KALAPPASSANG 22:18 - KITTA' MATANGKASA'

¹⁸ Sikontu baine pabale'-bale' mataya musti nibunoi.

KALAPPASSANG 22:18 Referans Kwoze

KAIMANGNGANG 20:27

Inai-nai tu bura'ne yareka tubaine appare' passisambungang siagang roh-rohna tau matea, musti nisambilai batu sa'genna mate. Anjo taua matei lanri salana tonji.”

1 SAMUEL 28:3

Matemi Samuel siagang nikarrukimi ri sikontu Israel, nampa nitarawang ri Rama, kota kalenna. Siapa are wattu allaloa, nabongkami Saul battu ri Israel sikontu pacinika siagang sanro pakkio' nyawa tu matea.

KAIMANGNGANG 20:6

Tau a'lampaya appala' tulung mae ri sanro appareka passisambungang siagang roh-roh tau matea, laKuhukkungi siagang tenamo nalaKubilang anggota ummakKu.

PAPPICINI' 22:15

Mingka sikontu tau anggaukangai apa-apa tenaya matu-matunna, tau ammakea pangngissengang baca-baca, tau a'gau' bawanga, tau ammunoa, tau anynyombaya barhala, siagang tau a'balle-ballea, baji' na'balle-balle lalang bicara yareka lalang panggaukang, sikontu anjo tau kammaya pantaranganna ngasengi anjo kotaya tampa'na.

KAIMANGNGANG 19:31

Teako a'lampai appala' tangara' mae ri sanro appareka passisambungang siagang roh-rohna tau matea. Punna nugaukangi kammaya anjo, a'jari ra'masakko. INakke Karaeng Allata'alanu.

KAIMANGNGANG 19:26

Teako angnganrei cera'. Teako ammakei pangngassengang baca-baca.

YESAYA 19:3

LaKupassala-salangi sikamma rancanana tu Mesir siagang laKutepoki sumanga'na ke'nanga. Lappala' tulungi ke'nanga mae ri barhala-barhalaya, lappalaki pappakainga' siagang pangngunju' mae ri sanro-sanroa siagang roh-roh tanicinika.

GALATIA 5:20

kammayatompa ri panggaukang anynyombaya ri barhala, baca-baca pangngissenganga; assimusu-musua, passiba'jianga, akkimburua, pa'larroanga, kaparalluang kalennaji bawang naboyai, appasisala-salaya tau, siagang a'golongang-golonganga;

LAMPA-LAMPANA 19:19

Na sikamma tau biasaya ammake baca-baca, massing napa'rappungammi sura' jima'-jima'na ke'nanga nampa natunu ri dallekanna tau jaia. Punna nipasse're ballinna anjo sura'-sura' nitunua, nia' kira-kira limampulo sa'bu doe' pera' jaina.

1 SAMUEL 28:9

Appialimi anjo bainea angkana, “Tantu kiasseng tongi angkanaya anjo Karaeng Saul le'ba'mi nabongka sikontu pacinika siagang pakkio' nyawa tu matea, battu ri Israel. Angngapa nakicoba ero' ancilakaia' sa'gengku akkulle nibuno?”

YEREMIA 27:9

Teako pilangngeri na'bi-na'bia yareka manna pole inai ampisangkaiko tundu' mae ri karaeng Babel, manna pole nanakana kalenna le'baki annarima pitunju' battu ri so'na, roh-roh alusu', yareka lanri ammakei kagassingang pangngassengang.

YEREMIA 27:10

Natipuko ke'nanga sa'gennu nierang a'lampa bella battu ri pa'rasangannu. LaKubongkako battu ri pa'rasangannu siagang lapanrakko.

KAIMANGNGANG 18:23

Baji' tu bura'nea kammayatompa tubainea tena sikali nakkulle assikatinroang siagang olo'-oloka; panggaukang ja'dala' kammaya nara'massiko.

PAOLE 27:21

‘Nitunrai tau a'gau' bawanga siagang olo'-oloka.’ ‘Aming!’