Biblia Todo Logo
Bib sou entènèt

- Piblisite -




KALAPPASSANG 27:1 - KITTA' MATANGKASA'

1 “Apparekko se're tampa' pakkoro'bangngang battua ri kayu akasia. Assulapa appaki pare'na; la'buna siagang sangkara'na massing-massing 2,2 metere' na tinggina 1,3 metere'.

Gade chapit la Kopi




KALAPPASSANG 27:1
20 Referans Kwoze  

Ikatte nia' tampa' pakkorobangnganta untu' assare koro'bang mae ri Allata'ala. Na anjo imang-imang allayania lalang ri KemaNa Batara, tena ha'na angkanrei anjo koro'bang niaka irate ri anjo tampa' koro'banga.


Assuro pareki Karaeng Salomo se're tampa' pakkoro'bangngang tambaga, la'buna siagang sangkara'na massing-massing 9 metere', siagang tinggina 4,5 metere'.


Anjo memang alloa nabattu Na'bi Gad andallekang ri Daud na nakana ri ia, “Naikki' karaeng ri panggilingang gandunna Arauna, siagang appaentengki' tampa' pakkoro'bangngang untu' Batara.”


nampa ri dallekanna pakke'buka napadongko'mi tampa' pakkoro'bangngang untu' koro'bang nitunua. Irate ri anjo tampa' pakkoro'bangnganga napassareammi koro'bang nitunua siagang koro'bang pappatalaya.


Kamma tongi anjo batenu ampassareangi ri Nakke tampa' pakkoro'bangnganga siagang sikamma pakkakasa'na, sollanna nisa'la' ngaseng untu' iNakke.


Le'baki anjo natulisi'mi Musa anjo sikontu parentaNa Batara. Ammukona ri bari'basaka, ambangummi se're tampa' pakkoro'bangngang siagang sampulo anrua batu napaenteng, ri bangkenna anjo monconga; tunggala' anjo batu nipaentenga nawakkeli kalase'renna sikamma suku Israel.


tampa' pakkoro'bangngang untu' koro'bang nitunu siagang julu'-julusi battu ri tambaga, kayu pa'bule' siagang sikontu pakkakasa'na; ba' tampa' je'ne' pa'bissa-bissang siagang dapara'na,


Iami ke'nanga tanggong jawa' mae ri Patti Parjanjiang, mejang, sikamma tampa' pakkoro'bangnganga, sikamma pakkakasa' napakea sikamma imanga lalang ri Kamara' Matangkasaka, siagang gordeng passimbanna Kamara' Matangkasaka. Iami ke'nanga tanggong jawa' mae ri sikontu anjo barang-barang sikammaya.


Musti natangkasi ke'nanga anjo tampa' pakkoro'bangnganga battu ri limbu'buka, nampa akka'rang silawara' kaeng lame butung irateanna.


Naciniki Ahas angkanaya tampa' pakkoro'bangngang nipareka battu ri tambaga iamintu nisa'laka untu' Batara niaki attampa' ri alla'na Balla'Na Batara siagang anjo tampa' pakkoro'bangngang berua. Lanri kammana anjo napalette'mi anjo tampa' pakkoro'bangngang nipareka battu ri tambaga battu ri dallekang Balla'Na Batara mange ri bageang warakanna anjo tampa' pakkoro'bangngang berua.


Ia Harun siagang turunganna nisarei tugasa' attunu dupa, assare koro'bang nitunua irate ri tampa' pakkoro'bangnganga, anggaukangi sikamma pa'gaukanga lalang ri Kamara' Kaminang Matangkasaka, siagang ampassareangi koro'bang untu' antangkasiai dosana umma' Israel. Nagaukang ngasengi ke'nanga anjo sikammaya situru' apa napangngajaranga Musa, atanNa Allata'ala.


Nampa Yesua ana'na Yozadak siagang sikamma agang-aganna sikamma imanga, Zerubabel ana'na Sealtiel siagang sikamma bija pammanakanna, nabangummi ammotere' tampa' pakkoro'bangnganga untu' Allata'alana tu Israel. Lanri kammana akkullemi ke'nanga attunu koro'bang irateanna, situru' sikamma pitunju' niaka tattulisi' lalang ri kitta' hukkunna Musa, atanNa Allata'ala.


Nampa appaentemmo Musa se're tampa' pakkoro'bangngang na naareng “Batarami Banderaku”.


tampa' koro'bang nitunua siagang sikontu pakkakasa'na, ba' je'ne' siagang dapara'na,


tampa' pakkoro'bangngang battu ri tambaga siagang kawa' nianyang battu ri tambaga, kayu pa'bule' siagang sikamma pakkakasa'na; ba' pa'bissang siagang pa'lapara'na,


Boliki tampa' pakkoro'bangngang untu' koro'bang nitunua ri dallekang pakke'bu'na Kemaya.


Nampa musti napadongko' ke'nanga irate ri anjo mejanga sikontu pakkakasa' nipakea punna nigaukang ibadaya ri anjo tampa' pakkoro'bangnganga: tampa' pepe', garpu, sude', siagang katoang. Nampa musti narangka' ke'nanga yangasenna anjo siagang silawara' kukkulu' alusu' siagang napataba kayu pa'bule'na.


Swiv nou:

Piblisite


Piblisite