KALAPPASSANG 19:21 - KITTA' MATANGKASA'

²¹ nampa Nakanamo Batara ri ia, “Naungko nampa nupakainga' ngaseng anjo taua angkanaya takkulleai ke'nanga allaloi anjo pa'baeng-baenga untu' battu mae ancinikKa'. Punna nadakkai ke'nanga anne parentaya, jai ri ke'nanga lamate.

KALAPPASSANG 19:21 Referans Kwoze

1 SAMUEL 6:19

Mingka lanri attoa'na siapa are tau ri Bet-Semes antama' ri anjo Patti Parjanjianga, nia'mo tujupulo tau ri ke'nanga mate nibuno ri Batara. Nampa natujumo susa ke'nanga nasaba' nipitujui ke'nanga ri Batara bala lompo.

KALAPPASSANG 3:5

Nakanamo Allata'ala, “Teako a'reppesi. Sungkei pa'lapa' bangkennu, lanri niakko ammenteng ri butta matangkasaka.

KATO'BA 5:1

Appikkirikko rolong nunampa a'bicara, siagang teako linta' dudu a'janji mae ri Allata'ala. Ia niaki ri suruga nampa ikau niakko ri buttaya. Jari tutuko ri kana-kanannu.

KALAPPASSANG 33:20

Tena nalaKupappicinikang rupangKu mae ri kau, lanri inai-nai anciniki rupangKu tena olona lakkulle tuli attallasa'.

KALAPPASSANG 3:3

Nakanamo pikkiranna Musa, “Heba'na! Tena nakkanre anjo rompoka. Erokka' ambani-bani mange anciniki.”

PAOLE 5:5

Mingka lanri mallakko ri pepeka siagang tena nubarani angngambi' ri monconga, jari anjo wattua ammentenga' ri alla'nu siagang Batara untu' ampabattui kananNa Batara mae ri kau ngaseng.

PAMMILANGNGANG 4:15

Nakana Batara mae ri Musa siagang Harun, “Ri wattunna nubongkara' pakkemaanga, Harun siagang ana'na musti antamaki ri KemaKu na narangka' ngaseng sikontu barang-baranga siagang pakkakasa' niaka anjoreng. Nampami punna le'baki anjo, akkullemi tu Kehat battu untu' ambuleki. Mingka takkulleai ke'nanga anciniki, anreppesi yareka anseroi anjo barang-baranga, lanri le'ba'namo nisa'la' anjo barang-baranga untu' iNakke. Punna nagaukangi ke'nanga anjo kammaya, mattantu matei ke'nanga. Jari, sollanna natena nacappu' anjo tu Kehat battu ri suku Lewi, Harun siagang ana'-ana'na musti ansarei tugasa' ke'nanga angkanaya apa massing naerang anjo ke'nanga. Iaminjo tugasa'na tu Kehat ri wattunna nipalette' KemaKu. Eleazar, ana'na Harun tanggong jawa' mae ri sikontu KemaKu, minynya' lampua, dupaya, koro'bang gandung tuli nipatalaya, minynya' upacara siagang sikontu apa niaka ilalang ri anjo KemaKu.”