KALAPPASSANG 16:2 - KITTA' MATANGKASA'

² Anjoreng ri parang lompoa anjo, a'moro-moro ngasemmi ke'nanga mae ri Musa siagang Harun.

KALAPPASSANG 16:2 Referans Kwoze

1 KORINTUS 10:10

Takkullea tongki' a'moro-moro, akkunrareng; sangkamma nagaukanga ke'nanga riolo, sa'genna nibuno ke'nanga ri Malaeka'na Kamateanga.

KALAPPASSANG 15:24

A'moro-moromi anjo taua mae ri Musa siagang akkuta'nammi ke'nanga ri ia angkana, “Apamo laniinung?”

PAMMUJI 106:25

A'moro-moroi ke'nanga lalang ri kemana nataeroka ampilangngeri sa'ranNa Batara.

PAMMUJI 106:7

Wattunna ri Mesir tena napahangi boe-boena ikambe; tanapahangai bate pare' malompoTa. Nakaluppai pangngamaseang alla'biTa, ri ampi'na Tamparang Alara' angngewai ke'nanga mae ri Kaminang Tinggia.

PAMMUJI 106:13

Mingka linta'mi nakaluppai ke'nanga apa le'baka Nagaukang Batara siagang anggaukang apa-apa tamappala' tangara'Na.

KALAPPASSANG 14:11

Nampa nakanamo ke'nanga ri Musa, “Tenaka jera' ri Mesir, sa'genna nuerang ikambe sollanna anrinni ri tampaka mate ngaseng ikambe? Cini'mi apa kajarianna anjo panggaukannu!

PA'JARIANG 19:4

Mingka ri tenanapa na'lampa anjo sikamma toanaya attinro, battumi tu Sodom allipungi anjo ballaka. Sikontu tu bura'nea ri anjo kotaya, baji'na tau toa yareka tau rungka, nia' ngasengi battu.

KALAPPASSANG 5:21

Nakanamo anjo sikamma mandoroka, “Naassengi Batara panggaukannu! LaNahukkungko sallang! Passabakkang ikaumi sipa'rua nanikabirisi ikambe ri karaenga siagang sikamma pagawena, sa'genna ero'mo ke'nanga ambunoi ikambe.”

KALAPPASSANG 17:3

Mingka sanna' ngaseng turerena ke'nanga siagang tuli a'moro'-moromi ke'nanga ri Musa. Nakana ke'nanga, “Angngapa nuerangi ikambe assulu' ri butta Mesir? Nukellai ikambe siagang ana'-ana'na ikambe kammayatompa olo'-olo'na ikambe mate napakamma turere?”

PAMMILANGNGANG 14:22

angkanaya manna sitau anne sikamma taua tena lattallasa' untu' antama' ri pa'rasangang le'baka Kupa'janjiang mae ri boe-boena ke'nanga. Nasaba' taerokai ke'nanga mannuruki mae ri Nakke, siagang tulusu' ero'na ke'nanga ampaccoba-cobaiA'. Nampa le'ba'mi nacini' ke'nanga sioro'na cayaKu, siagang gau'-gau' malompo Kugaukanga ri Mesir siagang ri parang lompoa.