KALAPPASSANG 15:13 - KITTA' MATANGKASA'

¹³ Kipimpingi anne bansa le'baka Kipasalama', lanri majarrekKi' mae ri janjinTa. Lanri koasa malompoTa naKila'langi, siagang Kirurungang mae ri butta matangkasatTa.

KALAPPASSANG 15:13 Referans Kwoze

PAMMUJI 77:20

A'jappaKi' mannete bombang, anjappai tamparang, mingka takabateangai bate bangkenTa.

1 PETRUS 1:5

Yangasenna anjo nipasadiai untu' ikau, lanri tappa' mako ri Allata'ala. Jari nijagai mako siagang kakoasanNa Allata'ala, sollanna akkulle nutarima kasalamakkang le'bakamo nipasadia untu' nipa'nyata sallang ri kala'busang jammanga.

YEREMIA 2:6

Tenamo najampangiA'; iNakke, le'baka angngului ke'nanga ri aganga, siagang angngerangi ke'nanga assulu' battu ri Mesir allalo ri parang kassika, daera roso' a'lekko-lekkoa, butta kalotoro' siagang jaia bahayana – parang tenaya nanipammantangngi siagang tenaya nanipanumaloi!

PAMMUJI 106:9

Lanri parentaNa na'jari kalotoro' Tamparang Alara', Ia angngerangi umma'Na a'jappa numalo ri tamparang, sanrapang numalo ri parang lompoa.

EFESUS 2:4

Mingka teai sipato' lompona kabajikang pa'mai'Na Allata'ala! Sanna' Nakamaseanta,

PAMMUJI 80:1

Untu' pamimping pakelong. Situru' lagu: Bunga Bakung. Pammuji kasa'bianna Asaf.

PA'JARIANG 19:16

Ranggaselami nyawana Lot. Mingka nikamaseammi ri Batara. Jari nirurungammi Lot siagang bainenna kammayatompa anjo ruaya ana'na ri anjo ruaya toananna assulukang battu ri anjo kotaya.

NEHEMIA 9:12

Kipimping ke'nanga siagang allung ri wattu singara' alloa. Ri wattunna bangngi Kisingari oloanna siagang benteng pepe'.

KALAPPASSANG 6:6

LaKupa'jariko ummakKu, siagang iNakke a'jari Allata'alanu. Na lanuassemmo angkanaya iNakkemi anne Batara, Allata'alanu, le'baka allappassangko battu ri Mesir, ampare' atayako.

KALAPPASSANG 15:16

Tamaka malla'na ke'nanga ansa'bikangi kagassinganNa Batara. Ammalona ummatTa, takkulleai musua antahangi; ta'lappasa'mi bansa le'baka Kilappassang.

KALAPPASSANG 15:17

Nampa Kiantara' tu Israel mange ri tampa' Kipilea untu' pammantanganTa. Ammantang tulimi ke'nanga ri bulu' matangkasatTa, ri Balla' Kibangunga KalenTa.

KALAPPASSANG 20:2

“INakkemi Karaeng Allata'alanu, angngerangako assulu' battu ri Mesir, tampa'nu nipare' ata.

2 SAMUEL 15:25

Nampa nakanamo karaenga ri Zadok, “Poterangi anjo Patti Parjanjianga mae ri kotaya. Punna Nangaia' Batara, tantu Nasarea' pangngellai ammotere' siagang anciniki pole anjo Patti Parjanjianga siagang tampa' pammantanganNa.

PAMMUJI 74:2

Kiu'rangi ummatTa le'baka Kipile battu riolo, bansa Kipakabebasaka sollanna a'jari Kipatang. Kiu'rangi Bulu' Sion, Kipareka a'jari pammantangnganTa.

PAMMUJI 78:35

Nau'rangimi ke'nanga angkana Allata'ala pa'la'langanna ke'nanga, siagang Kaminang Tinggia Tumappasalama'na ke'nanga.

YESAYA 51:10

IKatte todong ampakalotoroki tamparanga, je'ne' tamparang lantanga. IKatte appare' oloang lalang ri anjo je'neka, sollanna akkulle a'limbang sikamma tau Kipasalamaka.

YESAYA 57:15

Saba' kammaminne kananNa Allata'ala Kaminang Tinggia na matangkasa', makoasaya sa'genna satunggu-tungguna, “AmmantangA' ri tampa' tinggia siagang tangkasaka, mingka ammantang tongA' ri alla'na tau tuna pa'maika siagang tau assesse' lalanga lanri dosa-dosana, untu' ampamollei sumanga'na siagang panrannuanna ke'nanga.

YESAYA 63:9

Ia KalenNa nituju ri kasusaanna ke'nanga. Tena Nakkiring Batara tunisuro yareka tunisare koasa; Ia KalenNa allappassangi ke'nanga lanri pangngamaseanNa siagang pangngarimanginNa. Tuli Naparakai ke'nanga battu riolo.