KALAPPASSANG 25:30 - KITTA' MATANGKASA'

³⁰ Anjo mejanga musti niboliki ri dallekanna Patti Parjanjianga, siagang musti tuli nia' sadia roti tattala irate ri anjo mejanga.”

KALAPPASSANG 25:30 Referans Kwoze

MATIUS 12:4

Antamaki ri Balla'Na Allata'ala, nanakanre roti le'baka nipassareang ri dallekanNa Allata'ala. Padahala', manuru' ri pangatorang agamata takkulleai ke'nanga angkanrei anjo rotia – nasaba' imang-imangaji bawang akkulle angkanrei.

KALAPPASSANG 39:36

mejang siagang sikontu pakkakasa'na siagang roti nipatalaya,

MALEAKHI 1:12

Mingka ikau ngaseng nuhina-hinA' lanri nubilang tenana anggaranna tampa' pakkoro'bangngangKu, siagang nupassareangi anjoreng kanre nusorong bokoa.

MALEAKHI 1:7

Lanri assarenu koro'bang kanre-kanreang tenaya nasiratang nikoro'bangkang irate ri tampa' pakkoro'bangngangKu. Nampa akkuta'nang ngasengko angkana, ‘Antekamma batena ikambe ancapakKi'?’ Iamintu lanri nura'massinna tampa' pakkoro'bangngangKu.

2 PATTOTTORANG 13:11

Tunggala' bari'basa' siagang karueng attunui ke'nanga dupa siagang assarei koro'bang nitunu untu' Batara, kammayatompa appasadiai roti nipatala. Tunggala' bangngi ke'nanga apparinra kanjoli-kanjoli ri pa'dongkokang kanjoli bulaenga. Ikatte tuli mannurukiki' ri parenta-parentaNa Batara, mingka ikau ngaseng nubokoimi Batara.

1 PATTOTTORANG 23:29

Kammayatompa tanggong jawa' tongi ke'nanga ri jamang-jamang kammaya: roti eroka nipa'jari passare mae ri Allata'ala, labu' eroka nipake untu' passare ri Batara, kanre nipisi' tenaya nammake pa'gambang, koro'bang nitunu, siagang labu' nileoka siagang minynya' zaitun. Musti naukkuru' tongi siagang natimbangi sikamma apa eroka a'jari passare lanieranga mange ri Balla'Na Batara.

1 PATTOTTORANG 9:32

Tu battua ri bijanna Kehat, iami tanggong jawa' untu' ampasadiai roti lanipatalaya untu' Batara punna allo Pammari-mariang.

1 SAMUEL 21:6

Jari napassareammi anjo imanga mae ri Daud anjo roti nipakkoro'bangnganga. Nasaba' ia niaka ri ia poro iaji bawang anjo roti nipakkoro'bangnganga mae ri Allata'ala, siagang le'ba'mi niangka' battu ri tampa' pakkoro'bangnganga untu' nisambei roti beru. (

PAMMILANGNGANG 4:7

Musti appalaparaki ke'nanga silawara' kaeng gau' irateanganna mejang tampa' roti nipatalaya untu' Batara, siagang irate ri anjo mejanga musti appadongkoki panne, kappara' tampa' dupa, kappara' tampa' passare, siagang bongki untu' passare je'ne' anggoro'. Musti tuli nia' roti nipatala irate ri anjo mejanga.

KALAPPASSANG 35:13

mejang siagang kayu pa'bule'na, sikontu pakkakasa'na siagang roti nipatalaya;

IBRANI 9:2

Se're pammantangang nipaenteng niarenga Kamara' Matangkasa' bageang ri dallekanna. Anjoreng nia' bangkeng pa'dongkokang kanjoli, siagang niaka mejang pammantangang roti lanipangngadakkanga mae ri Allata'ala.

KALAPPASSANG 40:4

Boliki mejanga ri tampa'na siagang sikamma pakkakasa'na. Pantama tongi bangkeng lampua siagang patabai lampuna.

KALAPPASSANG 40:23

nampa napadongko' roti nipatalaya irate ri anjo mejanga.

1 SAMUEL 21:4

Nakanamo anjo imanga, “Tena roti biasaya, poro roti eroka bawang nipakkoro'bangngang nia'; akkullei nialle, assala' tenaja naberu le'ba' ana' buanu assikatinroang baine.”

1 KARAENG-KARAENG 7:48

Assuro pare' tommi Salomo pakkakasa'-pakkakasa' maraengang battu ri bulaeng untu' Balla'Na Batara. Iaminne anjo pakkakasa'-pakkakasa' nasuro pareka: Tampa' pakkoro'bangngang, Mejang untu' roti nipassareanga ri Allata'ala, Sampulo bangkeng kanjoli nibolika ri dallekanna Kamara' Kaminang Matangkasaka, iamintu lima ri bageang timborang siagang lima ri bageang warakkang, Bunga-bunga, Kanjoli-kanjoli, Passipi'-passipi', Cangkiri'-cangkiri', Pakkakasa' untu' ammuno kanjoli, Mangko'-mangko', Piring-piring untu' dupa, Piring-piring untu' bara pepe' Engsele'-engsele' untu' pakke'bu'na Kamara' Kaminang Matangkasaka siagang pakke'bu'-pakke'bu' pantaranna Balla'Na Batara.

2 PATTOTTORANG 2:4

Kamma-kamma anne erokka' ambangung se're balla' sambayang untu' ampakala'biriki Karaeng Allata'alaku. Anjo ballaka lakupakei siagang ra'yakku untu' anynyomba ri Ia, attunu dupa bauka rasanna, kammayatompa assare roti nipatala mae ri Ia untu' satunggu-tungguna. Lanjoreng tomma' lassare koro'bang nitunu untu' bari'basa' karueng, punna allo Pammari-mariang, punna allo lompo Bulang Beru, siagang allo-allo maraengannaya nipakatangkasaka untu' ampakala'biriki Karaeng Allata'alana ikambe. Nasaba' le'ba'mi Naparentakang sollanna nagaukang tu Israel anjo kammaya sa'genna satunggu-tungguna.

YEHEZKIEL 41:22

Tinggina 1,5 metere' na sangkara'na 1 metere'. Sikamma panyingkulu'na, pa'lapa'na siagang rinrinna battu ri kayu nipare'. Anjo tu bura'nea nakana ri nakke, “Iaminne mejang niaka ri dallekang kahaderanNa Batara.”

1 SAMUEL 21:5

Appialimi Daud angkana, “Tantu tena nagaukangi ke'nanga. Salamanya punna tugasaki ikambe, tuli najagai ana' buaku sollanna tuli tangkasa' kalenna situru' atorang agamaya, nampa anjo kammaya tugasa' biasaji bawang. La'biangampa pole punna tugasa' attantu kammaya anne!”

2 PATTOTTORANG 2:3

Akkiringi Salomo kabara' kammaya anne mae ri Hiram karaeng Tirus, “Maeki' nakiassambungang a'danggang sangkamma siagang manggeku Daud. Le'bakki' a'balu' ri ia kayu camara Libanon untu' ambangungi balla' kakaraenganna.