KALAPPASSANG 20:12 - KITTA' MATANGKASA'

¹² Pakala'biriki manggenu siagang amma'nu, sollanna salewangang tallasa'nu siagang la'bu umuru'nu ri pa'rasangang Kupassareanga mae ri kau.

KALAPPASSANG 20:12 Referans Kwoze

KOLOSE 3:20

Ikau ana'-anaka! Nikellaiko musti tuli mannuruki salaku tu Karisteng mae ri anrong-manggenu, nasaba' kammayami anjo Nakarannuang pa'mai'Na Allata'ala.

PAOLE 5:16

Pakalompoi siagang parakai anrong manggenu; iaminjo parentaKu, Karaeng Allata'alanu, sollannu salewangang siagang la'bu umuru'nu ri pa'rasangang Kupassareanga mae ri kau.

MARKUS 7:10

Nasaba' le'ba' mako nasare Musa anne parentaya angkana, ‘Pakala'biriki anrong-manggenu,’ siagang ‘Inai-nai ampakka'-pakkanai anrong-manggena musti nihukkung matei.’

PANGNGEBARANG 30:17

Tau ancau-cauwai manggena yareka amma'na toayamo, siratangi nipasambila assulu' sollanna nitotto' matanna ri jangang-jangang kalaa' siagang nikanre maya'na ri balangkoa'.

KAIMANGNGANG 19:3

Sikontu taua musti napakala'biriki anrong manggena, siagang napakalompo Allo Pammari-marianga sangkamma Kuparentakanga. INakke Karaeng Allata'alanu.

LUKAS 18:20

Nuassemmi sikamma parentaNa Allata'ala, iamintu, ‘Teako a'gau' salimarri, teako ammunoi, teako a'lukkaki, teako assa'bi salai, siagang pakala'biriki anrong-manggenu.’ ”

MATIUS 19:19

pakala'biriki anrong-manggenu; siagang kamaseangi parannu tau sangkamma nukamaseanna batangkalennu.”

PANGNGEBARANG 20:20

Tau antunrayai tau toana, lalanynyaki tallasa'na sanrapang lampu matea ri wattu bangngi sassanga.

KALAPPASSANG 21:17

Inai-nai antunrai manggena yareka amma'na musti nihukkung matei.

MARKUS 10:19

Nuassemmi sikamma parentaNa Allata'ala angkanaya, ‘Teako ammunoi; teako a'gau' assalimarri; teako a'lukkaki; teako assa'bi balle-ballei; teako annipui; pakala'biriki manggenu siagang amma'nu.’ ”

KALAPPASSANG 21:15

Inai-nai amba'ji manggena yareka amma'na musti nihukkung matei.

PAOLE 32:47

Anne pangngajaranga teai bicara kosong, passangalinna untu' katallassannu. Turuki anjo sikontua parenta, sollanna la'bu umuru'nu ri pa'rasangang tenayamo nasallo nanupantamakki ri ba'leanna Binanga Yordan.”

PANGNGEBARANG 3:16

Kacara'dekanga nasareko umuru' la'bu, kakalumanynyangngang siagang kala'birang.

2 KARAENG-KARAENG 2:12

Naciniki Elisa anjo kammaya nampa akkio' angkana, “Elia, bapakku! Bapakku! Pajagana Israel malompoa! Tenami bapakku!” Jari lanynya'mi Elia battu ri paccini'na Elisa. Si'nami nyawana Elisa na nakekke' jubana a'jari rua.

PAOLE 4:40

Turuki sikontu hukkung kupassareanga mae ri kau anne alloa, nampa ikau siagang jari-jarinu lasalewangangko siagang latuli attallasa' mako ri pa'rasangang Napassareanga Karaeng Allata'alanu a'jari pisakanu sa'genna satunggu-tungguna.”

PAOLE 25:15

Pakemi timbangang siagang ukkurang annabaya sollanna la'bu umuru'nu ri pa'rasangang Napassareanga Karaeng Allata'alanu mae ri kau.

MALEAKHI 1:6

Nakana Batara Kaminang Koasaya mae ri sikamma imanga, “Se'rea ana' napakalompoi manggena, siagang se'rea palayang napakalompoi karaenna. INakke anne Manggenu ngaseng; mingka apa saba'na natena nupakalompoA'? INakke anne pinggawanu; mingka angngapa natena numalla' mae ri Nakke. Nuhina-hinaiA', mingka akkuta'nangko angkana, ‘Antekamma batena ikambe anghinaKi?’

PANGNGEBARANG 30:11

Nia' tau assumpai manggena siagang tena napakalompoi amma'na.

PANGNGEBARANG 28:24

Inai allukkaki tau toana siagang nakana teai dosa anjo kammaya, sangkammai palukka'-palukka' maraenga.

