KALAPPASSANG 22:24 - KITTA' MATANGKASA'

²⁴ INakke lalarro siagang lambunoko lalang bundu', sa'genna a'jari janda bainennu, siagang tena manggena ana'nu.

KALAPPASSANG 22:24 Referans Kwoze

PAMMUJI 109:9

Boli'mi kamma a'jari kukang ana'-ana'na, siagang a'jari janda bainena.

YEREMIA 15:8

Larassi pa'rasangannu ri janda, la'biangngang na kassika ri biring tamparang jaina. LaKubunoi sikamma taua ri wattu rungkana sa'genna pa'risi' nasa'ring amma'na ke'nanga. Ri wattu alloa Kupabattui mae ri ke'nanga sitau tulammanraki sa'genna malla' siagang lussa' ke'nanga.

PIRAUNG 5:3

Manggena ikambe nibunomi ri musua; jandami amma'na ikambe ki'jarimo tau kukang.

PAMMUJI 69:24

Boli'mi kamma a'jari buta matanna ke'nanga na tuli lamma dongko'na ke'nanga.

IBRANI 10:31

Teai sipato' appakamalla'na punna tu'guru' taua antama' ri limanNa Allata'ala Mattallasaka!

LUKAS 6:38

Assareko ri parannu tau, sollanna Nasare tongko Allata'ala; lanisareko sanna' jaina la'bina, ri pa'baku' le'baka nibaku' sannaka rassina. Nasaba' pa'baku' apa nupake ambakuki parannu tau, ia todong minjo pa'bakuka laNapake Allata'ala ambakukko.”

NAHUM 1:6

Inai akkulle attahang punna larro Batara? Inai akkulle ta'lappasa' battu ri pangngalarroinNa? Napa'betteseki larroNa a'rinraya ancuruki batua a'jari limbu'bu' ri dallekanNa.

YEREMIA 18:21

Mingka kamma-kamma anne, Batara, lappassammi mate cipuru' ana'-ana'na ke'nanga yareka mate lalang pa'bundukang. Lappassammi tubai'-bainena ke'nanga tappela' bura'nenna siagang ana'na; lappassammi tubura'-bura'nea mate naalle garring siagang turungkana mate lalang pa'bundukang.

PAMMUJI 90:11

Inaika angngassengi lompona pangngalarroinTa? Yareka angngassengi kale'bakkanna kalarroanTa?

PAMMUJI 76:7

Sikontu jaranga siagang tuma'baena tu'guru' ngasemmi na mate ri pangga'garatTa, o, Allata'alana Yakub!

AYUB 31:23

Tena kula'gau' kammanjo, saba' hukkunganNa Allata'ala sanna' Napakamalla'na pa'maikku.

PAMMUJI 109:2

Saba' nibakkaia' ri tau ja'dala' siagang patipu appa'la'banga carita-carita balle-balle ri passala' inakke.

KAIMANGNGANG 25:35

Punna nia' tau julu bansanu ammantanga ri alla'nu tu'guru' kasi-asi siagang takkulleai naongkosi tallasa'na, ikau musti nubantui anjo taua sangkamma tau battu-battua yareka bansa maraeng ammantanga ri alla'nu, sollanna akkulle napatulusu' tallasa'na ri alla'nu.

KAIMANGNGANG 25:36

Teako appalakki bunga battu ri apa nupappiinranganga mae ri ia, mingka paralluko malla' ri Allata'alanu, siagang lappassammi anjo taua attallasa' ri alla'nu. Tea tongko angngallei passawallang battu ri kanre nubalukanga mae ri ia.

PAOLE 23:21

Punna nia' apa-apa nupa'janjiang mae ri Karaeng Allata'alanu, teako pamono'-monoki untu' anrupai anjo janjinnu, lanri tuli Natuntu'na Karaeng Allata'alanu ri kau, siagang dorakako punna tena nanurupai.

NEHEMIA 5:7

Kupattantumi angkana langngallea' tindakang. Nampa kupakainga'mo sikamma tutoa-toana ra'yaka siagang sikamma pamimpinna ra'yaka. Kukana ri ke'nanga, “Angngapa nanujallakkang sikamma sari'battannu tonji?” Nampa appare'ma passirapakkang siagang tau jaia untu' a'boya cara untu' ambantui ke'nanga ri kasusaanga.

PAMMUJI 15:5

appappiinranga doe' natena nibungai; tenaya naero' annarima doe' pacoco' untu' ampakarugi tu tenaya salana. Tau a'gau' kammaya, latuli sannangi nasa'ring.