batara, siagang niaka' ammantang ri tangnga-tangngana bansa Israel.”

2 PATTOTTORANG 6:18

Mingka o Allata'ala, maka ma'nassa ero' tojenjaKi' ammantang ri anne tompo'na buttaya, ri tangnga-tangngana rupataua? Manna sikontu langika tagannaki luara'na untu' Kipammantangngi, la'biangampa naanne balla' sambayang kubangunga!

YEHEZKIEL 34:24

INakke, Batara, la'jari Allata'alana ke'nanga, siagang anjo karaeng sangkammaya atangKu Daud la'jari pamarenta mae ri ke'nanga. INakke, Batara anne akkana.

YEHEZKIEL 43:7

“He tau, iaminne empoang kakaraengang kala'birangKu. AnrinniA' lammantang ri tangnga-tangngana umma' Israel siagang ammarenta mae ri ke'nanga sa'genna satunggu-tungguna. Baji' nake'nanga, kammayatompa sikamma karaenna ke'nanga, tenamo nalanara'massi areng matangkasakKu lanri anynyombana barhala yareka natarawanna maya'na sikamma karaenna ke'nanga anrinni ri tampaka.

YEHEZKIEL 43:9

Mingka appakkaramula kamma-kamma anne musti napammari ke'nanga anynyomba ri barhala siagang napaletteki sikamma maya'na karaenna ke'nanga. Le'baki anjo, lammantamMa' ri tangnga-tangngana ke'nanga sa'genna satunggu-tungguna.”

ZAKHARIA 8:3

LammoterekKa' mange ri Yerusalem, anjo kota matangkasakKu, nampa ammantang anjoreng. Laniassengi Yerusalem salaku kota tamamminraya, siagang bontoNa Batara Kaminang Koasaya lanigallaraki Bonto Matangkasa'.