KALAPPASSANG 18:12 - KITTA' MATANGKASA'

¹² Nampa angngerang Yitro siapa are koro'bang nitunu siagang koro'bang nipolong, a'jari passare mae ri Allata'ala. Battumi Harun siagang sikontu pamimpinna bansa Israel na sipangnganreang siagang Yitro lalang kahaderanNa Allata'ala.

KALAPPASSANG 18:12 Referans Kwoze

PAOLE 12:7

Anjoreng tommi, ri dallekanNa Karaeng Allata'alanu, ikau ngaseng siagang sikamma kaluarganu musti angnganre siagang a'rannu-rannu lanri nugappana wassele' usahanu lanri nibarakkakinna ri Karaeng Allata'alanu.

PA'JARIANG 31:54

Anynyamballemi sikayu olo'-olo' nampa napassareang a'jari koro'bang irate ri anjo buluka. Nampa naundammo sikamma taunna untu' angnganre assama-sama. Le'baki angnganre, a'bangngimi ke'nanga irate ri anjo buluka.

KALAPPASSANG 24:11

Sikamma anjo pamimpinna tu Israel nacini'mi Allata'ala; mingka manna nakamma tenaja nanipanraki ke'nanga. Le'baki anjo angnganremi siagang angnginummi ke'nanga.

KALAPPASSANG 24:5

Nampa nasuro Musa siapa are tau rungka, siagang assaremi ke'nanga koro'bang nitunu untu' Batara; kammayatompa ammolommi ke'nanga siapa are sapi untu' a'jari koro'bang passiamakkang.

1 KORINTUS 10:31

Apa-apa mamo nugaukang – angnganreko yareka angnginungko – gaukammi anjo untu' ampakala'biriki Allata'ala.

1 KORINTUS 10:21

Takkulleako angnginung battu ri pangnginungang anggoro'Na Batara, nampa angnginung tongko battu ri pangnginungang anggoro'na setanga. Takkulleako angnganre ri mejanNa Batara, nampa angnganre tongko ri mejanna setanga.

1 KORINTUS 10:18

Alle sai parhatikang tu Yahudia. Nakanrei ke'nanga anjo kanre nipassareanga mae ri barhalaya irate ri pammantangang koro'banga; jari a'jari se'remi ke'nanga siagang anjo tampa' koro'banga.

LUKAS 14:15

Ri wattunna nalangngere' tau naaganga sipangnganreang akkana kamma Isa, nia'mo kalase'renna ke'nanga angkana, “Upa' sikali tau sipangnganreanga Allata'ala punna battu sallang salaku Karaeng!”

LUKAS 14:1

Ri se'reang allo Pammari-mariang, a'lampai Isa angnganre ri balla'na se'reang tu Farisi. BattuNa Isa mange anjoreng, nicini'-ciniki tojemmi ri taua.

DANIEL 10:3

Lalang anjo sikammaya sallona tena nakungnganre kanre nyamang siagang dageng; tena kungnginung anggoro', siagang tena todong kujangkai uukku.

AYUB 42:11

Sikontu daenna siagang sari'battang bainena Ayub, sikontu passiassengang sallona, battumi angkunjungi, nampa assua'-suara' siagang ia ri balla'na. Massing napaumi ke'nanga angkana turu' tongi susa ke'nanga lanri sikontu susa le'baka Napabattu Batara mae ri kalenna, nampa nasaleori Ayub. Massing assaremi ke'nanga ri Ayub siapa are jaina doe' siagang tasse'rena cincing bulaeng.

AYUB 42:8

Jari, angngalleko kamma-kamma anne tuju kayunna sapi laki siagang tuju kayunna bembe laki, nampa a'lampako mange ri Ayub. Passareang ngasengi anjo sikammaya, a'jari koro'bang untu' kalennu. Lappala' doangi Ayub untu' ikau ngaseng, nampa laKupilangngeri pappala' doanna. Tena nalaKupakasirikko, manna nusiratang annarima hukkungang. Teai kammatojenga nupau ri passala'na KalengKu, mingka Ayub napaui kammatojenga.”

AYUB 1:5

Punna le'ba' anjo massing pa'gaukanga, tuli ambangung bari'basaki Ayub nampa assare koro'bang untu' tungga'-tunggala' ana'na sollanna nipammopporang ke'nanga ri Batara. Saba' nakana pikkiranna Ayub, gassingka dorakami anjo ana'-ana'na siagang nahinai Allata'ala natanaassenga kalenna.

