KALAPPASSANG 19:11 - KITTA' MATANGKASA'

¹¹ Ammembara' musti sadia ngasemmi ke'nanga. Ri anjo alloa lanaungA' ri coppo'na Moncong Sinai, tampa' akkullea nacini' ngasengA' taua.

KALAPPASSANG 19:11 Referans Kwoze

KALAPPASSANG 19:16

Ri makatalluna alloa, ri bari'basa'na, battumi gunturuka siagang kilaka. Nia'mo ammumba rammang kapala' rate ri monconga siagang nia'mo kalangngerang sa'ra tarompe' sannaka lompona sa'ranna. Annekkere' ngasemmi sikontu taua ri kemaya napakamma malla'.

PAOLE 33:2

“Niaki Batara battu ri Moncong Sinai; ammumba ri tompo'na Edom rapang allo. Battu ri Moncong Parangi ammumba untu' ansingari bansaNa. Nirurungang ri sampulo sa'bu malaeka'; a'rinra pepeka ri sa'ri kananNa kamma kila'.

KALAPPASSANG 34:5

Na naummo Batara lalang ri rammanga; ammentengi siagang Musa ri anjo tampaka, nampa Napau areng matangkasa'Na, iamintu Batara.

YOHANES 6:38

Nasaba' naKunaung battu ri suruga, teai ero' KalengKu laKugaukang, passangalinna ero'Na Ia assuroA' battu, iamintu ManggeKu.

YOHANES 3:13

Tenanniakka tau le'ba' nai' ri suruga, pantaranganna Ia manurunga antama' ri linoa, iamintu Ana' Ma'rupataua.

PAMMUJI 144:5

O, Batara, Kisungkei langitTa siagang naung maKi', Kisentoki moncong-monconga sollanna a'rumbu.

PAMMUJI 18:9

Tassappuru'mi umbua battu ri so'bolo' ka'murunNa, assulu'mi pepeka siagang bara pepeka battu ri bawaNa.

PAMMILANGNGANG 11:17

LanaungA' siagang la'bicara siagang ikau anjoreng ri tampaka, nampa anjo koasa Kupassareanga ri kau, laKupassareangi sipa'gang mae ri ke'nanga. Jari akkullei ke'nanga ambantuko ampisangi tanggong jawaka mae ri anne bansaya, sa'genna tenamo nakale-kalennu ampisangi.

KALAPPASSANG 19:20

Naungi Batara ri coppo'na Moncong Sinai, siagang Nakio'mi Musa sollanna nai' ri coppo'na anjo monconga. Jari angngambi'mi Musa,

KALAPPASSANG 19:18

Sikontu anjo Moncong Sinai katongkokangi ri umbu, lanri naunna Batara ri tompo'na lalang pepe'. A'rumbumi nai' anjo umbua rapang umbu battua ri pattunuang, siagang ta'goccang sanna'mi sikontu monconga.

KALAPPASSANG 3:8

Lanri kammana anjo, erokKa' naung untu' allappassangi ke'nanga battu ri limanna tu Mesirka, nampa Kuerang ke'nanga assulu' battu ri anjo pa'rasanganga naKuerang mange ri pa'rasangang luaraka. Buttana coppongi siagang akkalumanynyangi. Kamma-kamma anne anjo pa'rasanganga napammantangi bansa Kanaan, bansa Het, Amori, Feris, Hewi siagang Yebus.

PA'JARIANG 11:5

Nanaummo Batara untu' anciniki anjo kotaya siagang menara nabangunga rupataua.

KALAPPASSANG 34:2

Apparuruko ammuko bari'basa' untu' nai' ri Moncong Sinai nunampa andallekang ri Nakke rate ri coppo'na anjo monconga.

YOSUA 3:5

Nakana Yosua mae ri umma' Israel, “Parallui nupakatangkasa' kalennu, nasaba' ammuko nia' gau' appakalannasa' laNagaukang Batara ri tangnga-tangnganu.”

NEHEMIA 9:13

Kipaturung battu ri langi' mae ri tompo'na Moncong Sinai, Kinampa a'bicara siagang umma' kalenTa. Kisarei hukkung, atorang siagang parenta adeleka, tojenga siagang a'matu-matua.

KALAPPASSANG 24:16

Naummi caya kahaderanNa Batara irate ri anjo monconga na nacini' tu Israel rapang pepe' a'rinra rate ri coppo'na monconga. Annang allo sallona rammanga antongkoki anjo monconga; na ri allo makatujua Nakio'mi Batara anjo Musa battu ri anjo rammanga.

PAOLE 4:10

ri passala'na anjo alloa, ri wattu ammentennu ri dallekanNa Karaeng Allata'alanu ri Moncong Sinai. Anjo wattua Nakana Batara ri nakke, ‘Passe'rei anjo bansaya, sollanna appilajara' ke'nanga mannuruki mae ri Nakke lalang sikontu tallasa'na, kammayatompa sollanna naajara' ana'-ana'na ke'nanga mannuruki mae ri Nakke.’