KALAPPASSANG 17:6 - KITTA' MATANGKASA'

⁶ LammentengA' ri dallekannu irate ri se'reang batu lompo ri Moncong Sinai. Tunrungi anjo batua, nampa lassulu' je'neka battu ri anjo batua sollanna akkulle anjo taua angnginung.” Nagaukammi Musa anjo kammaya nisa'bi ri sikamma pamimpinna tu Israel.

KALAPPASSANG 17:6 Referans Kwoze

1 KORINTUS 10:4

siagang para angnginummi ke'nanga je'ne' inung rohani sangkammaya. Angnginung ngasemmi ke'nanga battu ri je'ne' assuluka ri bulu' batu rohani niaka anrurungangi ke'nanga; anjo bulu' batua iamintu KalenNa Almasi.

NEHEMIA 9:15

Ri wattu cipuru' siagang kurang kanre, Kipaturungi rotia battu rate ri langi'. Battu ri batu terasa', kassa' siagang jarre' Kipasolong sarring je'neka untu' passau turere. Kisuroi ke'nanga angngempoi buttaya ia le'baka Kipa'janjiang ri ia lalang sumpa.

PAOLE 8:15

Napimpingko Batara ammalo ri parang lompoa siagang hebaka, jaia ulara' a'racung siagang olo'-olo' akkullea ammuno. Ri butta kalotoroka tenaya je'ne'na Napassolongi je'neka battu lalang ri batua, sollannu akkulle angnginung sa'gennu bassoro'.

PAMMUJI 105:41

Nareppeki moncong batua, nampa assulu' je'neka assolong sangkamma je'ne' ri parang lompoa.

YOHANES 4:10

Appialimi Isa Nakana, “Ka'de' nanuasseng passareNa Allata'ala, siagang nanuasseng todong angkana inai appalaka je'ne' ri kau, mattantu ikau kalennu lappala' je'ne ri Ia, na Nasareko je'ne' katallassanga.”

PAMMUJI 114:8

ampinrayai batu karanga a'jari kollang je'ne', siagang moncong batua a'jari timbuseng je'ne'.

PAMMUJI 46:4

manna na'jallo' tamparanga siagang bombang lompo, nannekkere' bulu'-buluka natunrung.

PAMMUJI 78:20

Memang Natunrungi moncong batu kassaka, sa'genna assolong sarring je'neka. Mingka maka lakkulle tongi Napasadiang roti siagang Nasare dageng umma'Na?”

PAPPICINI' 22:17

Nakanamo RohNa Allata'ala siagang Bunting Bainea, “Mae mako!” Sikamma allangngerekai musti angkana tongi, “Mae mako!” Inai-nai turere, battu mako mae! Siagang inai-nai ero' mae mako angngalle cuma-cuma je'ne' katallassang!

YOHANES 4:14

Mingka inai-nai angnginungi je'ne' Kupassareanga, tenamo nalaturere sa'genna satunggu-tungguna. Nasaba' anjo je'ne' laKupassareanga la'jarimi timbuseng je'ne' lalang ri kalenna, tassolonga assulu' na napassareang katallassang satunggu-tunggua.”

YESAYA 48:21

Wattunna Narurungang ke'nanga allalo ri parang kalotoroka, tena nasessa ke'nanga napakamma turere. Napuei Batara moncong batua nampa appasolong je'ne' battu ri batuai Napassulukang je'ne' ke'nanga.

KALAPPASSANG 16:10

Lalang a'bicarana Harun mae ri yangasenna ke'nanga, accini'mi ke'nanga mae ri parang lompoa na ti'ring nacini'mi ke'nanga cayaNa Batara lalang ri rammanga.

KALAPPASSANG 14:16

Angkaki takkannu nanupajonjo ri tompo'na tamparanga. Na lata'bage rua anjo je'neka sa'genna akkulle a'limbang tu Israel, a'jappa irawa ri dapara'na tamparanga, ia kalotoroka.

PAMMILANGNGANG 20:8

“Allei takkang niaka ri dallekanna Patti Parjanjianga, nampa ikau siagang Harun musti nupasse'rei sikontu ummaka. Ri dallekanna ngaseng ke'nanga, musti akkanako mae ri bulu' batu niaka anjoreng sollanna appasulu' je'ne'. Kammaminjo batenu ampasuluki je'neka battu lalang ri anjo bulu' batua sollanna akkulle angnginung ra'yaka siagang olo'-olo' piarana ke'nanga.”

PAOLE 1:2

Punna battu ri Moncong Sinai sa'genna mange ri Kades-Barnea ammalo ri daera monconna Edom, sampulo asse're allonna nijappai.)

PAMMUJI 74:15

Kipa'lo'loroki je'ne' timbusenga siagang je'ne' binangaya; binanga lompoa Kipa'jari kalotoroki.

PAMMUJI 78:18

Nakunjungimi ke'nanga naso'ri Allata'ala, appala' kanre nakaerokia ke'nanga.

PAMMUJI 81:7

“Le'ba'mi Kualle erangnganga ri salanggannu, naKulappassang karanjeng pisangngang niaka ri limannu.