PANGNGEBARANG 15:5

Tau dongoka nabawang-bawangngangi pappakainga'na manggena, tau cara'deka Naparhatikangi pappasailea.

1 KARAENG-KARAENG 2:19

Jari a'lampami Batsyeba mange ri karaenga untu' ambicarakangi anjo passalaka untu' Adonia. Ammentemmi karaenga anruppai amma'na siagang assu'ju' mae ri ia. Nampa ammempo pole irate ri empoang kakaraenganna. Nampa nasuro taua appasadia kadera ri sa'ri kananna untu' amma'na.

KAIMANGNGANG 19:32

Angngalikko siagang pakala'biriki tau toaya. Paralluko mappakala'biri' siagang malla' mae ri Nakke, nasaba' iNakkemi Batara.

EFESUS 5:21

Paralluko sipilangngeri sollanna nupakala'biri' Almasi.

PAOLE 4:26

Tapporo langika siagang linoa a'jari sa'bi anne alloa angkanaya punna tena numannuruki mae ri nakke, tasalloami nu'lanynya' battu ri butta nupammantangngia ri ba'leanna anjo Binanga Yordan. Tasalloako lammantang anjoreng, lanri laniancuru' taba sikaliko.

PAOLE 5:33

Gaukangi sikontu Napassuroanga Karaeng Allata'alanu mae ri kau, sollannu salewangang siagang akkulle ammantang tuli ri pa'rasangang lanupammantangia.”

PAOLE 6:2

Paralluko ikau siagang jari-jarinu ampakala'biriki karaeng Allata'alanu lalang sikontu tallasa'nu siagang nuturuki sikontu hukkung kupabattua mae ri kau, sollanna la'bu umuru'nu ri anjo pa'rasanganga. Lanri kammana anjo, pilangngeri

PAOLE 11:8

“Turuki sikontu hukkung kupabattua mae ri kau anne alloa, sollanna nukkulle allimbangi binangaya siagang antama' ri pa'rasangang tenayamo nasallo nanupammantangngi.

PAOLE 11:9

Siagang lattallasa' mako sisalloang ri pa'rasangang kalumanynyanga siagang copponga buttana, iamintu Napa'janjianga Batara mae ri boe-boenu siagang mae ri jari-jarina ke'nanga.

PAOLE 21:18

“Ebara' angkana nia' ana' bura'ne kapala batu, nangai angngewaya siagang taerokai mannuruki ri tau toana manna pole nale'ba'mo nihukkung ri tau toana.

PAOLE 27:16

‘Nitunrai tau tenaya napakala'biriki tau toana siagang nabalang parekangi ke'nanga ta'ronang-ronang tallasa'na.’ ‘Aming!’

PANGNGEBARANG 17:6

Kalompoang pa'mai'na tau toayamo, iamintu ana' cucunna; kalompoang pa'mai'na ana'-anaka, iamintu tau toana.

YEREMIA 35:7

Takkulleai ikambe a'lamung, takkulleai ikambe appare' yareka ammallaki koko anggoro'. Lalang sikontu tallasa'na ikambe, tena todong nakkulle ambangung balla'. Musti anjorengi ri kemaya ikambe ammantang, sollanna akkulle ammantang tuli anrinni ri tampaka salaku tau annompang.

YEREMIA 35:18

Nampa kukana mae ri sikamma silokoanna Rekhab, angkanaya Batara Kaminang Koasaya, iamintu Allata'alana Israel, akkana kammai anne, “Mannuruki mako mae ri boe-boenu Yonadab; sikontu parentana nuturuki siagang nupajappa ngasemmi.

YEHEZKIEL 22:7

Tena manna sitau battu ri pandudu'nu ampakalompoi tau toana. Nutipui bansa maraeng niaka annompang siagang angngalleko passawallang battu ri kasusaanna jandaya siagang ana' kukanga.

PA'JARIANG 48:12

Nampa naallemo anjo ke'nanga battu ri riwaanna Yakub. Nampa kalenna assu'ju'mi ri dallekanna manggena.

PA'JARIANG 50:12

Kammaminjo nanagaukammo sikamma ana'-ana'na Yakub apa napappasangnganga mae ri ke'nanga.

RUT 3:6

Jari a'lampami Rut ri tampa'na taua anggiling gandung. Anjoreng nagaukammi sikontu anjo apa napassuroanga matoanna.

1 SAMUEL 22:3

Battu anjoreng ri kali'bonga a'lampami Daud mange ri Mizpa ri daera Moab. Nampa nakana ri karaeng pa'rasangang Moab, “Kisarei ising manggena siagang amma'na atanta ammantang ri katte, sa'genna naasseng angkana apa ero'Na Allata'ala mae ri atanta.”