KALAPPASSANG 23:27 - KITTA' MATANGKASA'

²⁷ Sikamma bansa nubattuia laKupa'jari malla' ngasengi mae ri Nakke; laKukacoi ke'nanga; sikontu musunnu la'giling ngasengi nampa lari.

KALAPPASSANG 23:27 Referans Kwoze

PAOLE 2:25

Appakkaramula anne alloa laKupa'jariko tunikamallakkang ri bansa-bansaya ri kere-keremae. Sikamma taua lannekkereki napakamma malla' punna nalangngereki kabara'nu.’ ”

PA'JARIANG 35:5

Ri wattu a'lampana Yakub siagang rombonganna, nipibattuimi malla' ri Allata'ala sikontu tau niaka ri anjo kotaya, sa'genna tena nabarani ke'nanga angngondangi Yakub siagang rombonganna.

PAOLE 7:23

Kammaminjo bateNa Karaeng Allata'alanu lampassareangi musu-musunnu mae ri kau. LaNapasimbung-simbungi ke'nanga sa'genna ancuru' ke'nanga.

PAOLE 11:25

Ri sikontu anjo pa'rasanganga laNapa'jari malla' ngasengi Karaeng Allata'alanu sikontu taua mae ri kau sangkamma le'baka Napa'janjiang, sa'genna manna sitau tania' akkulle anrompaiko.

PAMMUJI 18:40

Kisarea' kagassingang untu' a'bundu', siagang pammetang mae ri sikamma musungku.

2 KARAENG-KARAENG 7:6

Nasaba', nia'mo Napappilangngerang Batara mae ri ke'nanga sangkamma sa'ra gamarrung pasukang lompo a'jarang siagang angngerang kareta maju ero' ambunduki ke'nanga. Nakapangi tu Siria angkanaya le'baki karaeng Israel ambayaraki karaeng Het siagang Mesir kammayatompa tantarana untu' ambunduki ke'nanga.

1 SAMUEL 14:15

Passabakkang ia anjo kajarianga, gegere'mi tu Filistin ri kemana siagang ri sikamma paranga. Sikontu ra'ya' Filistin kammaya niaka ri balla'-balla' jagaya, siagang pa'rappungang paellaka a'jari malla' ngasemmi; ba'lalo kamma ta'ge'goso'mi buttaya, siagang sanna'mi siricu-ricuinna ke'nanga.

PAOLE 11:23

Na Batara lambongkai anjo sikontu bansaya battu ri dallekannu, siagang kau lampammantangngi buttana bansa-bansa lompoangnganga siagang kassakangnganga naikau.

KALAPPASSANG 33:2

Nia' sitau malaeka' laKusuro battu anrurungang ngasengko. LaKubongkai bansa Kanaan, Amori, Het, Feris, Hewi siagang Yebus.

2 SAMUEL 22:41

Kipalari musungku battu ri nakke; Kipossoki sikamma tau birisika mae ri nakke.

PAMMUJI 21:12

Punna appare' rancana ke'nanga langngewai karaenga, tala'jariai akkala' balle-ballena ke'nanga.

KALAPPASSANG 34:24

Punna le'ba'mo Kubongka sikamma bansa-bansaya battu ri dallekannu siagang Kupakaluara' daeranu, tena manna sitau barani langngallei pa'rasangannu ri wattunnu a'lampa untu' ampakalompoi Allo Lompo Passua'-suarrang Roti Tenaya Nammake Pa'gambang, Allo Lompo Pakkattoang, siagang Allo Lompo Pa'ballakang Leko'-leko' Kayua.

PAOLE 6:19

siagang lanubongkai musu-musunnu sangkamma Napa'janjianga Batara.