KALAPPASSANG 28:29 - KITTA' MATANGKASA'

²⁹ Punna antama Harun ri tampa' matangkasaka, musti naerangi areng-arenna suku Israel niaka ta'ukiri' ri pa'lapa' barambanna, sollanna iNakke, Batara, tuli Kuu'rangi ummakKu.

KALAPPASSANG 28:29 Referans Kwoze

KALAPPASSANG 28:30

Boliki anjo Urim siagang Tumim lalang ri anjo pa'lapa' barambanga untu' napake Harun punna andallekang ri Nakke. Ri wattu-wattu kammaya anjo musti tuli ammakei pa'lapa' barambang, sollanna akkulle naasseng angkana apa erokKu mae ri ummakKu Israel.”

ROMA 10:1

Sikamma sari'battangku ngaseng! Sanna' ma'minasaku sollanna nipasalama' ngaseng sikontu bansaku. Nasanna'mo bateku ampappala' doangangi ke'nanga mae ri Allata'ala.

YEREMIA 30:21

Karaeng ammarentaya ri kau tau battu tonji ri bansanu. Bebasaki ke'nanga a'reppese' ri Nakke punna Kukio' andallekang ri Nakke. Nasaba' inaika barani andallekang ri Nakke ri ero' kalenna? La'jariko ummakKu siagang iNakke a'jari Allata'alanu. INakke, Batara, akkana kamma anjo.”

KELONG MALA'BIRI' 8:6

Pa'jaria rappo ri atinnu, teako nia' maraeng nuraka' pantaranganna inakke; lanri anjo passingaianga sangkammai kassa'na kamateanga, na anjo napasua makoasai rapang kamateang. Rinrana rapangi rinrana pepeka a'rinra sannaka heba'na.

KALAPPASSANG 28:15

“Apparekko untu' Imang Lompoa se're pa'lapa' barambang untu' nipake ri wattunna ero' niasseng angkana apa ero'Na Allata'ala. Bahanna siagang sulanna anjo pa'lapa' barambanga musti sangkammai siagang bahanna siagang sulanna efodka.

KALAPPASSANG 28:28

Pontona anjo pa'lapa' barambanga musti nipasiallei siagang otere' gau' ri pontona efodka sollanna anjo pa'lapa' barambanga tuli nia'na irateanna passikko' ayaka siagang tena nata'lappasa'.