KALAPPASSANG 22:13 - KITTA' MATANGKASA'

¹³ Punna nialle ri olo'-olo' sekke' anjo olo'-olo' piaraya anjo tau ammarakaia musti napappicinikangi sesa buku-bukunna untu' a'jari butti mae ri patanna; tena naparallu a'bayara' sambe karugiang untu' anjo olo'-oloka.

KALAPPASSANG 22:13 Referans Kwoze

NAHUM 2:12

Riolo anjoreng singaya najakkala' apa lanakanrea, nampa nabage-bage dagenna mae ri singa ganaya siagang ana'na. Napirassi leanna siagang toppa'-toppa' dageng wassele' nagappaya naondang.

MIKHA 5:8

Israel lanabetai musu-musunna kammayatompa naancuru' kabusuki ke'nanga.

AMOS 3:12

Rapang sitau pakalawaki anggappayai ammotere' bangkenna mami yareka sipolong mami tolinna gimbala'na le'baka nikanre ri singa, kamma tomminjo sike'de' dudu mami lammantang battu ri pandudu'na Samaria attinro baji'-bajika pakkasia'na ri katinroang ga'gana.”

YEHEZKIEL 4:14

Mingka appialia' angkana, “Aduh, Batara Kaminang Tinggia! Battu ri ca'diku sa'genna kamma-kamma anne, tale'bakai kura'massi kalengku siagang kanre battua ri olo'-olo' matea yareka sesanna olo'-olo' sekkeka. Tale'baka' angnganre kanre nikanaya harang.”

KALAPPASSANG 22:12

Punna tau maraeng allukkaki anjo olo'-oloka, anjo tau ammarakaia musti a'bayaraki sambe karugiang mae ri patanna.

KALAPPASSANG 22:14

Punna nia' tau angnginrang sikayu olo'-olo' nampa loko' yareka mate anjo olo'-oloka ri wattunna tena patanna ri anjo tampa' kajarianga, anjo tau angnginranga musti a'bayaraki sambe karugiang.