KALAPPASSANG 24:10 - KITTA' MATANGKASA'

¹⁰ Na nacini'mo ke'nanga Allata'alana Israel ammenteng ri se'reang tampa', kammaya nicini' dapara' laccu', gauka tanja'na sanrapang langi' coraya.

KALAPPASSANG 24:10 Referans Kwoze

YOHANES 1:18

Tenanniakka le'ba' anciniki Allata'ala, pantaranganna Ana' sitau-tauNa Manggea, sangkammaya siagang Manggea, na majarreka ri KalenNa. Iami ampa'nyatai Manggea ri Katte.

YEHEZKIEL 10:1

Nampa accinika' mae ri pattongko' niaka irateanna ulunna anjo sikamma malaeka' akka'nyika, na nia'mo kucini' apa sangkamma empoang kakaraengang nipareka battu ri batu nilang.

PAPPICINI' 4:3

Accayai rupanna anjo taua sangkamma paramata baiduri pandang siagang paramata delima. Nia' tarawe kammaya samru' tanja'na angkaluki anjo empoang kala'biranga.

1 TIMOTIUS 6:16

Iaji bawang takkullea nikoasai ri kamateanga; Iami ammantang lalang ri singara' tenaya nakkulle nireppesi ri manna pole inai. Tena manna sitau le'ba' anciniki, yareka akkulle anciniki. Untu' Iami kala'biranga siagang kakoasanga sa'genna satunggu-tungguna! Aming!

KALAPPASSANG 33:23

Nampa laKubeso' limangKu sollanna akkulleA' nucini' battu ri boko, mingka rupangKu takkulleai lanucini'.”

KALAPPASSANG 33:20

Tena nalaKupappicinikang rupangKu mae ri kau, lanri inai-nai anciniki rupangKu tena olona lakkulle tuli attallasa'.

PA'JARIANG 32:30

Le'baki anjo nakanamo Yakub, “Le'ba'ma' assibuntulu' rupa siagang Allata'ala kunampa attallasa' ija.” Lanri kammana naaremmi anjo tampaka Pniel.

PAPPICINI' 21:11

siagang suara'na kammayatompa kala'biranNa Allata'ala. Accillaki anjo kotaya sangkamma batu paramata, sangkamma batu baiduri moncongbulo sannaka ci'nonna kamma kaca.

1 YOHANES 4:12

Tena manna sitau le'ba' anciniki Allata'ala; mingka punna massing sikamaseangki', asse'remi Allata'ala mae ri katte siagang a'jari sukku'mi pangngamaseanNa lalang ri kalenta.

YOHANES 14:9

Mingka appialimi Isa Nakana, “Teaimi sipato' salloKu nia' ri tangnga-tangnganu, mingka tenapa nanuassengA' Filipus? Inai-nai le'ba'mo ancinikKa', nacini' tommi antu Manggea. Apa saba'na nukkulle angkana, ‘Kipicinikiang sai bedeng ikambe anjo Manggea?’

MATIUS 17:2

Anjoreng, ti'ring tappinrami rupanNa Isa ri dallekanna ke'nanga: a'jari singaraki nicini' rupanNa kamma matanna alloa. Kammayatompa accillaki pakeanNa lanri kebo'na.

PAPPICINI' 1:16

Lima kananNa anna'galaki tuju bintoeng, na battu ri bawaNa nia' assulu' pa'dang sannaka taranna, siagang tarang pimbali-balia. RupanNa accayai sangkamma matanna alloa ri wattu tangngana alloa.

YOHANES 6:46

Mingka manna nakamma, tenanniakka tau le'ba' anciniki Manggea. Tena ruanna Ia anjo battua ri Allata'ala, le'ba' anciniki Manggea.

KELONG MALA'BIRI' 6:10

Inaika anjo battu mae, rapang allo ammumbaya, sangga'ga bulang cora, singara' kamma allo? Sanna' angngallena pa'mai', rapang tantara siagang bandera-banderana.

1 KARAENG-KARAENG 22:19

Nakanamo pole Mikha, “Kamma-kamma anne pilangngeri apa Napaua Batara! Kuciniki Batara ammempo ri empoang kala'biranNa ri suruga, siagang sikontu malaekaka ammentengi ri ampi'Na.

KALAPPASSANG 3:6

INakke minne Allata'alana boe-boenu, Allata'alana Abraham, Ishak, siagang Yakub.” Jari natongko'mi rupanna Musa, lanri malla'na anciniki Allata'ala.

KALAPPASSANG 24:11

Sikamma anjo pamimpinna tu Israel nacini'mi Allata'ala; mingka manna nakamma tenaja nanipanraki ke'nanga. Le'baki anjo angnganremi siagang angnginummi ke'nanga.

PAMMILANGNGANG 12:8

Siagang iNakke a'bicarA' sidallekang siagang ia, a'nyatai siagang tena nasangkamma boto-botoang. Ba'lalo manna rupangKu le'ba'mi nacini'! Angngapa nubarani angngewai Musa, anjo atangKu?”

KELONG MALA'BIRI' 5:14

Limanna ga'gai, accincing bulaeng siagang paramata, kalenna rapangi gading nisapu ri batu accilla'.

PIRAUNG 4:7

Riolo pamimping-pamimpinna ikambe ci'nongi keboki kontu kapasa' matangkasaka. Mingka kassaki na gassing, akkamalei na tena garrinna.

YEHEZKIEL 1:1

Ri tanggala' lima bulang appa' taung makatallumpulo, lalang taung makalima baku' niengka'na Karaeng Yoyakhin mange ri butta pammelakkanga, inakke, Imang Yehezkiel ana'na Busi, niakka' ri birinna Binanga Kebar ri Babel siagang ngaseng tu Yahudi maraeng nipelaka. Ti'ring tassungkei langika nampa anggappama' paccini' ri sesena Allata'ala. Kulangngereki Batara a'bicara mae ri nakke, siagang kukasiaki antekamma kagassingang koasaNa.

DANIEL 10:17

Sanrapanga' ata ammentenga ri dallekanna karaenna. Antekamma bateku la'bicara mae ri katte? Tenamo kagassingangku siagang kusawala'mi a'maika.”

PA'JARIANG 32:31

Ri wattunna ammumbamo alloa, nabokoimi Yakub Pniel, siagang akkeppammi lanri tassalai poko' bongganna.