KALAPPASSANG 29:40 - KITTA' MATANGKASA'

⁴⁰ Siagang anjo ana' gimbala' untu' passare bari'basaka, musti nipassareang tongi se're kilo battala'na tarigu kaminang bajika, ia nipasileoka siagang silitere' minynya' zaitun tenaya campuranna. Pantaranganna anjo nipassareang tongi silitere' je'ne' anggoro'.

KALAPPASSANG 29:40 Referans Kwoze

FILIPI 2:17

Nakulle kapang lanibunoa' siagang latassolongi cerakku anjari sangkamma koro'bang nipatirika irate ri apa nupassareanga mae ri Allata'ala anjari' pammatei angkana tappakko ri Ia. Punna memang musti kammai anjo, appala' sukkuruka', siagang amminawang tonga' rannu siagang ikau ngaseng.

YO"EL 2:14

Barang ero'ji Karaeng Allata'alanu ampinrai ero'Na, na Nabarakkakiko alla'bi-la'bi. Sa'gennu akkulle ngaseng angngerang passare koro'bang anggoro' siagang gandung mae ri Batara, Allata'alanu.

YEHEZKIEL 46:14

Pantaranganna anjo, tunggala' bari'basa' musti nipassareang tongi rua kilogarang gandung siagang se're litere' minynya' zaitun untu' nipasileo' siagang anjo gandunga. Iaminjo koro'bang gandung tunggala' alloa musti nipassareang mae ri Batara; anjo atoranga nipakei untu' satunggu-tungguna.

YEHEZKIEL 45:17

Iami musti ammalli olo'-olo' untu' koro'bang nitunu siagang bahang-bahang untu' koro'bang gandung siagang koro'bang anggoro' untu' sikontu bansa Israel ri allo-allo lompoa, iamintu allo lompo Bulang Beru, allo Pammari-mariang, siagang allo lompo maraengannaya. Musti appasadiai koro'bang untu' pammopporang dosa, koro'bang gandung, koro'bang nitunu, siagang koro'bang passiamakkang untu' appala' popporo' lanri ri dosana bansa Israel.”

YESAYA 57:6

Jari siratangko appasse're batu-batu laccu' battu anjoreng. Iaminjo bageannu! Ia tomminjo batu-batua nutiriki anggoro'nu nusare gandung. Nukapangi angkana sannangA' anciniki yangasenna anjo kammaya?

KAIMANGNGANG 23:13

Untu' koro'bang kanre-kanreang assareko labu' rua kilo ia nipasileoka siagang minynya' zaitun. Rasanna anjo koro'banga lanapakasannangi nyawaNa Batara. Pasiagang tongi silitere' je'ne' anggoro' anjo passarenu.

YO"EL 1:13

He sikamma imang allayania ri tampa' pakkoro'bangnganga, ammakeko kaeng karung, siagang angngarru' mako. Antamakko ri Balla'Na Batara appiraung sipattang kabusu', nasaba' tenana koro'bang anggoro' siagang gandung untu' Allata'alanu.

YO"EL 1:9

Tenami gandunga siagang anggoroka lalang ri Balla'Na Batara. Nasusa rapang tukamateammo sikamma imanga tamamminraya allayani Batara.

YEHEZKIEL 46:11

Ri allo-allo lompoa siagang passua'-suarranga, sikamma sapi lakia siagang gimbala' laki nipassareanga musti nipasiagangi siagang gandung 17,5 litere', kammayatompa tunggala' ana' gimbalaka siapa-siapa situru' ero'na tau anggaukangai ibadaya. Tunggala' koro'bang gandunga musti nipasiagangi siagang passare minynya' zaitun iamintu tallu litere'.

YEHEZKIEL 46:7

Tunggala' sapi lakia siagang bembe lakia musti nipassareangi siagang gandung 17,5 litere', tunggala' ana' gimbala' musti nipassareangi siagang gandung, siapa-siapa mamo jaina situru' nakaerokia. Tunggala' koro'bang gandunga musti nipasiagangi tallu litere' minynya' zaitun.

YEHEZKIEL 46:5

Siagang anjo gimbala' lakia musti nipassareang tongi koro'bang gandung iamintu 17,5 litere', nampa tunggala' ana' gimbalaka musti nipassareang tongi siagang gandung situru' nikaerokia. Tunggala' koro'bang gandunga musti nirurungangi siagang passare tallu litere' minynya' zaitun.

