KALAPPASSANG 15:26 - KITTA' MATANGKASA'

²⁶ Nakana Batara, “Mannuruki tojeng-tojeng mako mae ri Nakke, siagang gaukangi apa Kukanaya baji'; turuki sikamma parentaKu. Punna nugaukang anjo kammaya, tena nulaKuhukkung sangkamma garring le'baka Kupabattu mae ri tu Mesirka. INakkemi Batara ampamolleako.”

KALAPPASSANG 15:26 Referans Kwoze

PAMMUJI 103:3

Iami ampamopporangi sikontu dosanu, ampamollei sikontu garrinnu,

PAOLE 7:15

LaNala'langiko Batara battu ri sikontu garringa siagang Napakabellako battu ri sikontu bala sangkamma le'baka nucini' ri Mesir, ba'lalo anjo balaya musu-musunnu Napitujui.

KALAPPASSANG 23:25

Punna anynyombako ri Nakke, Karaeng Allata'alanu, laKubarakkakiko siagang kaparalluang kanrenu siagang inungannu, kammayatompa laKupakabellai sikontu garringa battu ri kau.

PAMMUJI 147:3

Napammollei tau la'baya pa'mai'na, siagang Naballei loko'na ke'nanga.

YEREMIA 33:6

Mingka sallang laKupakabajiki ammotere' anne kotaya siagang pandudu'na; lakassaki ammotere' ke'nanga. LaKusarei ke'nanga kasalewangang siagang kaamangngang alla'bia.

HOSEA 6:1

Nakana tu Israel, “Umba kimmotere' mae ri Batara. Ia ampa'risi nyawata mingka Ia todong ansaleori. Ia allokoki, mingka Ia todong lamballei anjo bokka'-bokkatta.

KAIMANGNGANG 26:13

INakke, Karaeng Allata'alanu, angngerangko assulu' battu ri butta Mesir sollanna tenamo nu'jari ata. Le'ba'mi Kutepoki kakoasang anjallakkangako, siagang Kupa'jari mako tau maradeka.”

AYUB 5:18

Saba' Allata'ala amma'risi, Ia todong ammallei. LimanNa annunrung, limanNa todong appakabaji' ammotere'.

PAOLE 28:60

Sikamma anjo garring appakamallaka nucini' ri Mesir lanatujuko, nampa takkulleako ammolle.

PAOLE 12:28

Parhatikang bajiki sikontu apa le'baka kuparentakang mae ri kau, nampa nugaukang apa bajika siagang Napangngellaia Karaeng Allata'alanu, sa'genna ikau siagang jari-jarinu salamakko siagang salewangangko sa'genna satunggu-tungguna.”

1 KARAENG-KARAENG 11:33

LaKugaukangi anjo kammaya lanri nabokoiMa' Salomo nampa anynyomba ri rewata-rewataya, iamintu: Asytoret, rewata baine battu ri Sidon; Kamos, rewata bansa Moab, siagang Milkom, rewata bansa Amon. Tena naturuki Salomo erokKu. Tena nasangkamma Daud manggena mannurukia ri Nakke siagang anggaukangai parenta-parentaKu.

YESAYA 57:18

Kucini'mi panggaukanna ke'nanga, mingka laKupakabaji' tonji ke'nanga. LaKururungangi siagang laKutulungi ke'nanga siagang Kusaleori tau si'naya pa'mai'na.

PAOLE 13:18

assala' nuturuki sikamma parentaNa kupabattua mae ri kau anne alloa, siagang nugaukang sikontu apa Nakaerokia.”

2 KARAENG-KARAENG 20:5

ammotere' mange ri Hizkia, karaenna Umma'Na Batara, siagang napabattui pasang kammaya anne, “INakke, Batara, Allata'ala nisombaya ri boenu Daud, Kulangngere'mi pappala' doannu siagang Kucini'mi je'ne' matannu. LaKupammolleko battu ri garrinnu; ammembara' la'lampako mange ri BallakKu.

PAOLE 28:27

LaNahukkungko Batara siagang garring lattang, sangkamma le'baka Nagaukang mae ri tu Mesir. Larassi kalennu siagang puru lompo siagang puru katala', nampa tena pa'ballena.

YEHEZKIEL 18:5

Ebara' angkana nia' tau baji', adeleki siagang lambusuki.

YEREMIA 8:22

Apa kutadeng lanrinna nasa'genna kamma-kamma anne tena memampa nammolle bansaku? Maka tenamo dottoro' yareka pa'balle ri sikontu Gilead?

2 KARAENG-KARAENG 22:2

Yosia nagaukangi apa Nangaia Batara. Naturuki panggaukanna boena iamintu Karaeng Daud, siagang naturuki tojeng-tojengi sikontu hukkunNa Allata'ala.

