KALAPPASSANG 15:17 - KITTA' MATANGKASA'

¹⁷ Nampa Kiantara' tu Israel mange ri tampa' Kipilea untu' pammantanganTa. Ammantang tulimi ke'nanga ri bulu' matangkasatTa, ri Balla' Kibangunga KalenTa.

KALAPPASSANG 15:17 Referans Kwoze

PAMMUJI 44:2

O, Allata'ala, kalenna ikambe allangngereki, riwaya' nacaritaya boe-boena ikambe ri passala' gau' malompo le'baka Kigaukang ri jammang riolo.

PAMMUJI 80:8

O, Allata'ala Kaminang Koasaya, Kipammollei ikambe lammoro' pa'mai' maKi' anciniki ikambe, sollanna salama' ikambe.

YEREMIA 32:41

Lasannangi pa'maikKu a'gau' baji' mae ri ke'nanga, naKupammantang ke'nanga anrinni ri anne pa'rasanganga sa'genna satunggu-tungguna.

YEREMIA 31:23

Batara Kaminang Koasaya, iamintu Allata'alana Israel, nakana, “Punna le'ba'mi Kupa'jari pore ummakKu sangkamma riolo, ri pa'rasangang Yehuda siagang ri desa-desana nia' nilangngere' tau lakkana, ‘Dasi-dasi naNabarakkaki Batara bulu' matangkasaka ri Yerusalem tampa' pammantangngang matangkasaka untu' KalenNa.’

YEREMIA 2:21

Kulamungko rapang poko' anggoro' Kupilea battu ri lamungang bajika. Mingka kamma-kamma anne amminra mako, a'jari lamung-lamung liara' siagang tenaya matu-matunna.

KALAPPASSANG 15:13

Kipimpingi anne bansa le'baka Kipasalama', lanri majarrekKi' mae ri janjinTa. Lanri koasa malompoTa naKila'langi, siagang Kirurungang mae ri butta matangkasatTa.

KALAPPASSANG 23:20

“LaKusuroi malaekakKu a'jappa riolo ri dallekannu untu' anjagaiko lalang pa'jappannu siagang angngerangko mange ri tampa' le'baka Kupasadia.

KALAPPASSANG 32:34

Kamma-kamma anne a'lampamako, nampa nuerang anjo ke'nanga mange ri tampa' le'baka Kupau mae ri kau. MalaekakKu lanrurungangko, mingka nia' se're wattu sallang na narapi' wattunna laKuhukkung ke'nanga lanri dosa-dosana ke'nanga.”

PAOLE 33:19

Nabirittai bansa maraenga nai' ri monconna ke'nanga; koro'bang sitojennaya napassareang ke'nanga anjoreng. Battu ri tamparangi anggappa pa'barang-barangngang ke'nanga, battu ri tambunna kassika nagappa ke'nanga.”

2 SAMUEL 7:10

Nampa pole, untu' ummakKu Israel le'ba'mi Kupasadiang tampa' siagang Kusuroi ke'nanga ammantang tuli anjoreng, sollanna akkulle sannang tallasa'na ke'nanga, tenamo naniricui pole. Baku' battuna ke'nanga mae anrinni ri buttaya riolo, na Kuangka' pamimping-pamimpinga untu' ke'nanga, nibunduki ke'nanga ri sikamma tau mangngaia ri gau' katerassang, mingka anjo passala' kammaya tenamo nalakajariang poleang. A'janjiA' angkanaya laamangko battu ri sikontu musua, siagang laKusareko jari-jari.

1 KARAENG-KARAENG 8:13

Kamma-kamma anne kupambangungangKi' balla' gammara', untu' a'jari pammantanganTa satunggu-tungguna.”

PAMMUJI 2:6

Nakana, “Ri Sion bulu' matangkasakKu le'ba' Kulanti' karaeng nipileKu.”

PAMMUJI 68:16

Moncong Basan Iami moncong heba', moncong jaia coppo'na.

PAMMUJI 76:2

Alla'bangi niasseng Allata'ala ri Yehuda; masahoroki arenNa ri Israel.

PAMMUJI 80:15

O, Allata'ala Kaminang Koasaya, battu maKi' ammotere', accini' maKi' battu ri suruga naKiparhatikang ummatTa.

PAMMUJI 114:2

Napa'jari Batara anjo Yehuda tampa' matangkasa'Na, Israel Napa'jari daera kakoasanNa.

KALAPPASSANG 25:8

Suroi anjo bansaya appare' se're kema untu' iNakke, sollangKu akkulle ammantang ri tangnga-tangngana ke'nanga.

YOSUA 22:19

Punna ra'masa' anjo daeranu siagang tena nasiratang nipa'jari tampa' ibada mae ri Batara, a'lette' mako mae anrinni, ri daeraNa Batara, ri tampa' niaka KemaNa Batara. Palaki sipa'gang daerana ikambe, mingka teako angngewai mae ri Batara yareka teako ewai ikambe lanri nutambaina tampa' pakkoro'bangnganga nampa nia'mo tampa' pakkoro'bangnganNa Karaeng Allata'alata.

YEHEZKIEL 37:26

LapparekKa' parjanjiang siagang ke'nanga untu' ampattantui kaamangnganna ke'nanga sa'genna satunggu-tungguna. LaKubarakkaki ke'nanga siagang laKutambai jaina ke'nanga. LaKubangungi ri pa'rasanganna ke'nanga BallakKu, lammentenga anjoreng satunggu-tungguna.

YEHEZKIEL 37:28

Punna nia'mi BallakKu ri tangnga-tangngana ke'nanga untu' satunggu-tungguna, lanaassemmi bansa-bansa maraenga angkanaya iNakke, Batara, le'ba' ampilei Israel a'jari ummakKu.”