Biblia Todo Logo
Bib sou entènèt

- Piblisite -




KALAPPASSANG 14:13 - KITTA' MATANGKASA'

13 Appialimi Musa angkana, “Teako mallakki! Attahangko! Lanuciniki apa Nagaukanga Batara untu' ampasalamakko. Anjo tu Mesir niaka nucini' kamma-kamma anne, tenamo nalanucini' pole.

Gade chapit la Kopi




KALAPPASSANG 14:13
36 Referans Kwoze  

Tena nuparallu a'bundu' lalang ri anne pa'bundukanga. A'lampamako mange ri tampa' le'baka nipattantuangko siagang attayang mako anjoreng. Lanuciniki antekamma bateNa Batara assareko pammetang. He pandudu' Yehuda siagang Yerusalem, teako lussakki yareka teako mallakki. Antama' mako ri anjo pa'bundukanga, na Nasareko Batara pammetang!”


nampa angkana, “O Karaeng mala'birikku siagang sikamma sari'battangku niaka hadere'. Angkanai Batara angkanaya teako tappu' minasai yareka teako mallakki andallekangi anjo tantara jaia. Nasaba' teai ikau la'bundu', passangalinna Allata'ala.


Anjo alloa Napasalamaki Batara tu Israel battu ri pa'bakkana tu Mesir, siagang nacini'mi ke'nanga sikamma maya'na tu Mesir nierang ri bombang mae ri biring tamparanga.


Appialimi Elisa angkana, “Teako mallakki. Ia niaka angngagangki' la'bi jaiangngangi naanjo ke'nanga.”


Paui mae ri tau ca'dia pa'mai'na angkana, “Pakajarreki pa'mai'nu, teako mallakki, battui Allata'alanu untu' anghukkungi musunnu, battui untu' ampasalamakko.”


Jari, bajiki kisannang attayang sa'genna battu Batara untu' antulungki';


Nakana Batara, “INakke Karaeng Allata'alanu, le'baka angngerangko assulu' battu ri Mesir. Tena Allata'ala maraeng pantaranganna iNakke. INakkemi se're-se'rea ampasalamakko.


A'dakkaKi' maju untu' allappassangi ummatTa siagang untu' ampasalamaki karaeng nipileTa. Kitunrung sa'genna tu'guru' pamimpinna tau dorakaya, Kibarrasa' sa'genna la'busu' sikontu tau amminawanga ri ia.


INakke Kale-kalengKu Batara, pantaranganna iNakke tena appasalama'.


‘Sikamma sari'battangku, pilangngeri anne! Anne alloa erokko maju a'bundu'. Teako mallakki yareka teako ca'di pa'maikki, yareka teako lingui.


Teako angngewai mae ri Batara, siagang teako mallakki mae ri tau niaka ammantang anjoreng ri pa'rasanganga, nasaba' gampang sikali lanibeta. Anjo alla'langiai ke'nanga a'lampami ambokoi ke'nanga, siagang Batara anrurungangki'. Jari teako mallakki.”


O Batara, kasalamakkang Kipassareanga, iaminjo sarro kutayanga.


Tena matu-matunna ikambe assua'-suara' anynyomba barhala irate ri coppo'-coppo' buluka. Battu ri Karaeng Allata'alana bawang ikambe pannulunna umma' Israel.


Kiciniki pa'risi'na boena ikambe ri wattu allaloa; Kipilangngeri karru'na ri Mesir siagang ri Tamparang Teberau.


Le'baki anjo, anggappami Abram pappiso'na siagang nalangngere'mi Batara angkana ri kalenna, “Teako mallakki Abram. LaKujagaiko battu ri balaya, siagang laKusareko pahala lompo.”


Kipasalamaka', o Batara Allata'alaku, hukkungi naKipesoki sikontu balingku.


O, Batara, iKatte assare passiamakkang siagang salewangang mae ri tau jarreka pa'mai'na, lanri tappa'na mae ri Katte.


Nakanamo anjo malaekaka ri anjo bai'-bainea, “Teako mallakki! Kuassengi angkanaya Isa, le'baka nisalli', battu nuboya.


Nakana Batara Kaminang Tinggia, Allata'ala matangkasa'na Israel mae ri umma'Na, “Toba' mako siagang sannang mako, nulanipasalama'. Tappa' mako mae ri Nakke na nupakasannang pa'mai'nu, naKupakajarrekko.” Mingka taerokako!


O Batara, maka lanri tamparang kutadeng na nai' larroTa? Maka binanga-binangaya ampakanassuKi'? Kibaei rammanga a'jari jarang siagang kareta bundu', ri wattu Kisarena pammetang ummatTa.


LaKuancuru' kabusukko, he bansa Israel! Nampa inai kutadeng akkulle antulungko?


Nakanamo Allata'ala, “INakkemi Allata'ala, Allata'alana manggenu. Teako mallakki untu' a'lampa mange ri Mesir. LaKupa'jari turungannu se're bansa lompo anjoreng.


Appialimi Musa angkana, “Teako mallakki. Nabattu Allata'ala kaero'nuji Naso'ri sollanna nutuli mannuruki mae ri Ia, siagang tena nudoraka.”


Mingka nakanamo Saul, “Tenanniakka tau akkulle nibuno anne alloa, nasaba' anne alloa Napasalama'mi Batara Israel.”


Kamma-kamma anne pilangngeri pole! Parhatikangi panggaukang malompo le'baka Nagaukang Batara ri dallekannu ngaseng.


Pauangi anjo karaenga angkana musti sadia-sadiai, mingka tuli sannangi. Teami mallakki yareka lingui. Anjo larrona Karaeng Pekah siagang Karaeng Rezin siagang anjo tantarana tu Siria, tena nalompoangngang bahayana na ruaya cappa' kayu tunuang a'rumbua.


Anjo bangngia Napappicinikammi KalenNa Batara ri ia, na nakana, “INakkemi Allata'alana manggenu Abraham. Teako mallakki; laKujagaiko. LaKubarakkakiko siagang laKusareko turungang sannaka jaina lanri janjingKu mae ri atangKu Abraham.”


Allata'alata Iamintu Batara Mappasalamaka, Ia allappassangki' battu ri kamateanga.


Amangi siagang tenamo namalla' ke'nanga nipimping ri Ia, nampa musunna ke'nanga tallangi lalang ri tamparang.


Punna accinikko mae ri tammulilinu, nuciniki tau ja'dalaka anggappa pa'balasa'.


Mingka bansa Yehuda laKukamaseangi. INakke, Batara, Allata'alana ke'nanga lampasalamaki ke'nanga; mingka teai lanri pa'bundukang, teai todong lanri pa'dang yareka pana yareka jarang siagang pabaena.”


Swiv nou:

Piblisite


Piblisite