KALAPPASSANG 19:18 - KITTA' MATANGKASA'

¹⁸ Sikontu anjo Moncong Sinai katongkokangi ri umbu, lanri naunna Batara ri tompo'na lalang pepe'. A'rumbumi nai' anjo umbua rapang umbu battua ri pattunuang, siagang ta'goccang sanna'mi sikontu monconga.

KALAPPASSANG 19:18 Referans Kwoze

HAKING-HAKING 5:5

Ta'ge'goso'mi moncong-monconga ri dallekanNa makoasaya ri Sinai Ri dallekanNa Batara, Allata'alana Israel.

PAMMUJI 144:5

O, Batara, Kisungkei langitTa siagang naung maKi', Kisentoki moncong-monconga sollanna a'rumbu.

PAPPICINI' 15:8

Jari rassimi Balla'Na Allata'ala siagang umbu kala'biranNa siagang kakoasanNa Allata'ala. Siagang ilalang tenanapa nacappu' anjo tujua bala, iamintu bala naeranga anjo tujua malaeka', tena manna sitau akkulle antama' ri Balla'Na Allata'ala.

KALAPPASSANG 3:2

Anjoreng nia'mi malaeka'Na Batara ampappicinikangi KalenNa mae ri Musa, lalang pepe' a'rinraya assulu' battu ri tangnga-tangngana rompoka. Naciniki Musa a'rinra anjo rompoka, mingka tena nakkanre.

YEREMIA 4:24

Kuciniki monconga siagang bulu'-bulu' tinggia teai sipato' batena ta'goccang.

PA'JARIANG 19:28

Accini'mi mae ri Sodom siagang Gomora kammayatompa ri sikontu lapparaka, nanacini'mo umbua nai' battu ri anjo tampaka, sangkamma umbu battu ri pappalluang sannaka lompona.

PAMMUJI 104:32

Naciniki buttaya na'jari annekkere'mo buttaya, nasentoki moncong-monconga, sa'genna assulu' umbunna.

PAOLE 33:2

“Niaki Batara battu ri Moncong Sinai; ammumba ri tompo'na Edom rapang allo. Battu ri Moncong Parangi ammumba untu' ansingari bansaNa. Nirurungang ri sampulo sa'bu malaeka'; a'rinra pepeka ri sa'ri kananNa kamma kila'.

PAOLE 5:22

Iaminjo parenta-parenta Napassareanga Batara mae ri kau ngaseng ri wattunnu asse're ri monconga. Ri wattunna a'bicara kamma sa'ra gamarrung battu lalang ri pepeka siagang rammang kapalaka, Napassareangi anjo parenta-parentaNa. Tena maraeng Napassareang. Nampa Natulisi' lalang ri rua batu na Napassareang mae ri nakke.”

IBRANI 12:26

Anjo wattua nipata'bangkai linoa ri sa'ranNa. Mingka kamma-kamma anne a'janjimi pole Nakana, “LaKupata'bangka iji sikalipi pole, teai linoa bawang, mingka langika pole.”

YESAYA 6:4

Annekereki dapara'na ballaka napakamma sa'ranna ke'nanga, siagang rassimi umbu anjo Balla'Na Batara ri Yerusalem.

PA'JARIANG 15:17

Ri wattunna bangngimo, ti'ring nia'mo ammumba pappalluang a'rumbu siagang sulo a'rinra, nampa numalo ri alla'na anjo dageng-dageng le'baka nipue.

2 PETRUS 3:10

Mingka lasanrapangi palukka' kabattuanna anjo Allo kabattuanNa Batara. Anjo Alloa lassa'ra lompoi gunturuka nalanynya' langika; sikamma apa-apa niaka ri langika lala'busuki nakanre pepe'. Kammayatompa lalanynyaki buttaya siagang sikontu apa-apa niaka lalang.

IBRANI 12:18

Tena nasangkamma apa-apa nudallekanga siagang apa-apa nadallekanga bansa Israel riolo. Nasaba' ia ke'nanga andallekangi apa akkullea nita'gala', iamintu Bulu' Sinai siagang pepe'na a'rinra-rinraya; andallekangi ke'nanga sassang makkappu' siagang anging lompo;

2 TESALONIKA 1:8

kammayatompa pepe' a'rinra-rinraya. Manaungi untu' anghukkungi tau tenaya naero' anjampangi Allata'ala, siagang tau tenaya naero' mappilangngeri ri Kabara' Bajika ri passala'na Isa Almasi Batarata.

