KALAPPASSANG 16:23 - KITTA' MATANGKASA'

²³ Nakanamo Musa mae ri ke'nanga, “Iaminne parentaNa Batara: Ammuko iamintu allo le'ba' nisa'la' untu' ammari-mari, allo Pammari-mariang, allo nisa'laka nanipassareang mae ri Batara. Apa eroka nulangga anne alloa, langga memammi, siagang apa eroka nupallu, pallu memammi. Apa la'bia untu' kaparalluang anne alloa, sa'laki siagang boliki untu' ammuko.”

KALAPPASSANG 16:23 Referans Kwoze

KAIMANGNGANG 23:3

Annang allo sallona taua anjama, mingka ri allo makatujua, iamintu Allo Pammari-marianga, iami allo pammari-mariang nisa'laka untu' mae ri Batara. Ri anjo alloa musti apparekko passibuntulang untu' asse're anggaukangi ibadaya siagang takkulleako anjama.

LUKAS 23:56

Le'baki nitarawang Isa, ammotere'mi ke'nanga appasadia bunga-bunga siagang minynya'-minynya' bau', ero' napake amminynya'-minynyaki maya'Na Isa. Ri wattunna allo Pammari-mariang, ammari-marimi ke'nanga massing ri jama-jamanna, sollanna naturuki ke'nanga apa napassuroanga agamaya.

KALAPPASSANG 23:12

Annangallo akkulleko anjama; mingka ri allo makatujua musti ammari-mariko, sollanna ammari-mari todong olo'-olo'nu, ata-atannu, siagang bansa maraeng anjamaya untu' ikau.

PAPPICINI' 1:10

Ri allonNa Batara, nikoasaia' ri RohNa Allata'ala; nampa nia' kulangngere' sa'ra sannaka lompona, sangkamma sa'ra tarompe', battu ri bokoku.

PAMMILANGNGANG 11:8

Punna bangngi tu'guruki anjo mannaya siagang saliuka ri tampa' pakkemaanga. Ri bari'basa'na a'jappami taua kemae-kemae ampasse'rei, nampa nagilingi yareka nadengkai na'jari labu', nampa napare' a'jari kanrejawa a'bo'dong siagang a'leppa'. Naia kasia'na sangkammai kanrejawa nitunua siagang minynya' zaitun.

KALAPPASSANG 16:19

Nakana Musa ri ke'nanga, “Manna inai takkulleai naboli' anjo kanrea manna sike'de' untu' ammuko.”

PAOLE 5:12

Pakalompoi Allo Pammari-mariang siagang pakala'biriki salaku allo matangkasa', nasaba' iNakkemi Karaeng Allata'alanu amparentakangi mae ri kau.

NEHEMIA 9:13

Kipaturung battu ri langi' mae ri tompo'na Moncong Sinai, Kinampa a'bicara siagang umma' kalenTa. Kisarei hukkung, atorang siagang parenta adeleka, tojenga siagang a'matu-matua.

NEHEMIA 9:14

Allo Pammari-mariang matangkasaka musti napakalompoi ke'nanga, na tete ri Musa Kipassareang hukkunTa.

YEREMIA 17:22

Teako anjamai yareka angngerangngi manna barang-barang apa mamo assulu' battu ri balla'nu ri allo Pammari-marianga. Sa'laki anjo alloa untu' iNakke sangkamma le'baka Kuparentakang mae ri boe-boenu.

PAMMILANGNGANG 11:7

Anjo tanja'na mannaya sangkammai lisere' ca'di-ca'di, kebo' kunyi'-kunyiki nicini'.