KALAPPASSANG 19:3 - KITTA' MATANGKASA'

³ siagang nai'mi Musa ri anjo monconga untu' assibuntulu' siagang Allata'ala. A'bicarami Batara mae ri Musa battu ri anjo monconga siagang Nasuromi ampa'la'bangi napau mae ri tu Israel, jari-jarina Yakub, angkana,

KALAPPASSANG 19:3 Referans Kwoze

KALAPPASSANG 3:4

Naciniki Batara a'reppese' Musa ri anjo tampaka. Jari ammarrammi battu lalang ri tangnga-tangngana anjo rompoka angkana, “Musa, Musa!” Appialimi Musa angkana, “Niaka' anrinni, Batara!”

LAMPA-LAMPANA 7:38

Musa tommi niaka ri tangnga-tangngana bansa Israel ri parang kassika, a'jaria tetena malaeka' naaganga a'bicara ri Bulu' Sinai siagang boe-boeta. Iami antarimayai battu ri Allata'ala kabara' katallassanga eroka nipabattu mae ri katte.

KALAPPASSANG 20:21

Mingka tuli battu bellana ngaseng anjo taua ammenteng, siagang Musa ji bawang anreppesi anjo rammang sassanga ri tampa' kahaderanNa Allata'ala.

KALAPPASSANG 34:2

Apparuruko ammuko bari'basa' untu' nai' ri Moncong Sinai nunampa andallekang ri Nakke rate ri coppo'na anjo monconga.

KALAPPASSANG 3:12

Appialimi Allata'ala angkana, “INakke lantulungko. Napunna nuerammo assulu' anjo bansaya battu ri Mesir, lanugaukang ngasemmi ibadaya mae ri Nakke ri anne monconga. Iaminjo a'jari butti angkana iNakke assuroko.”

KAIMANGNGANG 1:1

Battu ri KemaNa, Nakioki Batara anjo Musa nampa Nasare paratorang-paratorang,

KALAPPASSANG 19:20

Naungi Batara ri coppo'na Moncong Sinai, siagang Nakio'mi Musa sollanna nai' ri coppo'na anjo monconga. Jari angngambi'mi Musa,

KALAPPASSANG 24:12

Nampa Nakanamo Batara ri Musa, “Battuko mae ri Nakke irate ri monconga. Anjoreng laKusareko rua batu Kupannulisia sikontu hukkungKu. Anjo sikontu hukkunga Kupassareangi untu' a'jari pangngajarang mae ri anjo bansaya.”

KALAPPASSANG 24:13

Nampa sadiamo Musa siagang pambantuna iamintu Yosua untu' nai' ri anjo moncong pammantanganNa Batara.

KALAPPASSANG 34:4

Nampa appare'mo pole Musa ruang la'ba' batu nipa'. Ammukona ri bari'basa' dudua naerammi nai' ri Moncong Sinai situru' apa Naparentakanga Batara mae ri ia.