KALAPPASSANG 19:12 - KITTA' MATANGKASA'

¹² Apparekko pammatei ri tammulilina anne monconga a'jari pa'baeng-baeng tenaya nakkulle nalaloi anjo bansaya. Pisangkai anjo bansaya angngambi' ri monconga, ba'lalo takkulleai ke'nanga a'reppese'. Inai-nai allaloi pa'baeng-baenna, lanihukkung matei;

KALAPPASSANG 19:12 Referans Kwoze

YOSUA 3:4

mingka teako ambani dudui ri anjo Pattia a'jappa; pinawangi battu ri boko kira-kira se're kilometere' bellana. Jari kammaminjo nalanuasseng agang kereanga musti nuolo, nasaba' tena le'bakapi nuolo anne daeraya.”

PAOLE 4:9

Parhatikangi siagang u'rangi baji'-baji', sollanna tena nanukaluppai apa le'baka nucini' kalennu lalang tallasa'nu. Caritai mae ri ana' cucunnu

PAOLE 2:4

Nampa Nasuroa' Batara ampauangko anne pangngunju' kammaya, ‘Tenamo nanusallo na nupantamakkimo pa'rasangang Edom, daerana sikamma sari'battannu, jari-jarina Esau. Lamallaki ke'nanga mae ri kau,

KALAPPASSANG 34:12

Teako appareki parjanjiang siagang sikamma tau niaka anjoreng ri pa'rasangang nubattuia, nasaba' anjo kammaya akkullei a'jari sikko' angngerangako mae ri kamateanga.

KALAPPASSANG 19:23

Nakanamo Musa ri Batara, “Takkulleai nai' anjo taua, saba' le'baki Kiparentakang mae ri kambe sollanna nicini' matangkasa' anne monconga siagang musti niparhatikangi pa'baeng-baeng niaka ri tammulilina.”

KALAPPASSANG 19:21

nampa Nakanamo Batara ri ia, “Naungko nampa nupakainga' ngaseng anjo taua angkanaya takkulleai ke'nanga allaloi anjo pa'baeng-baenga untu' battu mae ancinikKa'. Punna nadakkai ke'nanga anne parentaya, jai ri ke'nanga lamate.

KALAPPASSANG 10:28

Nakana karaenga ri Musa, “Bellako ri dallekangku! Teama' anciniki tanja'nu! Punna kuciniki pole tanja'nu, tena tamatenu!”

IBRANI 12:18

Tena nasangkamma apa-apa nudallekanga siagang apa-apa nadallekanga bansa Israel riolo. Nasaba' ia ke'nanga andallekangi apa akkullea nita'gala', iamintu Bulu' Sinai siagang pepe'na a'rinra-rinraya; andallekangi ke'nanga sassang makkappu' siagang anging lompo;

KALAPPASSANG 34:3

Tena manna sitau akkulle amminawang ri kau yareka nia' mange anjoreng ri anjo monconga. Sikamma sapia siagang gimbalaka teako lappassangngi a'ruku' ri bangkenna anjo monconga.”

KALAPPASSANG 24:2

Ikauji bawang kalennu akkulle battu a'reppese' mae ri Nakke. Maraenganga takkulleai battu a'reppese', siagang ba'lalo ra'yaka takkulleai angngambi' ri anne monconga.”