KALAPPASSANG 14:26 - KITTA' MATANGKASA'

²⁶ Nakana Batara ri Musa, “Pajonjoi limannu ri tompo'na tamparanga, sollanna ammotere' je'neka, na natallangngang tu Mesirka, sikamma karetana siagang sikamma tau niaka irate ri anjo karetaya.”

KALAPPASSANG 14:26 Referans Kwoze

KALAPPASSANG 14:16

Angkaki takkannu nanupajonjo ri tompo'na tamparanga. Na lata'bage rua anjo je'neka sa'genna akkulle a'limbang tu Israel, a'jappa irawa ri dapara'na tamparanga, ia kalotoroka.

KALAPPASSANG 8:5

Nakana Batara ri Musa, “Suroi Harun ampajonjoi takkanna ri tompo'na sikamma binanga-binangaya, sikamma solonganga siagang kollang-kollanga, sollanna ammumba anjo tumpanga ri kere-keremae na napirassi butta Mesir.”

YAKOBUS 2:13

Nasaba' talaNapa'nyatayai pangngamaseanNa Allata'ala mae ri tau tenaya nangngasseng mangngamaseang. Mingka la'bi jarrekangangi pangngamaseanga na anjo hukkunganga!

MATIUS 8:27

Lannasa' ngasemmi ana' gurunNa Isa. Nakanamo ke'nanga, “Tau apamo anne kutaeng? Kamanna anginga siagang bombanga amminawang turu' todong ri parentaNa!”

MATIUS 7:2

Nasaba' antekamma batenu mangngadeli ri parannu tau, kamma tomminjo batenu laniadeli ri Allata'ala. Siagang pa'baku' apa nupake ambakuki parannu tau, ia tomminjo sallang pa'bakuka laNapake Allata'ala ambakukko.

KALAPPASSANG 7:19

Nakana Batara ri Musa, “Suroi Harun angngallei takkanna nampa nupajonjo mae ri tompo'na sikontu binangaya, sikamma solonganga siagang sikamma kollanga ri Mesir. La'jari ceraki je'ne'na, siagang lania' cera' ri sikontu pa'rasanganga, ba'lalo manna lalang ri sikamma dorong kayua siagang sikamma katoang batua.”

KALAPPASSANG 1:22

Appasulu'mi parenta karaenga mae ri sikontu ra'ya'na angkana, “Sikontu ana' bura'ne beru lassuka ri tu Ibrania musti nipelaki antama' ri Binanga Nil, mingka sikontu ana'na bainea akkullei nilappassang attallasa'.”

PAPPICINI' 16:6

Le'baki napassolong cera'na Umma'Na Allata'ala siagang cera'na na'bi-na'bia; kamma-kamma anne Kisuromi ke'nanga angnginung cera'. Memang siratang memang tongi anjo kammaya mae ri ke'nanga!”

YESAYA 11:16

Lania' agang lompo untu' lanaolo umma'Na tassesaya assulu' battu ri Asyur, sangkamma wattunna assulu' Israel battu ri Mesir.

KALAPPASSANG 15:1

Nampa nakelongammo Musa siagang tu Israel anne kelonga untu' mammuji mae ri Batara, “Eroka' mammuji mae ri Batara, saba' le'ba'mi ammeta lompo. Sikontu jaranga siagang tu'baena nipasambilai antama' ri tamparang.

KALAPPASSANG 15:4

Tantara Mesir siagang sikontu karetana nipasambilai antama' ri tamparang. Perwira-perwira tantarana kaminang gammaraka tallangi naung ri Tamparang Alara'.