MATIUS 24:7

Bansa se'rea la'bunduki siagang bansa maraenga, siagang se'rea pa'rasangang lanabakkai pa'rasangang maraenga. Ri kere-keremae lakajariangi bala kacipuranga siagang lata'ge'gosoki linoa.

ZAKHARIA 14:5

Lalariko allalo ri anjo lappara' ka'bung ambage ruayai anjo buluka. Lalariko sangkamma boe-boenu ri wattunna ta'ge'goso' buttaya ri wattu ammarentana Uzia, iamintu karaenna Yehuda. Nampa battu Karaeng Allata'alaku, nirurungang ri sikontu malaekaka.

PAMMUJI 114:7

He butta, annekkerekko ri dallekanNa Batara, ri dallekanNa Allata'alana Yakub,

PAMMUJI 77:18

Rammanga appaturungi bosi, a'gamarrungi gunturuka; akkilaki kilaka ri kere-keremae.

KALAPPASSANG 20:18

Ri wattunna nalangngere' taua gunturuka siagang sa'ra tarompeka, kammayatompa nacini'na kilaka siagang a'rumbu monconga, annekkere'mi ke'nanga napakamma malla', siagang ammenteng battu bellami ke'nanga.

KALAPPASSANG 19:13

anjo taua musti nisambilai batu yareka nipanai', siagang takkulleai nisero. Anne kammaya tattujui baji' mae ri rupataua kammayatompa olo'-oloka; sikontu apa allaloiyai anjo pa'baeng-baenga musti nihukkung matei. Ri wattu kalangngeranna sa'ra la'buna tarompeka anjo taua musti angngambiki ri monconga.”

2 TESALONIKA 1:7

Na untu' ikau angkasiakai pa'risika ri kamma-kammaya anne – kammayatompa ri kambe – laNasareki' kasalewangang Allata'ala, punna battu sallang Batara Isa, manaunga battu ri suruga ampa'nyatai KalenNa siagang malaeka'-malaeka' lompoNa

PAPPICINI' 9:2

Jari nasungkemi anjo bintoenga anjo tubiri'na kamateanga; na nia'mo umbu assulu' battu ri anjo tubiri' tassungkea, sangkamma umbunna bara kayu lompoa. A'jari sassammi mataalloa siagang linoa napakamma anjo umbu battua ri tubirika.

PA'JARIANG 11:5

Nanaummo Batara untu' anciniki anjo kotaya siagang menara nabangunga rupataua.

KALAPPASSANG 19:17

Nierammi ke'nanga ri Musa assulu' untu' assibuntulu' siagang Allata'ala, nampa ammenteng ke'nanga ri bangkenna anjo monconga.

KALAPPASSANG 34:2

Apparuruko ammuko bari'basa' untu' nai' ri Moncong Sinai nunampa andallekang ri Nakke rate ri coppo'na anjo monconga.

PAOLE 5:4

Battu lalang ri pepeka irate ri anjo monconga ero' Batara a'bicara KalenNa siagang ikau ngaseng.

YESAYA 64:1

Kikekke'mi langika nampa naung maKi', o Batara, Kipa'goccammi sikamma monconga ri dallekanTa,

PAOLE 4:36

Battu rate ri langika Napappilangngerang sa'ranNa mae ri kau untu' angngajarakko; ri anne linoa Napappicinikammi mae ri kau pepe' malompoNa, siagang battu lalangi ri anjo pepeka a'bicara mae ri kau.

NEHEMIA 9:13

Kipaturung battu ri langi' mae ri tompo'na Moncong Sinai, Kinampa a'bicara siagang umma' kalenTa. Kisarei hukkung, atorang siagang parenta adeleka, tojenga siagang a'matu-matua.

PAMMUJI 18:9

Tassappuru'mi umbua battu ri so'bolo' ka'murunNa, assulu'mi pepeka siagang bara pepeka battu ri bawaNa.

PAMMUJI 68:9

annekkereki linoa, tattumpai bosia ri dallekanTa, lanri battuna Allata'alana Sinai, Allata'alana Israel.

PAMMUJI 77:19

A'gamarrungi gunturuka, akkilaki kilaka, ta'goccangi siagang annekkereki buttaya.

PAMMUJI 114:4

A'lumpa'-lumpaki monconga sanrapang bembe, ammondo'-mondoki bulu'-buluka sanrapang ana' gimbala'.

HABAKUK 3:6

Punna ammantangKi', amme'bereki buttaya; punna anjanjangKi', gegereki bansaya napakamma malla'. Moncong-moncong salloa reppe'-reppe' kabusuki; bulu'-bulu' salloa a'jari lappara' todong, anjoremmi anjo ri bulu'-buluka Kioloa a'jappa baku' riolo dudu.