Biblia Todo Logo
Bib sou entènèt

- Piblisite -




KALAPPASSANG 15:20 - KITTA' MATANGKASA'

20 Nampa anjo Miryam, sitau na'bi baine, daenna Harun, angngallemi rabana, kammayatompa sikontu bainea annunrung ngasemmi rabana nampa a'joge'.

Gade chapit la Kopi




KALAPPASSANG 15:20
33 Referans Kwoze  

Pujimi siagang rabana nu'joge'-joge', pujimi siagang kacapi na suling.


Ammotere'na Daud ri le'ba'namo nabeta Goliat anjo tu Filistin, siagang a'barrisi'na tantaraya antama' ri kotaya, assulu' ngasemmi sikamma tubai'-bainea battu ri sikontu kotaya untu' anruppai Karaeng Saul. Akkelong-kelommi ke'nanga kelong ma'rannu-rannu, siagang a'joge'-joge'mi ke'nanga nakkarena rabana siagang kacapi.


Sikontu taua nacini'mi barisang lompo pammetanTa, o, Allata'ala, Allata'alaku, Karaengku, nirurungammi ri tau jai mange ri tampa' pammantangnganNa.


Ammotere'na Yefta battu ri Mizpa, battumi ana' tulolonna anruppai na'joge'-joge' siagang appasa'ra rebana. Iaminjo ana' sitau-tauna.


Amram a'buntingi siagang Yokhebed, ana'na Lewi. Yokhebed anjorengi ri Mesir lassu'. Amram siagang Yokhebed nia' rua ana'na bura'ne, iamintu: Harun siagang Musa, kammayatompa sitau baine, iamintu Miryam.


Le'ba' mako Kuerang assulu' battu ri butta Mesir, siagang Kulappassangko battu ri nipareka ata; le'ba'mi Kusuro Musa, Harun, siagang Miryam untu' ampimpingko.


Pujimi arenNa nu'joge'-joge', pujimi siagang kacapi na rabana!


Anjo wattua a'jari pamimpinga ri Israel, iamintu sitau na'bi baine niarenga Debora, bainenna Lapidot.


Nia' todong sitau na'bi baine sannakamo toana. Niarengi Hana, ana'na Fanuel, battu ri suku Asyer. Nampami tuju taung le'ba'na a'bunting,


Akkelongko pammuji-muji mae ri Allata'ala, kagassinganta, akkio' rannuko ma'reja-reja mae ri Allata'alana Yakub.


Jari a'lampami Hilkia, Ahikam, Akhbor, Safan siagang Asaya mange appala' pangngunju' ri sitau baine niarenga Hulda, iamintu na'bi niaka ammantang ri pakkampongang berua ri Yerusalem. Bura'nenna niarengi Salum ana'na Tikwa, cucunna Harhas; jama-jamanna iamintu pangurusu' pakeang sambayang ri Balla'Na Batara. Le'ba'na nalangngere' kasingaranna ke'nanga,


Daenna bainea anjo ana' loloa niaki ammenteng tena siapa bellana battu ri anjo tampaka untu' amparhatikangi angkana apa lakajariang mae ri anjo andi'na.


Nia' appa' ana' tulolona le'ba' nisare pakkulle ri Allata'ala ampa'la'bangi Kabara' Baji' battua ri Allata'ala.


Nampa ammantang ummatTa anjoreng; lalang kabajikanTa, o, Allata'ala, Kiparakai tu kasi-asia.


Kipilangngeria', o, Batara, siagang Kikamaseang laloa'. O, Batara, Kitulung laloa'!”


Nampa a'joge'-joge' Daud sanna' lompona sumanga'na untu' ampakala'biriki Batara. Anjo wattua poro lipa' lenang bodo bawang napake napasikko' ri aya'na.


