KALAPPASSANG 23:30 - KITTA' MATANGKASA'

³⁰ LaKubongka tassike'de'-ke'deki ke'nanga, sa'genna angganna'mo jainu untu' angkoasai anjo buttaya.

KALAPPASSANG 23:30 Referans Kwoze

PAOLE 7:22

Anjo bansa-bansaya laNabongka tassike'de'-ke'deki battu ri dallekannu. Takkulleai linta' dudu nuancuru' ke'nanga, sollanna tena napila' katambang olo'-olo' sekkeka akkullea ambahayakangko.

YOSUA 23:4

Buttana bansa-bansaya niaka ija ammantang, kammayatompa buttana sikontu bansa le'bakamo kubeta, iamintu butta takka'ranga battu iraya ri Binanga Yordan tulusu' kalau' sa'genna ri Tamparang Tangngaya, le'ba' kabusu'mi kubage-bage mae ri kau untu' a'jari pisakanu.

YOSUA 23:9

Le'ba'mi Nabongka Batara bansa-bansa lompoa siagang kassaka untu' ikau ngaseng; tena manna sitau battu ri ke'nanga akkulle attahang angngewako.

YOSUA 13:6

Antama tongi sikontu daerana tu Sidon, niaka ammantang ri daera pa'moncongang ri alla'na moncong-moncong Libanon siagang Misrefot-Maim.” Nakana Batara, “Sikontu anjo bansa-bansaya laKubongkai sallang, ri wattunna nibunduki ke'nanga ri tu Israel. Anjo buttaya musti nubage-bagei mae ri umma' Israel untu' a'jari butta pisakana ke'nanga, sangkamma le'baka Kuparentakang mae ri kau.

YOSUA 23:5

Karaeng Allata'alanu lampamono' bokoi anjo bansa-bansaya, siagang lari battu ri dallekannu punna a'lampako mange ambunduki ke'nanga. Lanupisakai pa'rasanganna ke'nanga, sangkamma le'baka Napa'janjiang Karaeng Allata'alanu mae ri kau.