KALAPPASSANG 24:1 - KITTA' MATANGKASA'

¹ Nampa Nakana Batara ri Musa, “Naikko mae andallekang ri Nakke siagang Harun, Nadab, Abihu, siagang tujupulo pamimpinna bansaya, siagang su'jukko battu bella anynyomba mae ri Nakke.

KALAPPASSANG 24:1 Referans Kwoze

PAMMILANGNGANG 11:16

Nampa Nakanamo Batara mae ri Musa, “Passe'rei battu ri bansa Israel tujupulo tau toa, ia niania salaku pamimpinna bansaya. Erangi ke'nanga battu mae ri dallekangKu ilalang ri KemaKu, nampa suroi ke'nanga ammenteng anjoreng ri sa'rinnu.

KALAPPASSANG 6:23

Korah nia' tallu ana'na bura'ne, iamintu: Asir, Elkana, siagang Abiasaf. Iaminjo ke'nanga boe-boena golongang kaluargana Korah.

KALAPPASSANG 28:1

“Kioki daennu Harun siagang sikamma ana'na, iamintu Nadab, Abihu, Eleazar, siagang Itamar, nampa sa'laki ke'nanga sollanna akkulle allayaniA' salaku imang.

KALAPPASSANG 19:24

Appialimi Batara angkana, “Naung mako, nampa ammoterekko mae anrinni siagang Harun. Mingka sikamma imanga siagang ra'yaka takkulleai nalaloi anjo pa'baeng-baenga untu' battu mae ri Nakke. Punna nalaloi ke'nanga, laKuhukkungi ke'nanga.”

LUKAS 10:17

Ammotere'mi anjo tuju puloa ana'-ana' gurunNa Isa, le'baka Nasuro a'lampa. Rannu ngasemmi ke'nanga wattunna ammotere'. Nakana ke'nanga, “O Batara, amminawang turu' ngasengi setanga punna nibongkai ri kambe assala' arenTa nipau!”

LUKAS 10:1

Le'baki anjo Napileimi pole Isa tujupulo ana' gurunNa, nampa Nasuro ke'nanga a'lampa ta'rua-rua. Nasuroi ke'nanga a'lampa riolo mange ri kota-kota siagang sikamma tampa' eroka Nakunjungi.

YEHEZKIEL 8:11

Tujupulo pamimping tu Israel nia' anjoreng, kammayami Yaazanya ana'na Safan. Massing anna'galaki ke'nanga se're pa'dupang a'rumbua umbunna.

1 PATTOTTORANG 6:3

Amram nia' rua ana'na bura'ne, iamintu: Harun siagang Musa, siagang sitau baine, iamintu niarenga Miryam. Harun nia' appa' ana'na bura'ne, iamintu: Nadab, Abihu, Eleazar, siagang Itamar.

KALAPPASSANG 34:2

Apparuruko ammuko bari'basa' untu' nai' ri Moncong Sinai nunampa andallekang ri Nakke rate ri coppo'na anjo monconga.

KALAPPASSANG 24:15

Angngambi'mi Musa nai' ri Moncong Sinai, nampa nitongko' ri rammang.

KALAPPASSANG 24:9

Nampa nai'mo Musa, Harun, Nadab, Abihu siagang anjo tujupuloa pamimping angngambi' ri monconga.

KALAPPASSANG 20:21

Mingka tuli battu bellana ngaseng anjo taua ammenteng, siagang Musa ji bawang anreppesi anjo rammang sassanga ri tampa' kahaderanNa Allata'ala.

KALAPPASSANG 19:20

Naungi Batara ri coppo'na Moncong Sinai, siagang Nakio'mi Musa sollanna nai' ri coppo'na anjo monconga. Jari angngambi'mi Musa,

KALAPPASSANG 3:5

Nakanamo Allata'ala, “Teako a'reppesi. Sungkei pa'lapa' bangkennu, lanri niakko ammenteng ri butta matangkasaka.

KALAPPASSANG 1:5

Kabusu'na anjo turunganna Yakub, nia' tujupulo tau jaina. Yusuf, nia' memammi la'bi riolo ri Mesir.

KALAPPASSANG 24:2

Ikauji bawang kalennu akkulle battu a'reppese' mae ri Nakke. Maraenganga takkulleai battu a'reppese', siagang ba'lalo ra'yaka takkulleai angngambi' ri anne monconga.”

PAOLE 1:15

Lanri kammana minjo nabattu ri sikamma anjo pamimping le'baka nupile, nia'mo siapa are jaina tucara'de' siagang tuniaka pangalamanna kualle nampa kuangka' untu' angkapalaiko. Nia' siapa are nipa'jari pamimping mae ri sisa'bua tau, nia' a'jari pamimping mae ri sibilangngang tau, siagang nia' todong a'jari pamimping mae ri sampulo tau. Nia' tommo kuangka' siapa are pamimping maraeng untu' angngurusuki massing suku-sukunu.