KALAPPASSANG 15:27 - KITTA' MATANGKASA'

²⁷ Le'baki anjo battumi ke'nanga mange ri se'reang tampa' niarenga Elim. Anjoreng nia' sampulo anrua timbuseng je'ne' siagang tujupulo poko' korma. Appare'mi ke'nanga kema ri ampi'na anjo je'neka.

KALAPPASSANG 15:27 Referans Kwoze

PAPPICINI' 22:2

angngoloa ri tangnga-tangngana agang lompona anjo kotaya. Ri biring pimbali-baliNa anjo binangaya, nia' poko' katallassang, pissampuloa anrua a'rappo lalanna sitaung, iamintu sikali sibulang. Leko'na nipakei untu' amballei bansa-bansaya.

PAPPICINI' 7:17

nasaba' anjo Ana' Gimbala' ammempoa ri tangnga-tangngana anjo empoang kala'biranga la'jari pakalawaki mae ri ke'nanga. Lanirurungangi ke'nanga mae ri timbuseng je'ne' assarea katallassang. Na Allata'ala lassapui sikamma je'ne' matanna ke'nanga.”

PAMMILANGNGANG 33:9

Battu anjoreng a'lampa tulusu'mi ke'nanga siagang akkemami ri Elim; anjoreng nia' sampulo anrua timbuseng je'ne' siagang tujupulo poko' korma.

YEHEZKIEL 47:12

Ri sikamma birinna anjo binangaya napattimboi sangka' rupa poko' kayu rappo-rappoang. Tale'bakai kalumeng leko'na anjo poko'-pokoka, siagang tena la'busu'na rapponna. Anjo poko'-pokoka lappa'niaki rappo-rappo beru ri tunggala' bulang, nasaba' tuli nibasaina ri je'ne' a'lo'loroka battu ri Balla'Na Batara. Rapponna a'jari kanreang-kanreang siagang leko'na a'matu-matui untu' pa'balle.”

YESAYA 12:3

Rapang je'ne' dinging ampakarannui tau turerea, kammaminjo batenu larannu, lanri Nipasalamakko ri Allata'ala.”

KALAPPASSANG 16:1

Nampa a'lampa anjo sikontu umma' Israel battu ri Elim. Na ri tanggala' sampulona allima bulang makarua le'ba'namo nabokoi ke'nanga Mesir, battumi ke'nanga mange ri parang lompo niarenga Sin, niaka ri alla'na Elim siagang Moncong Sinai.

PAMMUJI 23:2

Napara'bai kalengku ri parang ruku' moncongbuloa. Naulua' mange ri je'ne' attallasa' sannanga.