KALAPPASSANG 23:18 - KITTA' MATANGKASA'

¹⁸ Teako assarei roti ammakea pa'gambang ri wattunnu assare koro'bang olo'-olo' mae ri Nakke. Jannana anjo olo'-olo' nikoro'bangkanga mae ri Nakke lalang nigaukanna anjo sikamma passua'-suarranga takkulleai nuboli' sa'genna ammuko bari'basa'.

KALAPPASSANG 23:18 Referans Kwoze

KAIMANGNGANG 2:11

Koro'bang nipatalaya mae ri Batara takkulleai nipa'bengkoro' siagang bani yareka pa'gambang, lanri anjo je'ne' bania siagang pa'gambanga takkulleai nitunu untu' a'jari passare mae ri Batara.

KALAPPASSANG 34:25

Ri wattunnu assare koro'bang olo'-olo' polongang, teako assarei apa-apa ammakea pa'gambang. Olo'-olo' nipolonga untu' koro'bang ri passua'-suarrang Paska musti nipila'busi memangi anjo bangngia; takkulleai nia' tassesa sa'genna ammuko.

PAOLE 16:4

Lalanna anjo tujua allo, ri sikontu pa'rasangannu tena manna sitau akkulle ammoli' pa'gambang ri balla'na. Dageng olo'-olo' nipolonga ri bangnginna allo makase'rea musti nikanrei sa'genna la'busu' anjo memang bangngia.

KALAPPASSANG 12:10

Teako niakki nuboli' manna pole sike'de' anjo dagenga sa'genna bari'basa'; punna nia' sesanna, musti nitunui sa'genna la'busu'.

KAIMANGNGANG 7:15

Dagenna musti nikanre memang ri allo nipassareanna anjo olo'-oloka, manna sike'de' takkulleai niboli' sa'genna ammuko bari'basa'.

KALAPPASSANG 12:8

Anjo memang bangngia musti nulanggai dagenna nampa nupasikanre siagang gangang pai' siagang roti tenaya nammake pa'gambang.

KAIMANGNGANG 7:12

Punna nipassareang anjo koro'banga untu' appala' sukkuru', anjo olo'-oloka musti nikoro'bangkangi siagang roti tenaya nammake pa'gambang. Anjo rotia akkullei kapala', nipareka battu labu' nipasileoka minynya' zaitun, akkulle tongi roti kalotoro' nipisika siagang nisapua siagang minynya', yareka kanrejawa labu' nipasileoka siagang minynya' zaitun.

KALAPPASSANG 12:15

Nakana Batara, “Tuju allo sallona takkulleako angnganre roti ammake pa'gambang. Ri allo makase'rea sikontu pa'gambanga musti nipasuluki battu ri balla'nu, nasaba' punna lalanna anjo tuju alloa nia' sitau angnganre roti ammake pa'gambang, tenamo nakkulle nikana anggota ummakKu.

KALAPPASSANG 16:19

Nakana Musa ri ke'nanga, “Manna inai takkulleai naboli' anjo kanrea manna sike'de' untu' ammuko.”

KALAPPASSANG 29:34

Punna ammukona bari'basa' anjo dagenga yareka anjo rotia tassesa iji, anjo sesana musti nitunui sa'genna la'busu', siagang takkulleai nikanre lanri le'ba'mi nisa'la'.