YEHEZKIEL 45:24

Pantaranganna anjo, musti nipassareang tongi gandung 17,5 litere' untu' tassikayua sapi laki, siagang 3 litere' minynya' zaitun untu' tassikayua gimbala' laki.

YEHEZKIEL 20:28

Kuerangi ke'nanga mange ri butta le'baka Kupa'janjiang mae ri ke'nanga. Ri wattunna nacini' ke'nanga bulu'-bulu' tinggia siagang poko'-poko' kayu copponga leko'na, assaremi ke'nanga koro'bang anjoreng ri sikamma anjo tampaka. NapakanassuA' ke'nanga lanri assarena ke'nanga koro'bang-koro'bang nitunu siagang anggoro'.

YEHEZKIEL 4:11

Manna je'ne' inunnu takkulleai la'bi ri ruang cangkiri'.

PAOLE 32:38

Nusarea angnganre koro'bang jaia jannana, angnginunga jai je'ne' anggoro'. Lappassammi natulungko ke'nanga; suromi ke'nanga battu untu' ampasalamakko ri kamma-kammaya anne.

PAMMILANGNGANG 29:16

Pantaranganna anjo passareang tongi sikayu bembe laki untu' koro'bang pammopporang dosa. Anjo koro'banga a'jari pannambai mae ri koro'bang nitunu tunggala' alloa siagang koro'bang nipatalaya kammayatompa koro'bang je'ne' anggoro'na.

PAMMILANGNGANG 28:24

Kamma tomminjo caranu musti assare koro'bang lalang tuju alloa mae ri Batara. Anjo koro'banga a'jari pannambai mae ri koro'bang nitunu tunggala' alloa siagang koro'bang je'ne' anggoro'na. Rasanna anjo koro'banga napakasannangi nyawaNa Batara.

PAMMILANGNGANG 28:10

Anjo koro'bang nitunua musti nipassareangi tunggala' allo Pammari-mariang salaku tambanna koro'bang tunggala' alloa siagang ngaseng koro'bang je'ne' anggoro'na.

PAMMILANGNGANG 28:5

Siagang anjo ana' gimbalaka musti nipassareang tongi sikilo labu' nipasileoka siagang silitere' minynya' zaitun kaminang bajika.

PAMMILANGNGANG 15:7

siagang se're sitangnga litere' je'ne' anggoro'. Rasanna anjo koro'banga napakasannangi nyawaNa Batara.

KALAPPASSANG 30:24

siagang annang kilo kayu teja. Yangasenna anjo musti nitimbangi situru' timbangang niaka nipake ri KemaKu. Tambai appa' litere' minynya' zaitun,

KALAPPASSANG 16:36

Ukkurang biasaya napake taua anjo jammanga, nia' ruampulo litere' bonena.)

PA'JARIANG 35:14

Ambangummi se're batu pangngu'rangi Yakub ri anjo tampa'Na Allata'ala a'bicara mae ri Yakub. Nampa napassareang anjo batua mae ri Allata'ala siagang natirikimi anggoro' na minynya' zaitun mabau' irateanna.

KALAPPASSANG 29:39

Sikayu untu' passare bari'basa', na sikayu untu' passare karueng.

KALAPPASSANG 29:41

Nampa anjo ana' gimbala' passare untu' karuenga, musti kamma tongi anjo batena nikoro'bangkang, nipasiagang labu', minynya' zaitun siagang je'ne' anggoro'. Anjo rasanna koro'bang nitunua napakasannangi nyawaKu.

2 KARAENG-KARAENG 3:20

Ammukona, ri wattu assarena ke'nanga koro'bang bari'basa', nia'mo je'ne' assolong battu ri Edom sa'genna rassi anjo balanga.

HOSEA 9:4

Ri sikamma anjo pa'rasanganga tena nulakkulle assare anggoro' siagang koro'bang olo'-olo' untu' ampakasannangi atinNa Batara. Anjo kanrenu lanapa'jari ra'masa' kabusuki sikamma tau angkanreai, sangkamma kanre nikanrea ri wattunna upacara nitarawanna tau matea. Anjo kanrea poro battannuji bawang angkasiaki matu-matunna; manna sike'de' tena nalanierangi mae ri Balla'Na Batara untu' a'jari passare anjoreng.