KALAPPASSANG 23:31 - KITTA' MATANGKASA'

³¹ Sikamma pa'baeng-baenna pa'rasangannu laKupattantui battu ri Tamparang Akaba sa'genna mae ri Binanga Efrat, kammayatompa battu ri Tamparang Tangngaya sa'genna mae ri parang lompoa. LaKusareko koasa mae ri pandudu'na anjo pa'rasanganga, sa'genna akkulle nubongka ke'nanga ri wattunnu maju untu' angngallei anjo buttaya.

KALAPPASSANG 23:31 Referans Kwoze

PA'JARIANG 15:18

Anjo wattua memang, appare'mi Batara parjanjiang siagang Abram. Nakana Batara, “A'janjiA' angkanaya laKusarei turungannu sikontu anne buttaya, appakkaramula battu ri pa'baeng-baenna pa'rasangang Mesir sa'genna mange ri Binanga Efrat,

PAOLE 11:24

Sikontu daera naonjoka bangkennu la'jari nupatangi. Ia daeranu iamintu battu ri parang lompo bageang timboro' sa'genna mange ri Moncong Libanon bageang wara', kammayatompa battu ri Binanga Efrat ri bageang iraya sa'genna mange ri Tamparang Tangngaya ri bageang ilau'.

YOSUA 21:44

Jari situru' apa Napa'janjianga Batara mae ri boe-boena ke'nanga, a'jari amammi anjo pa'rasanganga lanri nila'langngi ri Batara. Manna se're tania' battu ri musu-musunna ke'nanga akkulle angngewai ke'nanga, lanri Batara assarei ke'nanga pammetang mae ri sikontu musunna ke'nanga.

YOSUA 1:4

Anjo daeranu la'la'baki battu ri parang lompoa timboro' sa'genna mange ri pa'monconganna Libanon pawara'na, kammayatompa battu ri anjo Binanga Efrat lompoa iraya tulusu' mae ri kabusu'na pa'rasanganna bansa Het sa'genna Tamparang Tangngaya pakalau'na.

YOSUA 24:18

Na ri wattunna nipantamakki anne pa'rasanganga, Nabongka ngasengi Batara sikontu tu Amori niaka ammantang anrinni. Jari, eroki ikambe anynyomba mae ri Batara, nasaba' Iami Allata'alata.”

PAMMUJI 72:8

Lapila' a'bakkaki luara'na kakaraenganna battu ri tamparang se'rea mae ri tamparang maraenga, a'la'bang battu iraya sa'genna kalau'.

HAKING-HAKING 11:21

Mingka nisarei pammetang umma' Israel ri Batara, Allata'alana Israel, mae ri Sihon siagang tantarana. Kammaminjo na nagappa ngasemmo umma' Israel sikontu buttana tu Amori niaka ammantang ri anjo pa'rasanganga.

HAKING-HAKING 1:4

siagang suku Yehuda mange a'bundu'.” Na nisaremo ke'nanga pakkulle battu ri Batara sa'genna nabetamo tu Kanaan siagang tu Feriska. Nia' sampulo sa'bu tantarana musua mate ri Bezek.

1 KARAENG-KARAENG 20:13

Lalang anjo wattua, nia'mo sitau na'bi mange ri Karaeng Ahab na nakana, “Nakana Batara, ‘Nuciniki anjo tantara jaia? LaKusareko pammetang mae ri ke'nanga anne alloa. Lanuassengi angkanaya iNakkemi Batara.’ ”

1 KARAENG-KARAENG 4:21

Massing-massing kaluarga para nia' koko anggoro'na siagang koko arana. Lalang sikontu tallasa'na Salomo ra'yaka ri sikontu Yehuda siagang Israel, appakkaramula battu ri Dan sa'genna Bersyeba, amangi siagang sannangi tallasa'na. Nasaba', sikontu karaenga ilaukanna Efrat tundu' ngasengi mae ri ia, siagang sikontu bansa battua ri pa'rasangang-pa'rasangang niaka ri tammulilina kakaraenganna agang ngasengi siagang ia. Butta niaka ri laukanna Binanga Efrat battu ri Tifsah ri birinna Binanga Efrat tulusu' kalau' ri kota Gaza ri Filistin sa'genna ri pa'baeng-baenna Mesir, yangasenna nikoasai ri Salomo. Sikamma bansa niaka anjoreng tundu' ngasengi mae ri ia siagang a'bayaraki passare mae ri ia. Apa-apa nikanre naparalluanga Salomo allo-allona nia' 5.000 litere' labu' halusu', 10.000 litere' labu' kasara', sampulo kayunna sapi nibaraya, ruampulo sapi ri paranga, siagang sibilangngang kayunna gimbala'. Pantaranganna anjo, iamintu pole jonga, kijang, siagang olo'-olo' akka'nyika.

