KALAPPASSANG 2:15 - KITTA' MATANGKASA'

^15-16 Ri wattunna nalangngere' karaenga anjo apa kajarianga, a'boyami akkala' untu' ambunoi Musa. Mingka larimi Musa nampa ammantang ri pa'rasangang Midian. Imang battua ri Midian, niarenga Yitro, nia' tuju ana' bainena. Ri se'reang allo, ri wattunna sitabang ammempo Musa ri ampi'na se'reang bungung, battumi anjo tujua ana' tulolonna Yitro untu' anynye'ro' je'ne' siagang ambonei tampa' pangnginungang bembena siagang gimbala'na manggena ke'nanga.

KALAPPASSANG 2:15 Referans Kwoze

IBRANI 11:27

Lanri tappa'na, natamallakamo Musa ri pangngalarroinna karaenga nanabokoi butta Mesir. A'lampami Musa mange ri tampa' lanatujua sangkamma le'ba' angkanaya le'ba'mi nacini' anjo Allata'ala tenaya nakacinikang.

LAMPA-LAMPANA 7:29

Nalangngere'na Musa kananna anjo taua, larimi Musa battu ri Mesir, nampa mange ri pa'rasangang Midian. Anjoremmi anggappa rua ana'.

PA'JARIANG 24:11

Battunamo mange anjoreng, napamantammi anjo sikamma ontaya sollanna ammari-mari ri ampi'na se'reang bungung ri pantaranganna kotaya. Anjo wattua karuemmi, siagang iaminjo wattunna nabattu sikamma tubainea anjoreng ri bungunga untu' angngalle je'ne'.

PA'JARIANG 29:2

Ti'ring nia'mo nacini' se're bungung ri paranga. Na ri ampi'na nia'mo tallung pa'rappungang bembe siagang gimbala', ia biasaya nisare je'ne' inung anjoreng. Anjo bungunga nitongkoki siagang batu lompo.

YOHANES 4:6

Anjoreng nia' se're bungung, niarenga bungung Yakub. Sanna' mangnganna Isa napakamma pa'jappang. Jari assengkami ammempo ri birinna anjo bungunga. Anjo wattua kira-kira tette' sampulo anrua ri alloa.

MATIUS 10:23

Punna nisessako ri se'reang kota, lariko mange ri kota maraenga. Kupauangko angkanaya: Tanula'bangapi numangei sikontu kota-kotaya ri Israel, nania'mo battu poleang Ana' Ma'rupataua.

PANGNGEBARANG 22:3

Tau cara'deka a'lili punna accini' bahaya; tau toloa a'jappa tulusuki nampa nituju ri bala.

KALAPPASSANG 4:19

Ri wattunna nia' ija Musa ri butta Midian, Nakana Batara ri ia, “Ammoterekko mange ri Mesir. Sikontu tau eroka ambunoko mate kabusu'mi.”

PA'JARIANG 25:4

Na sikamma ana'na Midian iamintu: Efa, Efer, Henokh, Abida, siagang Eldaa. Yangaseng ke'nanga turungang battu ri Ketura.

PA'JARIANG 25:2

Anjo bainenna allassukammi ana', ia massing niarenga: Zimran, Yoksan, Medan, Midian, Isybak, siagang Suah.

KALAPPASSANG 18:4

ana' makaruaya niarengi Eliezer, lanri nakanana Musa, “Allata'ala nipakalompoa ri boe-boeku le'ba' antulunga' siagang ampasalamaka' sa'gengku tanibunoa ri karaeng Mesir.”

1 KARAENG-KARAENG 11:18

A'lampai ke'nanga battu ri Midian, nampa mange ri Paran. Anjoreng asse'remi ke'nanga siagang siapa are tau maraengannaya, nampa assiagang ke'nanga a'lampa mange ri Mesir angngagangi assibuntulu' karaeng Mesir. Anjo karaenga nasaremi Hadad balla' siagang tampa' untu' pammantanganna siagang kaparalluang katallassang.

HABAKUK 3:7

Kuciniki ra'ya' Kusyan nibattui ri malla', siagang tu Midian annekkere'.