KALAPPASSANG 23:15 - KITTA' MATANGKASA'

¹⁵ Lalang bulang Abib, ri wattu le'baka nipattantu, musti nupakalompoi Passua'-suarrang Roti Tenaya Nammake Pa'gambang, situru' cara le'baka Kuparentakang mae ri kau, nasaba' lalannami anjo bulang Abib nanubokoi butta Mesir. Teako angnganrei roti ammake pa'gambang lalang anjo tujua allo passua'-suarrang. Punna battuko anggaukangi ibadanu mae ri Nakke, musti angngerangko passare.

KALAPPASSANG 23:15 Referans Kwoze

LUKAS 22:7

Narapi'mi allonna nisamballe gimbala' lanikanrea ri allo Paskaya, lalang ri Passua'-suarrang Roti Tenaya Nammake Pa'gambang.

KALAPPASSANG 34:20

mingka ana' keledai bungasa' lassuka musti nupasuluki siagang sikayu ana' gimbala' nupassareang a'jari sambenna. Punna taerokako ampasuluki, musti nutepoki kallonna anjo keledaia. Sikamma ana' bura'ne bungasaka musti nupasuluki. Tena manna sitau akkulle battu mae ri Nakke punna tena nangngerang passare.

PAOLE 16:16

Sikontu tu bura'ne Israelka musti battui anynyomba ri Karaeng Allata'alanu ri anjo tampa' ibadaya pintallung lalanna sitaung, iamintu ri Allo Lompo Paskaya, ri Allo Lompo Pakkattoanga siagang ri Allo Lompo Pa'ballakang Leko'-leko' Kayua. Tunggala' taua musti angngerangi passare,

MARKUS 14:12

Ri allo makase'rea, ri wattunna Passua'-suarrang Roti Tenaya Nammake Pa'gambang, ammolongi taua gimbala' untu' Paska. Akkuta'nammi ana'-ana' gurunNa Isa angkana, “Kemae Kikellai nipasadia kanre Paskaya untu' iKatte Bapa'?”

KALAPPASSANG 34:18

Pakalompoi allo Passua'-suarranna Roti Tenaya Nammake Pa'gambang. Kamma le'baka Kuparentakang mae ri kau, musti angnganreko roti tenaya nammake pa'gambang lalang tuju allo sallona lalang ri bulang Abib, lanri lalang iaminjo bulanga nanubokoi butta Mesir.

KALAPPASSANG 13:4

Anne alloa, tanggala' se're bulang Abib yareka bulang se're, nubokoimi pa'rasangang Mesir.

LUKAS 2:41

Taung-taungi mange tau toaNa Isa ri Yerusalem untu' ampakalompoi allo Lompo Paskaya.

LAMPA-LAMPANA 12:3

Ri wattunna nacini' Herodes angkanaya rannui nyawana tu Yahudia anciniki anjo apa nagaukanga, pila' katambammi panggaukang kammana; nasuro tommi taua anjakkalaki Petrus. Anjo wattua Allo Lomponai Roti Tenaya Nammake Pa'gambang.

KALAPPASSANG 12:2

“Anne bulanga a'jari bulang makase're battu pa'bilangang tanggala'nu.

KALAPPASSANG 22:29

Ri allo le'baka nipattantu, angngerangko passare mae ri Nakke, iamintu bageang battua ri wassele' gandunnu, je'ne' anggoro'nu siagang minynya' zaitunnu. Passareangi mae ri Nakke ana' bura'ne bungasa'nu,

1 SAMUEL 6:3

Appialimi ke'nanga angkana, “Anjo Patti ParjanjianNa Allata'alana Israel, teako poterang bawangngi, mingka musti nipirurungi hadia untu' antangkasi dosa-dosanu. Lalang kammana anjo nulanipakabaji' battu ri garrinnu, siagang lanuassemmi angkanaya apa saba'na natuli Nahukkungko Allata'alana Israel.”

KALAPPASSANG 13:3

Nakanamo Musa mae ri bansa Israel, “Anne alloa Nalappassang mako Batara lalang koasa malompoNa, sa'genna akkulle mako assulu' battu ri Mesir, tampa'nu nipare' ata. Lanri kammana anjo, pakalompomi anne alloa. Teako angnganrei roti ammakea pa'gambang.

MIKHA 6:6

Apaka musti nipassareang mae ri Batara, Allata'ala ri suruga, punna battuki' mange anynyomba ri Ia? Mustika angngerangki' sapi rungka kaminang bajika untu' nipassareang salaku koro'bang nitunu mae ri Ia?