KALAPPASSANG 26:33 - KITTA' MATANGKASA'

³³ Boliki anjo kaenga irawa ri jijiri'na pakkaika ri pattongko'na Kemaya. Ri bokona anjo kaenga musti nipadongkoki anjo Patti Parjanjiang niaka bonena lalang anjo ruaya batu. Anjo kaenga ansimbangi Kamara' Matangkasaka battu ri Kamara' Kaminang Matangkasaka.

KALAPPASSANG 26:33 Referans Kwoze

KAIMANGNGANG 16:2

“Pabattuangi sari'battannu Harun, angkanaya ri wattu le'bakaji bawang nipattantu nakkulle antama' ri Kamara' Kaminang Matangkasaka, iamintu kamara' nisimbanga siagang gordeng, lanri anjoremMa' ampappicinikangi KalengKu lalang ri rammanga irateanna pa'rangka'na Patti Parjanjianga. Punna nadakkai Harun anjo paratoranga, tena tamatena.

KALAPPASSANG 40:21

Nampa naboli' anjo Pattia lalang ri Kemaya siagang nagentungi gordeng passimbang ri dallekanna, situru' parentaNa Batara mae ri ia.

KALAPPASSANG 25:16

Nampa musti nupadongkoki lalang ri anjo pattia anjo ruaya batu niaka tattulisi' lalang sikamma parenta Kupassareanga mae ri kau.

1 KARAENG-KARAENG 8:10

Ri wattunna assulu' sikamma imanga battu ri anjo Balla'Na Batara, ti'ring rassimi saliu' anjo ballaka.

1 KARAENG-KARAENG 8:6

Le'baki anjo naerammi sikamma imanga anjo Patti Parjanjianga antama' ri Balla'Na Batara nampa naboli' irawanganna patung-patung malaeka' akka'nyika lalang ri Kamara' Kaminang Matangkasaka.

KALAPPASSANG 36:36

Untu' panggentunganna anjo kaenga nipapparekangi appa' benteng battu ri kayu akasia ia nilapisika bulaeng, siagang pakkai' bulaeng siagang nipatabaya irate ri appa' pallangga battu ri pera'.

KALAPPASSANG 27:10

nitahang ri ruampulo benteng tambaga, massing nilapa' ri tambaga, na pakkai'na siagang pa'gentunganna battu ri pera'.

KALAPPASSANG 26:32

Gentungi anjo kaeng pintua mae ri appa' benteng kayu akasia nilapisika bulaeng siagang pakkai' bulaeng, siagang patabai ri appaka pa'lapa' pera'.

KALAPPASSANG 27:21

Harun siagang sikamma ana'na musti angngurusuki anjo lampua battu ri karueng sa'genna bari'basa' ri tampa' kahaderangKu, pantaranna kaeng ta'gentunga ri dallekanna Patti Parjanjianga. Anjo parentaya musti nigaukangi untu' satunggu-tungguna ri tu Israel siagang sikontu jari-jarina.”

KALAPPASSANG 40:3

Pantamaki anjo Patti Parjanjiang napammantangia anjo Sampuloa Parenta nampa nusarei kaeng passimbang ri dallekanna.

1 KARAENG-KARAENG 6:16

Ilalang ri anjo ballaka, nipareki kamara' bageang ri bokona iamintu nisarei rinring passimbang battu ri kayu camara, appakkaramula battu ri dapara'na sa'genna ri palaponna. Anjo kamaraka niarengi Kamara' Kaminang Matangkasa'; la'buna salapang metere'.

2 PATTOTTORANG 3:8

Kamara' bageang lalang niarenga Kamara' Kaminang Matangkasa' la'buna 9 metere' siagang sangkara'na 9 metere', sangkamma sangkara'na anjo Balla'Na Batara. Ruampulo tong battala'na bulaeng nipake untu' allapisi tembo'-tembo'na anjo Kamara' Kaminang Matangkasaka

YEHEZKIEL 41:4

Nampa naukkuru' tongi anjo kamaraka: tanja'na appaki pasagi, la'buna siagang sangkara'na massing 10 metere'. Nampa nakana ri nakke, “Iaminne Tampa' Kaminang Matangkasaka.”