KALAPPASSANG 15:5 - KITTA' MATANGKASA'

⁵ Nia'luki ke'nanga ri tamparang lantang, rapangi batu naunga ri dapara'na.

KALAPPASSANG 15:5 Referans Kwoze

NEHEMIA 9:11

Untu' Kiparekang oloang ummatTa, kipuei tamparanga; Kipalimbangi ke'nanga ri butta kalotoro'na tamparanga. Tallang ngaseng lalang je'ne' sikamma tau angngondanga, sanrapang batu tallang ri tamparang karrasaka.

KALAPPASSANG 15:10

Mingka sikaliji a'mai' Batara na Napabattu balaya mae ri tu Mesir. Tallangi ke'nanga rapang tima battala' lalang ri gamarrunna je'ne' lompoa.

KALAPPASSANG 14:28

Ammotereki je'ne' tamparanga siagang natongko'mi naung sikamma karetaya, sikamma tau niaka andongkoki, kammayatompa sikontu tantara Mesir niaka angngondangi tu Israel antama' ri tangngana tamparanga, sa'genna mate kabusu'mo ke'nanga.

YEHEZKIEL 27:34

Kamma-kamma anne tallang mako, ancuru' rawanganna tamparanga. Kabusu' ana' buanu siagang sikontu luranga sipa'lanynyakkang ikau ri tangngana tamparang.’

PAPPICINI' 18:21

Le'baki anjo, nia'mo malaeka' sannaka kassa'na angngangka' se're batu lompo, sangkamma batu pa'giling sannaka lompona, nampa napasambila antama' ri tamparanga, siagang nakana, “Kammaminne batena anjo kota Babel masahoroka lanipasambila sarring, sa'genna tenamo nalanibuntulu' ammotere'.

MATIUS 18:6

“Inai-nai a'jari saba' natenamo natappa' ri Nakke tau ca'di kammaya anne, bajikangangi punna nigentungi batu kallonna nampa nitallangngang naung ri tamparanga.

MIKHA 7:19

LamangngamaseangKi' pole mae ri kambe siagang Kipammopporangi ikambe. LaKionjo'-onjokangi dosa-dosana ikambe nampa Kipasambila antama ri rawanganna tamparanga!

YUNUS 2:2

“O Batara, lalang kasusaangku kukkio' mae ri Katte naKipialia'. Battu ri linona tau matea nakuppala' pannulung, Kipilangngeri siagang Kiparhatikang pappala' doangku.

KALAPPASSANG 15:16

Tamaka malla'na ke'nanga ansa'bikangi kagassinganNa Batara. Ammalona ummatTa, takkulleai musua antahangi; ta'lappasa'mi bansa le'baka Kilappassang.

PAMMUJI 106:11

Mingka je'neka natallangngangi balinna ke'nanga; manna sitau tania' ammantang.

PANGNGEBARANG 8:24

Lassu' memamma' ri tenanapa nipa'jari tamparang lompoa, ri tenanapa nammumba sikamma kabattuanna je'neka.