2 PATTOTTORANG 30:22

Teai sipato' cara'de'na anjo tu Lewia ampimpingi anjo panynyombanga mae ri Batara, sa'genna nipalece ke'nanga ri Hizkia. Le'baki tuju allo sallona ke'nanga angkasiaki kanre-kanreang battua ri anjo passua'-suarranga kammayatompa ampassareangi koro'banga untu' appala' sukkuru' mae ri Batara, Allata'alana boe-boena ke'nanga,

2 SAMUEL 9:7

Angkanami Daud, “Teako mallakki. Lalammoro' pa'maika' mae ri kau lanri Yonatan manggenu. Sikontu buttana toanu iamintu Saul, lakupoterangi mae ri kau siagang akkulleko angnganre ri balla' kakaraenganga satunggu-tungguna.”

PAOLE 27:7

Passareang tongi koro'bang passiamakkannu siagang kanremi anjoreng kammayatompa a'rannu-rannu mako ri dallekanNa Karaeng Allata'alanu.

KALAPPASSANG 2:20

Akkuta'nammi Yitro ri ana'-ana'na angkana, “Kemaemi anjo taua kamma-kamma anne? Angngapa nanubokoi anjo taua? Mangeko angkioki nakiangnganre siagang.”

PA'JARIANG 43:25

Le'baki anjo napasadiami ke'nanga hadia naeranga ke'nanga untu' napassareang mae ri Yusuf punna nia' battu ri wattu tangngana alloa. Nasaba' le'ba'mi nipauang ke'nanga angkana lasipangnganreangi ke'nanga siagang Yusuf.

PA'JARIANG 26:25

Nampa ambangummo Ishak se're tampa' pakkoro'bangngang untu' anynyomba ri Batara ri anjo tampaka. Akkemami anjoreng siagang sikamma surona, siagang angngekemi pole bungung maraeng.

PA'JARIANG 12:7

Napappicinikammi KalenNa Batara mae ri Abram na Nakana ri ia, “Iaminne pa'rasangang laKupassareanga mae ri sossorannu.” Nampa ambangummo Abram se're tampa' pakkoro'bangngang anjoreng untu' Batara, ia le'baka ampappicinikangi KalenNa mae ri ia.

PA'JARIANG 8:20

Appaentemmi Nuh se're tampa' pakkoro'bangngang ri Batara. Nampa angngallemi tassikayu-kayunna massing tassirupaya jangang-jangang siagang olo'-olo' maraengannaya ia hallalaka, nampa napassareang a'jari koro'bang nitunua irate ri anjo tampa' pakkoro'bangnganga.

PA'JARIANG 4:4

Na naalle tommo Habel kalase'renna ana' gimbala' bungasa'na, nanasamballe, nampa nakoro'bangkang bageang kaminang bajika mange ri Batara. Sannammi nyawaNa Batara mae ri Habel siagang anjo koro'bang napassareanga.

KALAPPASSANG 3:1

Anjo wattua nakalawaki Musa sikamma gimbala'na siagang bembena Yitro, iamintu matoanna, imanga ri butta Midian. Ri wattunna naemba anjo olo'-olo' piaraya anta'leang ri parang lompoa, battumi mange ri Moncong Sinai, iamintu moncong matangkasaka.

KALAPPASSANG 18:13

Ammukona bari'basa' naadelimi Musa siapa are passisala-salang niaka ri tu Israel. Anjo jama-jamang kammaya angngallei wattu appakkaramula battu ri bari'basa' sa'genna bangngi.

KALAPPASSANG 20:24

Apparekko untu' iNakke se're tampa' pakkoro'bangngang battu ri butta, nampa assare mako anjoreng gimbala' siagang sapi untu' koro'bang tunuang siagang koro'bang untu' passiamakkang. Ri tunggala' tampa' Kupattantua mae ri kau untu' a'jari tampa' ibadanu mae ri Nakke, labattuA' mae ri kau siagang laKubarakkakiko.

KALAPPASSANG 33:7

Kere-kere wattu, punna akkema bansa Israel, angngallei Musa Kema nampa nabangung bella-bella sike'de' battu ri kemana ke'nanga. Anjo kemaya niarengi KemaNa Batara, nampa inai-inai ero' appala' pappasaile battu ri Batara, musti mangei anjoreng.

PAMMILANGNGANG 10:29

Nakanamo Musa mae ri ipara'na, iamintu Hobab ana'na Rehuel tu Midian, “La'lampai ikambe mange ri tampa' nakanaya laNapassareangi Batara mae ri kambe. Le'ba'mi Napa'janjiang Batara apa bajika mae ri tu Israel. Jari amminawang mako, tena tanigau' baji'nu ri kambe.”

PA'JARIANG 26:30

Nampa natoanamo Ishak anjo ke'nanga, siagang angnganremi nangnginung ke'nanga.