KALAPPASSANG 23:8 - KITTA' MATANGKASA'

⁸ Teako annarimai doe' pammuccu', nasaba' anjo doe' pammuccuka napa'jari butai taua mae ri katojenganga siagang napakarugi sikamma tau tenaya nasala.

KALAPPASSANG 23:8 Referans Kwoze

PAOLE 16:19

Punna angngalle kaputusang ke'nanga, takkulleai ke'nanga appaero'-ero' kalenna yareka takkulleai battala' siali. Takkulleai ke'nanga annarima passare nipacoco', lanri anjo passare kammaya napa'jari butai taua, ba'lalo manna tau cara'deka siagang tau lambusuka, sa'genna tena naadele' batena ke'nanga angngalle kaputusang.

YESAYA 5:23

Mingka lanri ero'nuji anggappa doe' pammuccu', nanulappassang tau salaya, siagang nurompai tau tenaya nasala anggappa kaadelang.

PANGNGEBARANG 17:23

Haking jekkonga, annarima cokko-cokkoi doe' pammuccu' siagang tena napajappai kaadelanga.

PANGNGEBARANG 15:27

Inai a'boya passawallang tenaya nahallala', napanraki kaluarga kalenna. Inai angkabirisi doe' pammuccuka, lamate'nei.

1 SAMUEL 8:3

Mingka tena naturuki panggaukanna manggena ke'nanga, passangalinna kaparalluang kalennaji bawang tuli naondang. Annarimai ke'nanga doe' pacoco', siagang tena naadele' ke'nanga angngadeli ra'yaka.

KATO'BA 7:7

Punna annipu tau cara'deka, toloi panggaukanna; punna annarima doe' pammuccu', panra'mi sipa'na.

PANGNGEBARANG 17:8

Nia' tau angkapangi angkana anjo doe' pammuccuka akkullei appa'jari apa appakalannasa'; lanri doe' pammuccu' yangasenna akkullei nipa'jari.

PAMMUJI 26:10

ke'nanga tuli a'gau' ja'dala'na, tuli sadiana untu' annarima pappacoco'.

1 SAMUEL 12:3

Kamma-kammaminne, nakuammenteng ri dallekannu ngaseng! Punna nia' kasalang le'ba' kugaukang, tuntu'ma' ri dallekanNa Batara siagang ri dallekanna karaeng Napilea. Niakka nakule'ba' angngalle sapi yareka keledai battu ri tau maraengang? Niakka nakule'ba' annipu yareka anjallakkang tau yareka annarima doe' pacoco'? Paumi, sollanna akkulle kupoterang manna naapa-apa mamo.”

PAOLE 10:17

Karaeng Allata'alanu ri tompo'na sikontu rewataya siagang irateanganna sikontu kakoasanga. Iami Allata'ala mala'biri' siagang makoasaya, mustia nituruki ero'Na. TaNangaiyai angngalle sialia siagang tena todong Naero' annarima passare nipacoco'.

MIKHA 7:3

Para cara'deki a'gau' ja'dala'. Pagawea siagang hakinga appalaki doe' pacoco', siagang pamimpinga napassakangi ero'na, kammami anjo batena ke'nanga assikongkolo' ngaseng.

AMOS 5:12

Kuassengi antekamma lompona kaja'dallannu siagang antekamma jaina dosanu. Nujallakkangi tau bajika; annarimako doe' nipacoco' siagang nubalang parekangi tu kasi-asia nigau' taadele' ri pangadelanga.

YEHEZKIEL 22:12

Nia' todong a'jari pabuno nigaji, nangaia ampaccoki julu bansana. Kabusu'na ke'nanga nakaluppaiMa'. INakke, Batara Kaminang Tinggia, anne akkana.

PANGNGEBARANG 19:4

Tau kalumanynyanga tuli katambangi aganna; tu kasi-asia ba'lalo nipilari ri aganna.

HOSEA 4:18

Punna nasa'rimmo ke'nanga lanri angnginung anggoro', sannammi nyawana ke'nanga assundala'. La'bi nangaiangngangi ke'nanga nihinaya kala nipakalompoa.

YESAYA 1:13

Tena matu-matunna nuerang anjo passarea. ErokkA' ta'langnge angngaraki rasanna. BirisikkA' siagang tena Kuparrang ancinikko ampakalompoi Bulang Berua, allo-allo Pammari-marianga, allo-allo lompo kammayatompa sikamma passirapakkang agamanu. Yangasenna anjo nurantassi lanri dosa-dosanu, siagang a'jarimi erangngang battala' mae ri Nakke; mangngamMa' Kusa'ring angngerangi.

PAMMUJI 15:5

appappiinranga doe' natena nibungai; tenaya naero' annarima doe' pacoco' untu' ampakarugi tu tenaya salana. Tau a'gau' kammaya, latuli sannangi nasa'ring.

YESAYA 1:23

Sikamma pamimpinnu angngewami mae ri Nakke siagang assikongkolo'mi palukka'; nangai ke'nanga annarima hadia siagang doe' pammuccu'. Taerokai ke'nanga angngalleangangi ana' kukanga ri pangadelanga; taerokai ke'nanga ampilangngeri tuntutanna sikamma janda-jandaya.

YESAYA 5:22

Cilakako kau tuporea angnginung anggoro'! Baraniko siagang hebakko punna accampurukko inungang terasa'!

YESAYA 33:15

Akkulleko attahang punna akkanako nupanggaukang baji'. Teako a'boyai passawallang lanri nupacco'na tau kasi-asia, siagang teako annarimai doe' pammuccu'. Teako katuru'-turukangngi ri tau a'rancanaya pammunoang yareka kaja'dallang maraengannaya.