KALAPPASSANG 29:1 - KITTA' MATANGKASA'

¹ “Kammaminne carana nilanti' Harun siagang ana'-ana'na sollanna akkulle ke'nanga allayaniA' salaku imang. Angngalleko sikayu sapi laki rungkaya siagang ruang kayu gimbala' laki tenaya caca'na.

KALAPPASSANG 29:1 Referans Kwoze

1 PETRUS 1:19

passangalinna apa sannaka lompona anggaranna; iamintu KalenNa Almasi, a'jaria sanrapang gimbala' tenaya callanna, nikoro'bangkanga mae ri Allata'ala.

IBRANI 7:26

Jari, Ia minjo Isa Imang Malompo niparalluanga. Iami Imang matangkasa'; tena sikali kasalang yareka dosa ri KalenNa. Nisa'la'mi battu ri tau dorakaya, na nipanai' ri tampa' tinggianganga na sikontu langika.

KALAPPASSANG 12:5

Akkullei nupile gimbalaka yareka bembea, mingka musti lakia, umuru' sitaung, siagang tenaya callanna.

MATIUS 6:9

Jari, punna erokko assambayang pakammaminne batenu: ‘O, Manggea ri suruga: IKattemi Allata'ala Tenaya Ruanna Poro iKatte nisomba siagang nipakala'biri'.

2 PATTOTTORANG 13:9

Sai le'ba'mi nubongka imang-imanNa Batara, iamintu jari-jarina Harun siagang tu Lewi? Na sambenna iamintu inai-nai sambarang ero' a'jari imang, assala' angngerangi sikayu sapi yareka tuju kayu gimbala'. Nupa'jari imang teai untu' Allata'ala, nasaba' memang kammami anjo batena bansa-bansa maraenga angngangkaki imanna ke'nanga. Mingka ikatte tena nigaukangi kammaya anjo.

KAIMANGNGANG 22:20

Teako assarei olo'-olo' niaka callanna nasaba' taerokai Batara antarimai.

KAIMANGNGANG 16:3

Ri cara assarea bawang sapi laki rungka untu' koro'bang pammopporang dosa siagang sikayu gimbala' laki untu' koro'bang nitunu, nakkulle antama' Harun ri Kamara' Kaminang Matangkasaka.”

KAIMANGNGANG 9:2

Nakanamo Musa mae ri Harun, “Angngalleko sikayu sapi laki rungka siagang sikayu gimbala' laki, rua-ruana tena ngaseng callanna. Passareangi anjo ruaya olo'-olo' mae ri Batara; anjo sapi lakia untu' koro'bang pammopporang dosa, nampa anjo gimbala' lakia untu' koro'bang nitunu.

KAIMANGNGANG 6:6

Untu' koro'bang sambe karugiang anjo taua musti assarei sikayu gimbala' laki yareka bembe laki ia tenaya callanna siagang nitassereka ballinna situru' balliang nipakea ri KemaNa Batara.

KAIMANGNGANG 4:3

Punna anjo dorakaya iamintu Imang Lompoa, sa'genna ta'beso' ngaseng todong bansa Israel sala, musti assarei koro'bang iamintu sikayu sapi laki rungka, ia tenaya callanna, mae ri Batara sollanna nipammopporang salana.

KALAPPASSANG 29:21

Allei sike'de' cera' niaka irate ri tampa' pakkoro'bangnganga siagang sike'de' minynya' upacara, nampa nupiracciki Harun siagang ana'-ana'na kammayatompa pakeanna ke'nanga. Kammaminjo carana Harun siagang ana'-ana'na kammayatompa pakeanna ke'nanga nisa'la' untu' iNakke.

KALAPPASSANG 28:3

Kioki sikontu tukang manjaika ia le'baka Kusare kacara'dekang. Suroi ke'nanga ampareki pakeanna Harun sollanna akkulle nisa'la' untu' allayaniA' salaku imang.

KALAPPASSANG 28:41

Pipakei sari'battannu Harun anjo pakeanga siagang ana'-ana'na. Minynyaki ke'nanga siagang minynya' zaitun; kammaminjo nanilanti'mo ke'nanga siagang nisa'la'mo ke'nanga untu' allayaniA' salaku imang.

KALAPPASSANG 20:11

Lalang wattu annang allo, iNakke, Batara, Kupa'jari buttaya, langika, tamparanga, siagang sikontu apa niaka lalang, mingka ri makatujuna alloa ammari-mariA'. Iaminjo saba'na iNakke, Batara, Kubarakkaki Allo Pammari-marianga siagang Kusa'laki untu' KalengKu.

KAIMANGNGANG 8:1

Nakana Batara mae ri Musa,

YEHEZKIEL 43:23

Punna le'ba' nugaukang anjo sikammaya, angngalleko sikayu sapi laki rungka siagang sikayu bembe laki rungka, rua-rua tena caca'na.

KALAPPASSANG 28:1

“Kioki daennu Harun siagang sikamma ana'na, iamintu Nadab, Abihu, Eleazar, siagang Itamar, nampa sa'laki ke'nanga sollanna akkulle allayaniA' salaku imang.

KAIMANGNGANG 7:35

Battu ri kanre nipassareanga mae ri Batara, iaminjo bageang nipassareanga mae ri Harun siagang ana'-ana'na ri allo nilanti'na ke'nanga a'jari imang.

KAIMANGNGANG 14:11

Nampa musti naerang imanga anjo passarena mange ri dallekanna pakke'bu' KemaNa Batara.