KALAPPASSANG 29:29 - KITTA' MATANGKASA'

²⁹ Pakeang ibadana Harun musti nasossorangi mae ri ana'-ana'na, sollanna akkulle napake ke'nanga ri wattunna nilanti'.

KALAPPASSANG 29:29 Referans Kwoze

PAMMILANGNGANG 18:8

Nakana Batara mae ri Harun, “U'rangi! Sikontu passare nisa'la' nipassareanga mae ri Nakke, ia tenaya nitunui, iaminjo bageannu. Iaminjo bageannu le'baka nipattantu sa'genna satunggu-tungguna. Anjo Kupassareangi mae ri kau siagang mae ri jari-jarinu.

PAMMILANGNGANG 35:25

Anjo umma' asse'rea musti najagai anjo tau tenaya nakunjungi ammuno battu ri pa'balasa'na bija-bijanna anjo tau matea. Anjo taua musti nierangi ammotere' mange ri kota palarianga, iamintu tampa' palarianna. Musti ammantangi anjoreng sa'genna matemo anjo tau a'jari Imang Malompoa anjo wattua; punna le'ba'mi anjo nampami akkulle ammotere' mange ri kamponna. Mingka punna nabokoi anjo kota tampa' palarianna, nampa nigappa siagang nibuno ri bijanna anjo tunibunoa, anjo panggaukang kammaya teai pammunoang.

KALAPPASSANG 40:15

Nampa minynyaki ke'nanga sangkamma batenu amminynyaki manggena ke'nanga, sollanna akkulle todong ke'nanga allayaniA' salaku imang. Lanri anjo upacara minynyaka, iami ke'nanga siagang jari-jarina anta'galaki jama-jamang kaimangnganga.”

KALAPPASSANG 30:30

Minynyaki tongi Harun siagang ana'-ana'na sollanna nilanti' ke'nanga a'jari imang untu' allayaniA'.

KALAPPASSANG 28:2

Apparekko pakeang imang untu' Harun, sollanna la'biri' nicini'.

KALAPPASSANG 29:28

Iaminne kaputusangKu tenaya nakkulle nipinra: Ri wattunna battu ummakKu ampassareangi anjo koro'bang passiamakkanga, barambanna siagang bongganna anjo olo'-oloka iami bageanna sikamma imanga. Iaminjo passarena ummakKu untu' iNakke.

KALAPPASSANG 29:30

Ana'na Harun ansambeangai manggena a'jari imang siagang antamaka ri KemaKu untu' anggaukangi ibadana ri Kamara' Matangkasaka, musti napakei anjo pakeanga tuju allo sallona.

2 PATTOTTORANG 13:9

Sai le'ba'mi nubongka imang-imanNa Batara, iamintu jari-jarina Harun siagang tu Lewi? Na sambenna iamintu inai-nai sambarang ero' a'jari imang, assala' angngerangi sikayu sapi yareka tuju kayu gimbala'. Nupa'jari imang teai untu' Allata'ala, nasaba' memang kammami anjo batena bansa-bansa maraenga angngangkaki imanna ke'nanga. Mingka ikatte tena nigaukangi kammaya anjo.

KAIMANGNGANG 8:1

Nakana Batara mae ri Musa,

KAIMANGNGANG 16:32

Imang Lompoa, ia le'bakamo nilanti' siagang nisa'la' untu' Allata'ala ansambeangi manggena, musti nagaukangi anjo upacara pannangkasia. Musti napakei pakeang tugasa'na,