KALAPPASSANG 18:27 - KITTA' MATANGKASA'

²⁷ Nampa nalappassammo Musa a'lampa Yitro ammotere' mange ri pa'rasanganna.

KALAPPASSANG 18:27 Referans Kwoze

HAKING-HAKING 19:9

Nampa, ri wattu ero'namo a'lampa anjo tu Lewia siagang baine piarana kammayatompa surona, nakanamo anjo manggea, “Sa'ra'mi alloa, tasalloami nasassang. Bajikangngang a'bangngi mako anrinni nuassannang-sannang. Ammukopi numbangung bari'basa' nunampa a'lampa ammotere'.”

PA'JARIANG 31:55

Ammukona bari'basa', lassibokoinna ke'nanga, nabaumi Laban cucunna, nabarakkaki ke'nanga, nampa ammotere' mange ri tampa' pammantanganna.

PA'JARIANG 24:59

Jari napa'biammi ke'nanga Ribka siagang tutoa baine biasaya amparakai untu' a'lampa siagang surona Abraham kammayatompa siagang ngaseng taunna anjo suroa. Nampa nabarakkakimo ke'nanga Ribka, siagang kana-kana kammaya anne, “Ikau Ribka, poro a'jariko anrong ri a'juta-jutaya tau! Poro turungannu akkullei nabeta kota-kotana musunna!”

RUT 1:7

A'lampami ke'nanga a'rurung ammotere' mange ri Yehuda. Ri tangngana aganga,