KALAPPASSANG 17:15 - KITTA' MATANGKASA'

¹⁵ Nampa appaentemmo Musa se're tampa' pakkoro'bangngang na naareng “Batarami Banderaku”.

KALAPPASSANG 17:15 Referans Kwoze

PA'JARIANG 22:14

Naaremmi Abraham anjo tampaka “Napasadiai Batara apa niparalluanga.” Na sa'genna kamma-kamma anne tuli nakanana taua “Irate ri bulu'Na Napasadiai Batara apa niparalluanga”.

HAKING-HAKING 6:24

Appare'mi Gideon se're tampa' pakkoro'bangngang anjoreng, nampa naareng “Batara Kabattuanna Kasalamakkanga.” Anjo tampa' pakkoro'bangnganga nia' iji ri Ofra, iamintu ri kotana tu Abiezer.

PAMMUJI 60:4

Kigoccangi linoa sa'genna a'jari te'ngere'; Kipakabajiki sikamma reppeka, saba' ta'lenggai linoa.

PA'JARIANG 33:20

Nampa ambangung tampa' pakkoro'bangngang anjoreng ri tampaka. Naaremmi “El, Allata'alana Israel”.

KALAPPASSANG 24:4

Le'baki anjo natulisi'mi Musa anjo sikontu parentaNa Batara. Ammukona ri bari'basaka, ambangummi se're tampa' pakkoro'bangngang siagang sampulo anrua batu napaenteng, ri bangkenna anjo monconga; tunggala' anjo batu nipaentenga nawakkeli kalase'renna sikamma suku Israel.

PA'JARIANG 12:7

Napappicinikammi KalenNa Batara mae ri Abram na Nakana ri ia, “Iaminne pa'rasangang laKupassareanga mae ri sossorannu.” Nampa ambangummo Abram se're tampa' pakkoro'bangngang anjoreng untu' Batara, ia le'baka ampappicinikangi KalenNa mae ri ia.

PA'JARIANG 12:8

Le'baki anjo napatulusu'mi jappana a'lampa timboro', ri daera a'bontoa irayanganna kota Betel nampa akkema ri alla'na kota Betel siagang kota Ai. Betel ilaukang siagang Ai irayangngang. Ambangung tommi anjoreng tampa' pakkoro'bangngang nampa anynyomba ri Batara.

KALAPPASSANG 27:1

“Apparekko se're tampa' pakkoro'bangngang battua ri kayu akasia. Assulapa appaki pare'na; la'buna siagang sangkara'na massing-massing 2,2 metere' na tinggina 1,3 metere'.

KALAPPASSANG 32:5

Nampa appaenteng Harun se're tampa' pakkoro'bangngang ri dallekanna anjo sapi bulaenga nampa napa'la'bang napau angkana, “Ammuko nia' passua'-suarrang untu' ampakalompoi Batara.”