1 SAMUEL 23:4

Lanri kammana anjo sikalipi pole Daud appala' pitunju' battu ri Batara. Nampa appialimi pole angkana, “Teako mallakki. Bundukimi kota Kehila, nasaba' anjo tantara Filistin laKupassareangi mae ri kau.”

YOSUA 24:12

Ri wattunnu maju ambunduki ke'nanga, Kupa'jari lingui ke'nanga siagang Kupa'jari mallaki ke'nanga, sa'genna larimo anjo ruaya karaeng tu Amori napakamma malla'. Teai pa'dannu siagang teai todong pananu assareko pammetang.

YOSUA 24:8

Nampa Kuerangko mange ri pa'rasangang tu Amori, niaka ammantang irayanganna Binanga Yordan. Nabundukiko ke'nanga, mingka iNakke ansareko pammetang mae ri ke'nanga. Nuallei pa'rasanganna ke'nanga, siagang iNakke angngancuruki ke'nanga.

YOSUA 23:14

Kamma-kamma anne narapi'mi wattungku lamate. Ikau ngaseng, massing baji' ngaseng nuassenna angkanaya Batara Allata'alanu le'ba' assareko sikontu apa baji' Napa'janjianga. Sikontu janjinNa le'ba' ngasemmi Narupai, tena manna se're taNarupai.

YOSUA 10:19

mingka teako ammantangngi anjoreng. Ondangi turus, bunduki ke'nanga battu ri boko; teako lappassangi ke'nanga antama ri kota-kotana ke'nanga! Le'ba'mi Napattantu laNapassareang Karaeng Allata'alanu pammetanga ri kau mae ri ke'nanga.”

YOSUA 10:8

Nakana Batara ri Yosua, “Teako mallakki mae ri ke'nanga. Le'ba'mi Kupattantu laKupassareang pammetanga mae ri kau; lanri kammana anjo tena manna sitau ri ke'nanga akkulle attahang angngewako.”

YOSUA 8:18

Nampa Nakanamo Batara ri Yosua, “Angkaki pokenu siagang pa'dalle' mangei matanna ri kota Ai; kamma-kamma anne Kupassareangi anjo kotaya mae ri kau.” Nagaukammi Yosua anjo apa Naparentakanga Batara.

YOSUA 8:7

Iaminjo wattua numusti assulu' battu ri tampa' paccokkoannu, siagang nualle anjo kotaya. Karaeng Allata'alanu lampassareangi mae ri kau.

PAOLE 3:2

Mingka Nakanamo Batara mae ri nakke, ‘Teako mallakki mae ri ia, Musa. LaKupassareangi anjo taua mae ri kau, kammayatompa tantarana siagang sikontu daerana. Gaukammi mae ri ia sangkamma apa le'baka nugaukang mae ri Sihon, karaenna tu Amori ammarentaya ri Hesybon.’

PAMMILANGNGANG 21:34

Nakanamo Batara mae ri Musa, “Teako mallakki mae ri ia. LaKusareko pammetang. Lanubetai anjo karaenga, sikontu ra'ya'na kammayatompa pa'rasanganna. Gaukammi ri ia sangkamma apa le'baka nugaukang mae ri Karaeng Sihon ammarentaya ri Hesybon.”

PAOLE 1:7

Kamma-kamma anne bongkara'mi kemanu nampa a'lampako mange ri daera monconna tu Amori siagang mange ri sikontu daera niaka ri tammulilina, iamintu Ka'bung Yordan, daera bulu'-buluka siagang lapparaka, daera bageang timboroka siagang birinna Tamparang Tangngaya. A'lampa mako mange ampammantangngi butta Kanaan siagang daera Monconna Libanon sa'genna mange ri binanga lompona Efrat.

