KALAPPASSANG 29:43 - KITTA' MATANGKASA'

⁴³ AnjorengA' lasibuntulu' siagang bansa Israel, na cayana kahaderangKu lampa'jari matangkasaki anjo tampaka.

KALAPPASSANG 29:43 Referans Kwoze

1 KARAENG-KARAENG 8:11

Anjo saliuka accillaki napakamma kalompoang kahaderanNa Batara, sa'genna takkulleamo ammotere' antama' sikamma imanga untu' anjamai jama-jamanna ke'nanga.

MALEAKHI 3:1

Appiali Batara Kaminang Koasaya, “LaKukiringi battu tunisuroKu untu' ampasadiai oloangKu. NaKuti'ring lania' battu, iNakke Batara nuboyaya, mae ri BallakKu. Labattui anjo suroKu nukanakkukanga na napa'la'bang parjanjiangKu.”

YEHEZKIEL 43:5

Naangkakka' RohNa Batara nampa naeranga' mange ri paranglakkeng bageang lalang; anjoreng kucini' nitongkoki Balla'Na Batara ri caya kahaderanNa Batara.

KALAPPASSANG 40:34

Nampa naummo rammanga antongkoki KemaNa Batara, siagang rassimi anjo Kemaya siagang caya kahaderanNa Batara.

1 YOHANES 3:2

Sikamma sari'battangku sannaka kukarimangnginna! Ikatte kamma-kamma anne ana'-ana'Na maki' Allata'ala, mingka antekamma kajarianta sallang, tenapa na'nassa. Mingka niassengi angkanaya punna battu sallang Almasi, la'jari sangkamma maki' Ia, nasaba' lanicini'mi kalenta sitojeng-tojennaya.

2 KORINTUS 4:6

Nakana Allata'ala, “Nikellai ammumba singaraka battu lalang ri sassanga,” na KalenNa tommi Allata'ala ampamumbai anjo singaraka lalang ri atinta, sollanna a'jari singara' pikkiranta, nakkulle nipahang caya malompoNa Allata'ala niaka accaya ri rupanNa Almasi.

2 KORINTUS 3:18

Kamma-kamma anne tenamo nanitongkoki bongong rupanta. Sanrapang maki' tau angngeranga caya malompoNa Batara Isa. Na lanri kammana minjo nakituli pila' nipinramo a'jari sangkamma KalenNa; pila' sallo pila' accaya maki'. Anjo caya malompoa, caya battu ri RohNa Batara.

YESAYA 60:1

Ambangungko nai' siagang a'jariko singara', he Yerusalem, saba' nia'mi battu singara' kasalamakkannu; Allata'ala ansingariko siagang kala'biranNa.

KALAPPASSANG 25:22

AnjorengA' ri tampaka lasibuntulu' siagang ikau; siagang battu rate ri pattongko'na, ri alla'na anjo ruaya malaeka' akka'nyi', laKusareko hukkung-hukkungKu untu' bansa Israel.”

KALAPPASSANG 29:42

Nampa pole untu' tunggala' jammang, anjo koro'bang nitunua musti nipassareangi ri dallekangKu ri pakke'bu' KemaKu. AnjoremMa' lasibuntulu' siagang ummakKu siagang a'bicara mae ri kau.

KALAPPASSANG 29:44

LaKupa'jari matangkasaki anjo kemaya siagang tampa' pakkoro'bangnganga. Harun siagang ana'-ana'na laKusa'laki battu ri tau maraengannaya sollanna nalayaniA' ke'nanga salaku imang.

KAIMANGNGANG 9:4

Suroi ke'nanga assare todong sikayu sapi laki siagang sikayu bembe laki untu' koro'bang passiamakkang. Yangasenna anjo musti napassareangi ke'nanga mae ri Batara siagang koro'bang nipatala nisarea minynya', lanri anne alloa laniaki Batara battu mae ri ke'nanga.”

KALAPPASSANG 40:35

Lanri kammana anjo takkulleami antama' Musa ri anjo Kemaya.

KAIMANGNGANG 9:6

Nampa nakanamo Musa, “Nasuro ngasengko Batara anggaukangi anne kammaya sollanna akkulle nucini' caya kahaderanNa Batara.”