KALAPPASSANG 16:12 - KITTA' MATANGKASA'

¹² “Kulangngereki pa'moro-morona ke'nanga tu Israel. Pauammi ke'nanga angkana punna karueng langgappami ke'nanga dageng, siagang punna bari'basa' langnganrei ke'nanga roti sa'genna bassoro'. Jari lanaassemmi ke'nanga angkanaya iNakkemi Batara, Allata'alana ke'nanga.”

KALAPPASSANG 16:12 Referans Kwoze

YO"EL 3:17

“He Israel, kamma-kamma anne lanuassemmi, angkanaya iNakke Karaeng Allata'alanu. AmmantangA' ri Sion, bulu' matangkasakKu. Na Yerusalem a'jari tongi kota matangkasa', talantamakkami bansa maraenga.

YEHEZKIEL 39:22

Appakkaramula anjo wattua lanaassemmi tu Israel angkanaya iNakkemi Karaeng Allata'alana ke'nanga.

KALAPPASSANG 6:7

LaKuerangko mange ri pa'rasangang Kupa'janjianga ammake sumpa mae ri Abraham, Ishak siagang Yakub; Kupassareangi anjo buttaya mae ri kau a'jari ikau ampatangi. INakkemi Batara.”

ZAKHARIA 13:9

Bage talluna mami lasalama'. Siagang anjo ke'nanga laKupakatangkasaki rapang pera' nipakati'noka siagang pepe'. LaKuuji ke'nanga rapang tau angngujia bulaeng. Nampa lappala' doang ke'nanga mae ri Nakke, siagang laKupiali pappala'na ke'nanga. LaKupauangi ke'nanga angkanaya iami ke'nanga ummakKu, nampa ke'nanga lamangaku tongi angkanaya iNakkemi Karaeng Allata'alana ke'nanga.”

YEHEZKIEL 34:30

Jari lanaassemmi sikontu taua angkanaya anjo Israel ummakKu, siagang angkanaya iNakke alla'langngi. INakke, Batara Kaminang Tinggia, anne akkana.

YEREMIA 31:24

Lammantangi taua ri Yehuda siagang ri desa-desana. Anjoreng lania' pamarri siagang tummarakai olo'-olo' sapi siagang gimbala'.

KALAPPASSANG 7:17

Lanri kammana anjo, kammaminne kananNa Batara, ‘Battu ri apa Kugaukanga sallang, lanuassemmi angkanaya iNakkemi Batara.’ Anne takkanga laKupake antunrungi rateanna je'neka ri binangaya, nampa tappinra je'ne'na a'jari cera'.

KALAPPASSANG 4:5

Nakana Batara, “Gaukammi anjo kammaya sollanna tappa' tu Israel angkanaya iNakke, Batara, Allata'alana boe-boena ke'nanga, Allata'alana Abraham, Ishak siagang Yakub, le'ba' ampappicinikangi KalenNa mae ri kau.”

KALAPPASSANG 12:6

Musti nuboliki sa'genna tanggala' sampulo angngappa'. Anjo alloa, ri karuenna, sikontu umma' Israel musti napolongi anjo ana' gimbalaka.

KALAPPASSANG 16:11

Nakanamo Batara ri Musa,

KAIMANGNGANG 11:44

INakke Karaeng Allata'alanu, lanri kammana anjo jagai kalennu sollannu tuli matangkasa', lanri iNakke matangkasakKa'.

PAMMILANGNGANG 14:27

“Kemae sa'genna anjo sikamma tau ja'dalaka tuli la'moro-moro mae ri Nakke? Sikontu kunrarenna ke'nanga Kulangngere' ngasemmi.

1 KARAENG-KARAENG 20:28

Nampa nia'mo sitau na'bi battu mae ri Karaeng Ahab siagang angkana, “Iaminne Nakananga Batara: ‘Lanri anjo tu Siria nakanangi ri daera pa'moncongangi bawang jari kakoasangKu na tena ri lappara' rawaya, laKusareko pammetang mae ri anjo tantarana ke'nanga, sannaka ta'liwa'na jaina. Ikau siagang ra'ya'nu lanuassengi angkanaya iNakkemi Batara.’ ”

PAMMUJI 105:40

Appalaki ke'nanga, nampa nipabattu jangang-jangang kurammua, Nasarei ke'nanga roti battu ri suruga sa'genna bassoro'.

PAMMILANGNGANG 11:4

Lalang pa'jappanna anjo tu Israel nia' todong bansa maraeng amminawang. Ero' dudui anjo ke'nanga angnganre dageng, nampa appakkaramula tommo tu Israel akkunrareng. Nakanamo ke'nanga, “Ah, coba nania' mamo dageng untu' nikanre-kanre!

YEHEZKIEL 35:13

He bansa Edom, ikau lompo bicarako, siagang a'bicara tampoko mae ri Nakke. Kulangngere' kabusu'mi anjo sikammaya.