KAIMANGNGANG 26:3

Punna nuturuki paratorang-paratorangKu siagang parenta-parentaKu lalang tallasa'nu,

1 KARAENG-KARAENG 11:38

Punna ikau, sangkamma atangKu Daud, mannuruki tojeng-tojengko ri hukkung-hukkungKu, siagang nupakasannang atingKu, iamintu nugaukangi sikontu apa Kuparentakanga ri kau, tuli laKururungangko. LaKupa'jariko karaeng Israel. LaKutanggongi angkanaya turungannu la'jari karaeng ansambeangko, kamma le'baka Kugaukang mae ri Daud.

PAOLE 28:58

Punna tena namajarre' pa'mai'nu anturuki sikontu hukkunNa Karaeng Allata'alanu niaka tattulisi' lalang ri anne kittaka, siagang tena nupakala'biriki Karaeng Allata'alanu mala'birika siagang mappakalannasaka,

KALAPPASSANG 12:29

Ri wattu lantanna anjo bangngia Nabunomi Batara sikontu ana' bura'ne bungasa'na bansa Mesir, appakkaramula battu ri ana'na karaenga, sa'genna mae ri ana'na tau nitarungkua. Sikontu olo'-olo' bungasaka lassu' nibuno ngaseng tommi.

KALAPPASSANG 19:5

Kamma-kamma anne punna mannurukiko mae ri Nakke siagang majarrekko ri parjanjiangKu, laKupa'jariko umma' KalengKu. Sikontu buttaya ikau ampatangi, mingka ikau la'jariko umma' nikarimangngingKu,

KALAPPASSANG 19:6

poro untu' KalengKu bawang, nampa ikau lanulayaniA' salaku imang-imang.”

KALAPPASSANG 20:2

“INakkemi Karaeng Allata'alanu, angngerangako assulu' battu ri Mesir, tampa'nu nipare' ata.

PAOLE 12:25

Punna nuturuki anjo parentaya, lasannangi pa'mai'Na Batara, siagang ikau kammayatompa jari-jarinu lasalewangangko.

PAOLE 32:39

Ciniki, iNakke Allata'ala Tenaya Ruanna, pantaranganna iNakke tena maraeng. INakke ammuno siagang iNakke appakatallasa', allokoki siagang appamolle. PungKu angngalle tindakang, tena manna sitau akkulle angngewa.

2 KARAENG-KARAENG 2:21

Nampa a'lampamo Elisa mange ri timbuseng je'neka na napasambila anjo ce'laya antama ri je'neka siagang nakana, “Kammaminne kananNa Batara, ‘Kupa'jari tangkasaki anne je'neka sollanna tenamo napassabakki kamateanga siagang nalari cera' baine tiananga!’ ”

YEREMIA 7:23

Poro Kuparentakanji bawang ke'nanga sollanna mannuruki ri Nakke, sollanna iNakke a'jari Allata'alana ke'nanga, siagang ke'nanga a'jari ummakKu. Kusuroi ke'nanga attallasa' situru' parenta-parentaKu sollanna mate'ne ke'nanga.

YEREMIA 11:7

Ri wattunna Kuerang boe-boena ke'nanga assulu' battu ri Mesir, Kuterassi Kupakainga' ke'nanga sollanna mannuruki ri Nakke. Manna sa'genna ri kamma-kammaya anne tulusu' Kupakainga'na ummakKu ri anjo passalaka,

YEREMIA 17:24

Turuki sikontu parentaKu. Teako angngangkaki manna barang-barang apa mamo allalo ri pakke'bu' lompona anne kotaya ri allo Pammari-marianga. Sa'laki allo Pammari-marianga untu' iNakke, siagang teako anjamai apa-apa mamo ri anjo alloa.

YEREMIA 30:17

Manna pole nakana musunnu, ‘Sion le'ba'mi nipela', siagang taenamo amparhatikangi,’ mingka laKupa'jari bajikko ammotere', siagang laKuballei bokka'-bokka'nu.”

PAMMILANGNGANG 12:13

Jari ammarrammi Musa mae ri Batara, angkana, “O, Allata'ala, kupalaki, sollanna Kipammollei ammotere' battu ri garrinna!”

PAOLE 5:1

Napasse'rei Musa sikontu bansa Israel, nampa nakana mae ri ke'nanga, “Sikamma sari'battangku ngaseng, pilangngerimi anne hukkung-hukkung kupassareanga mae ri kau ngaseng anne alloa. Pilajari baji'-baji' anjo hukkung-hukkunga, siagang tuli majarrekko anturuki.

PAMMUJI 81:9

Pilangngeri pappakaingakKu, he kau ummakKu, Israel, ebara' angkana erokko ampilangngeriA'!

YESAYA 55:3

Pilangngeri, he bansaKu, battu mako mae ri Nakke, laKusareko katallassang sitojennaya. Lanri pangngamaseang siagang kajarrekang Kupa'janjianga ri Daud, appareKa' janji mannannungang siagang ikau ngaseng.

HOSEA 11:3

Padahala' iNakke angngajari Israel a'jappa, anrakaki lalang pangngamaseangKu. INakke amparakai mingka taerokai angngani.