PAOLE 1:8

INakke, Batara, le'ba' ampa'janjiangi sikontu anjo buttaya mae ri boe-boenu iamintu Abraham, Ishak siagang Yakub kammayatompa mae ri jari-jarina ke'nanga. Jari a'lampa mako mange ampammantangngi anjo buttaya.’ ”

PAOLE 2:33

Mingka nipassareammi anjo karaenga mae ri katte ri Karaeng Allata'alata, sa'genna nibetamo siagang ana'-ana'na kammayatompa sikontu tantarana.

PAOLE 2:36

Lanri pannulunNa Karaeng Allata'alata, akkullei nialle ngaseng sikontu kotaya, appakkaramula battu ri Aroër, ri cappa' Ka'bung Arnon, siagang kota niaka ri tangngana anjo ka'bunga, sa'genna mange ri daera Gilead. Tena kota majarre' dudu tembo' pattahanganna nidallekang.

PAOLE 9:3

Mingka kamma-kamma anne ikau kalennu lanciniki antekamma bateNa Karaeng Allata'alanu a'jappa ri dallekannu rapang pepe' appakamutunga. LaNabetai ke'nanga ri dallekang matannu, sa'gennu akkulle ambongkai ke'nanga siagang angngancuruki silalonna ke'nanga sangkamma Napa'janjianga Batara.

PAOLE 20:16

Mingka punna anjo kotaya niaki lalang ri daera Napassareanga Karaeng Allata'ala mae ri kau, sikontu pandudu'na musti nibunoi.

YOSUA 24:11

Nampa a'limbangko ri Binanga Yordan, nubattu mange ri Yerikho. Nibundukiko ri tu Yerikho, kammayatompa ri tu Amori, ri tu Feris, ri tu Kanaan, ri tu Het, ri tu Girgasi, ri tu Hewi siagang ri tu Yebus. Mingka Kusareko pammetang mae ri yangasenna anjo ke'nanga.

1 KARAENG-KARAENG 8:65

Ri Balla'Na Batara anjo, Salomo siagang sikontu umma' Israel appare'mi passua'-suarrang untu' ampakalompoi Allo Lompona Pa'ballakang Leko'-lekoka, lalang tuju allo sallona. Teai sipato' jaina anjo tau a'rappunganga anjoreng. Battui ke'nanga ri daera agang mangea ri Hamat bellana ri bageang wara', sa'genna mange ri pa'baeng-baenna Mesir bageang timboro'.

1 KARAENG-KARAENG 11:2

Le'ba'mi Naparentakang Batara angkanaya takkulleai tu Israel assicampuru' a'bunting siagang anjo bansa-bansaya, nasaba' ke'nanga sallang a'jari passabakkang nanynyomba tu Israel mae ri rewata-rewata maraenganga. Mingka manna nakamma anjo, a'nikka tonjia Salomo siagang bai'-baine battu pantaraka.

PAMMILANGNGANG 34:2

anne parenta-parentaya untu' bansa Israel, “Sinampe' mami nanuntama'mo ri pa'rasangang Kanaan, iamintu pa'rasangang Kupassareanga mae ri kau a'jari butta pisaka. Iaminne pa'baeng-baenna anjo pa'rasanganga.

PAOLE 6:19

siagang lanubongkai musu-musunnu sangkamma Napa'janjianga Batara.

YOSUA 2:24

Nampa nakana ke'nanga, “Mattantu Napassareangi Batara anjo sikontu pa'rasanganga mae ri katte; sikontu tau niaka anjoreng malla' ngasengi mae ri katte.”

YOSUA 9:7

Mingka nakana ngasemmo tu Israel, “Untu' apa namusti appare' parjanjiang ikambe siagang ikau ngaseng? Gassingka ambaniji anrinni pammantangannu!”

YOSUA 13:6

Antama tongi sikontu daerana tu Sidon, niaka ammantang ri daera pa'moncongang ri alla'na moncong-moncong Libanon siagang Misrefot-Maim.” Nakana Batara, “Sikontu anjo bansa-bansaya laKubongkai sallang, ri wattunna nibunduki ke'nanga ri tu Israel. Anjo buttaya musti nubage-bagei mae ri umma' Israel untu' a'jari butta pisakana ke'nanga, sangkamma le'baka Kuparentakang mae ri kau.

2 PATTOTTORANG 9:26

Koasai mae ri sikontu karaeng niaka ri daera luara' appakkaramula battu ri Binanga Efrat sa'genna mange ri pa'rasangang Filistin siagang pa'baeng-baenna Mesir.