KALAPPASSANG 15:22 - KITTA' MATANGKASA'

²² Nampa naerammo Musa anjo bansa Israel battu ri Tamparang Alara' mange ri parang lompo niarenga Syur. Tallungalloi ke'nanga a'jappa allalo ri parang lompoa, natale'baka ammuntulu' je'ne'.

KALAPPASSANG 15:22 Referans Kwoze

PA'JARIANG 16:7

Battumi malaeka'Na Batara mae ri Hagar ri ampi'na timbuseng je'neka ri parang lompoa, ri agang mangea ri parang lompo Sur.

1 SAMUEL 15:7

Le'baki anjo a'bundu'mi Saul siagang tu Amalek, nampa nabeta ke'nanga ri sikamma aganga battu ri Hawila sa'genna ri Syur ri rayanganna Mesir.

PA'JARIANG 25:18

Turunganna ke'nanga ammantang ri alla'na daera Hawila siagang Syur, ri bageang rayanganna Mesir a'lampa mangea ri Asyur. Tassa'la'mi ke'nanga battu ri turunganna Abraham maraenga.

KALAPPASSANG 3:18

Lanapilangngeri ummakKu kana-kanannu. Nampa musti siagangko sikamma pamimpinna tu Israel a'lampa mange andallekang ri Karaeng Mesir siagang angkana ri ia, ‘Batara, Allata'alana tu Ibrani, nia'mi battu ampappicinikangi KalenNa mae ri kambe. Kamma-kamma anne kisaremi ising ikambe a'lampa kira-kira tallungallo sallona nijappai battu anrinni, mange ri parang lompoa untu' assare koro'bang mae ri Batara, Allata'alana ikambe.’ ”

PA'JARIANG 20:1

A'letteki Abraham battu ri Mamre, ri bageang timboranna butta Kanaan, nampa ammantang anjoreng ri alla'na Kades siagang Syur. Siapa are wattu ribokoanganna, ri wattunna ammantang ri Gerar,

PAMMILANGNGANG 33:8

Nampa nabokoi ke'nanga Pi-Hahirot, a'limbang tamparang siagang antama' ri parang lompo Etam; ri tallungallonamo pa'jappang, akkemami ke'nanga ri Mara.

1 SAMUEL 27:8

Le'baki anjo jammanga, Daud siagang ana' buana biasai mange ambunduki tu Gesur, tu Girzi, tu Amalek; sikamma anjo bansaya sallo ngasemmi ammantang anjoreng ri daeraya. Mangemi a'bundu' sa'genna mange ri Sur, nampa tulusu' mange ri Mesir.

PAMMUJI 77:20

A'jappaKi' mannete bombang, anjappai tamparang, mingka takabateangai bate bangkenTa.

PAMMUJI 78:52

Nampa Napimping umma'Na sanrapang pa'rappungang gimbala', narurungang ke'nanga angngolo ri parang lompoa.

PAMMUJI 78:53

Amangi siagang tenamo namalla' ke'nanga nipimping ri Ia, nampa musunna ke'nanga tallangi lalang ri tamparang.

PAMMUJI 136:16

Napimpingi umma'Na allalo ri parang lompoa; pangngamaseanNa sa'genna satunggu-tungguna.

KALAPPASSANG 17:1

Nampa a'lampamo bansa Israel ambokoi parang lompo Sin, nampa a'lette'-lette' battu ri se'reang tampa' mange ri tampa' maraenga situru' Naparentakanga Batara. Ri se'reang wattu akkemami ke'nanga ri Rafidim, mingka tena je'ne' inung anjoreng.