Le'baki anjo musti a'lampamako mange ri bontoNa Allata'ala ri Gibea, tampa' kemana tu Filistin. Ri pakke'bu' antamaya ri kotaya, lasibuntulukko siagang sipa'rappungang na'bi sitabanga naung battu ri bonto pakkoro'bangnganga. A'joge'-jogeki siagang akkiok-kioki ke'nanga, akkarena gambusu', rabana, suling siagang kacapi.


siagang a'jaga-jaga mako anjoreng. Sinampe' punna assulu' sikamma tuloloa ri Silo untu' a'joge' ri passua'-suarrang tunggala' taunga mae ri Batara, musti assulukko battu ri anjo koko-koko anggoroka. Nampa massing angngallemako tasse'rei tulolo battu ri ke'nanga nampa nulariang mange ri daerana Benyamin nupa'jari bainennu.


Lalanna bulang se're nabattu sikontu umma' Israel ri parang lompo Zin nampa ammantang ri Kades. Anjorengi mate siagang nitarawang Miryam.


Siagang punna tena na'bongong tu bai'-bainea ri wattunna appala' doang yareka ri wattunna napabattu biritta battua ri Allata'ala ri dallekanna tu jaia, nahinami tu bura'-bura'nena a'jari kapalaya mae ri kalenna. Punna kamma anjo, sanrapangi le'baka nicukkuru' ulunna anjo bainea.


Ri wattunna sitabang nierang anjo Patti Parjanjianga antama' ri kotaya, attoaki Mikhal ana' bainena Saul battu ri jandelaya na nacini'mo Karaeng Daud a'lumpa'-lumpa' siagang a'joge'-joge' untu' ampakala'biriki Batara; na lanremo nasa'ring Mikhal anciniki Daud appakamma.


Daud siagang sikontu bansa Israel a'jappa ri dallekanna anjo Pattia a'joge'-joge' sipagassing-gassinna tojeng siagang akkelong-kelong untu' ampakala'biriki Batara. Akkarena kacaping, gambusu', rabana, rincing-rincing siagang kasidai ke'nanga.


musti a'mereki tu bai'-bainea punna a'rappungangi jama'aka. Tanikellaiyai ke'nanga a'bicara. Takkulleai ke'nanga a'jari pamimping; kammaminjo ero'na hukkung agamaya.


Angngallemi Musa se're tubaine Kus nampa nabaineang; iaminjo napa'jari alasang Miryam siagang Harun untu' ancallai Musa.


Angngapa nuakkallia' siagang a'lampa tamakkana-kana? Ebara' angkana appala' kanako, mattantu kulappassangko a'lampa siagang baji', nirurungang siagang kelong-kelong rabana siagang kacapi!


Dasi-dasi natanalangngera tu Gat anjo kabaraka. Dasi-dasi sepe'-sepe' Askelon tanagappayai kabara'na anjo passalaka. Gassingka akkio' rannui bai'-baine tu Filistin gassingka suaraki akkio' baine kapereka.


Amram nia' rua ana'na bura'ne, iamintu: Harun siagang Musa, siagang sitau baine, iamintu niarenga Miryam. Harun nia' appa' ana'na bura'ne, iamintu: Nadab, Abihu, Eleazar, siagang Itamar.


Nasuro tommi Daud sikamma anjo pamimpinna tu Lewi sollanna nasuro siapa are jaina tau battu ri sukuna ke'nanga untu' akkelong siagang akkarena lalang kelong-kelong karannuang siagang kacapi na simbala'.


Allata'ala ampattantui wattu untu' angngarru' siagang wattu untu' ammakkala', wattu untu' appiraung siagang wattu untu' a'joge',


Bansanu laKupa'jari porei sangkamma riolo. Sikalipi pole langngalleko rabana, siagang a'jogekko napakamma rannu.


Nakana ke'nanga, “Apaka tete ri Musa ji bawang akkulle a'bicara Batara? Sai akkulle tonji a'bicara tete ri katte?” Nalangngereki Batara anjo apa nakananga ke'nanga.


Appala' doamma' ri Allata'ala angkana, “O, Allata'ala, Kiu'rangi anjo apa nagaukanga Tobia siagang Sanbalat. Kihukkungi ke'nanga! Kammayatompa na'bi baine niarenga Noaja siagang na'bi-na'bi maraenga eroka anggarattaka'.”


A'jappai ri dallekang sikamma pakelonga, ri bokona sikamma pakarena kacapia; ri tangngana sikamma tulolo patunrung rabanaya; kammaminne kelonna ke'nanga:


Swiv nou:

Piblisite


Piblisite